- Պարոն Կարապետյան, Հովիկ Աբրահամյանի կադրերից հերթով ազատվում եք: Այս կադրային փոփոխություններով հնարավո՞ր է առողջացնել ձեր ասած՝ վատ վիճակում գտնվող տնտեսությունը:

- Հովիկ Աբրահամյանի կադրերից ազատվելու խնդիր չկա: Կադրերը, եթե փոխում ենք, ռեալ փոխում ենք, որպեսզի ինչ-որ խնդիր լուծենք:

- Ովքե՞ր են նոր նախարարները, մի մասին հանրությունն, ընդհանրապես, չի ճանաչում:

- Իրենց կենսագրությունը գրած է:

- Ձեր թիմակիցնե՞րն են:

- Այո:

-  ՀՀԿ-ականներ քիչ են այնտեղ:

- Դա կապ չունի, ընտրության մեջ դա կապ չունի:

- Ի՞նչ սկզբունքով եք ընտրել նրանց:

- Ես ասել եմ չէ՝ պրոֆեսիոնալիզմ:

- Հնարավո՞ր է ընդդիմությանն էլ առաջարկեք որեւէ պաշտոն:

- Եթե լավ մասնագետ լինի, ինչու՞ ոչ:

-Դեռ քանի՞ նախարար կփոխվեն:

-6-ը փոխվել են, 18-ն են:

-Իրենց պրոֆեսիոնալիզմը ե՞րբ եք տեսել:

- Տարբեր ժամանակ:

-Կոռուպցիայի դեմ Հովիկ Աբրահամյանի ստեղծած հակակոռուպցիոն հանձնաժողո՞վի միջոցով եք պայքարելու:

- Այդ թվում:

- Այլ միջոցներ է՞լ եք ձեռնարկելու:

- Այո:

- Այդ հանձնաժողովը հաջողության դեռ չի հասել: Դուք ինչպե՞ս եք հասնելու հաջողության:

- Ես չեմ հետազոտել դա, չեմ կարծում, որ հաջողություն չկա:

- Հրանուշ Հակոբյանն ու Հասմիկ Պողոսյանը լինելո՞ւ են նոր կառավարությունում:

- Կիմանաք:

-Կոռուպցիայի դեմ պայքարը որտեղի՞ց եք սկսելու:

- Տարբեր տեղերից:

-Բիզնեսմեններից մեկն ասում է, որ Հայկազ Բաղմանյանն իր բիզնեսը խլել է եւ դիմել է ձեզ:

- Ես այդ հարցը դեռ չեմ ուսումնասիրել:

- Էլեկտրաէներգիայի եւ գազի մասով նորություն կա՞:

- Մենք առաջարկել ենք մեթոդաբանությունը փոխել սակագների, տարանջատել սոցիալապես անապահովին՝ ոչ սոցիալապես անապահովից, նաեւ կարող է մենք որոշակի բիզնես ոլորտներին, մասնավորապես՝ ջերմոցներ, վերամշակող ձեռնարկություններ գյուղատնտեսության, ստեղծել բարենպաստ պայմաններ:

- Սոցիալապես անապահովների համար կարո՞ղ է էլի մինչեւ 200 կիլովատից քիչ ծախսն էժան լինել:

- Կարող է եւ ավելի:

Առավել մանրամասն՝ տեսանյութում:

armtimes.com