USArmenianews.com
Լրատվական կայք՝ Լոս Անջելեսից
Չորեքշաբթի, 19 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Ինչպես ասում են, եթե ուզում ես թաղել գործը, ապա հանձնաժողով ստեղծիր
2023-05-02 12:38:00
Տպել Տպել

44-օրյա պատերազմի հանգամանքները քննող հանձնաժողովի ղեկավար Անդրանիկ Քոչարյանը ԱԺ-ում հայտարարել է հանձնաժողովի գործունեության ժամկետը 6 ամսով երկարաձգելու մասին՝ միաժամանակ խոստանալով, որ այլևս երկարաձգման կարիք չի լինի:
Ֆորմալ առումով հայտարավում է, որ հանձաժողովի աշխատանքների երկարաձգման պատճառը հանձնաժողովի ձեռքի տակ եղած հսկայածավալ նյութերն են՝ պատերազմի մանրամասներին ու անցքերին վերաբերող, որոնց ուսումնասիրման համար օբյեկտիվորեն անհրաժեշտ կլինի երկար ժամանակ: Հազարավոր փաստաթղթերի մասին է խոսք գնում, ինչպես նաև խոսվում է մի շարք ներկա ու նախկին պաշտոնյաների, զինվորականների հարցաքննության անհրաժեշտության մասին, որ իբր պետք է լույս սփռի պատերազմի չպարզաբանված հանգամանքների վրա:
Սակայն արդյոք սկզբունքորեն իշխանություններն ունե՞ն հանձնաժողովի գործունեության կարիքը, թե՞ սա ընդամենը քաղաքական նպատակներով ստեղծված մարմին է, որի բուն նպատակը պատերազմում արձանագրված պարտության իրական պատճառների կոծկումն է:
Բանն այն է, որ պատերազմի ավարտից ի վեր Հայաստանում չեն դադարում խոսակցություններն այն մասին, որ արձանագրված պարտությունն իրականում ծածուկ դավաճանության հետևանք է: Ավելին՝ պնդում են, որ այդ դավաճանությունն իրականում տեղի է ունեցել իշխանական բուրգի ամենավերևում ու հետո միայն տարածվել բանակի վրա՝ վերևից իջեցված ծածուկ հրահանգի տեսքով: Բազմաթիվ են վկայություններն այն մասին, թե ինչպես են զինվորների մեջ լուրեր տարածել, որ պայքարելն անիմաստ է, քանի որ հողերն արդեն տրված են և այլն:
Ըստ այդմ՝ հանձնաժողովն իբր նպատակ ունի՝ զննելու ու ուսումնասիրելու այն դավաճանական շղթան, որ գործել է պատերազմի օրերին: Բայց չգիտես՝ ինչու, նույն Անդրանիկ Քոչարյանը բազմիցս է ապրիորի պնդել, որ դավաճանությունն իրականում տեղի է ունեցել ներքևի օղակներում, մինչդեռ վերևներում դրա մասին իբր տեղյակ չեն եղել:
Այս պնդումները, իհարկե, անհամոզիչ են թվում ու հանգեցնում են այն եզրահանգման, որ 44-օրյա պատերազմի հանգամանքները քննող հանձնաժողովի բուն նպատակը ոչ թե իրականությունը ջրի երես դուրս բերելն է, այլ այն հնարավորինս խորը թաղելը:

Հետևաբար՝ մեծ է հավանականությունը, որ դրա գործունեության վերջում, որի վերջը չի երևում, կհայտարարվի մի այնպիսի վերդիկտ, որն առնվազը քաղաքականապես ձեռնտու կլինի իշխանություններին ու չի սասանի ՔՊ-ական իշխանության դիրքերը՝ անկախ ճշմարտությունից, անկախ նրանից, թե ով է իրականում կանգնած «5-րդ շարասյան» գլխին:
Ինչպես ասում են, եթե ուզում ես թաղել գործը, ապա հանձնաժողով ստեղծիր:

Այս նյութը դիտել են - 838 անգամ
Թողնել մեկնաբանություն
2024-06-01 23:50:00 Կեղծ արցախասերը
Կեղծ արցախասերը
Բոլորը ›››
Ամենաընթերցվածները
Օրվա Շաբաթվա Ամսվա
Facebook