USArmenianews.com
Լրատվական կայք՝ Լոս Անջելեսից
Հինգշաբթի, 03 Դեկտեմբերի 2020թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
2020-11-29 22:01:00 ՊԱՐԶԱԲԱՆՈՒՄ ՊԱՐԶԱԲԱՆՈՒՄ ›››
Արխիվ
Օրվա Լուսանկար
Մենք շատ բան չգիտեինք, բայց իմացողներն ինչո՞ւ սին հայտարարություններով հաղթելու պատրանք ստեղծեցին, որ հետո սկուտեղի վրա մեզ մատուցեն կտոր_կտոր մասնատված մի հայրենիք
2020-11-18 21:51:00
Տպել Տպել

Նոյեմբերի 19։

Հայոց պատմության ամոթալի էջերի ականատեսն ենք դարձել, մի պարտություն, որը ստվերի տակ դրեց հերոսական դրվագներ....
Մեզանից ո՞ր մեկը հասցրեց ճանաչել իր հերոս հայորդիներին, երբ պարտությունը շղարշի քողով ծածկեց նրանց սխրանքները...
Մեզանից շատերը նույնիսկ չհասցրինք սգալ մեր սուրբ նահատակներին, երբ ցավալիորեն զոհասեղանին դրվեց մեկ այլ նահատակ` բզկտված հայրենիքի պատկերով։
Մենք կորցրինք շատ ավելին, քան պատկերացնում էինք, և հասկացանք, որ ուժեղ դիվանագիտություն չունեինք, այլապես նման կործանարար պարտության չէինք մատնվի։
Մենք հասկացանք, որ ունենք հայրենիքի նվիրյալներ, բայց ոչ ամուր կառույց իր զինատեսակներով, որ կարողանար մեկուկես ամիս դիմադրել անօրեն թշնամիներին...
Մենք շատ բան չգիտեինք, բայց իմացողներն ինչո՞ւ սին հայտարարություններով հաղթելու պատրանք ստեղծեցին, որ հետո սկուտեղի վրա մեզ մատուցեն կտոր_կտոր մասնատված մի հայրենիք։
Պարզվում է` մեր իշխանությունները սիրում են մեզ անակնկալներ մատուցել, որի բացասական հնչողությունից մարդ ցնցվում է, ու անհետք չի մնում։
Այն ստորացուցիչ ստորագրությունից հետո մենք գիտեինք, որ Մարտակերտի շրջանի մի շարք գյուղեր անցնում են թշնամուն։ Բայց, ի զարմանք ինձ, լսեցի` իբր 90 տոկոսով հույս կա, որ այդ գյուղերը չեն հանձնվի։
Հետաքրքիր է, ու՞մ վրա էին հույս դրել...
Ու տարհանված գյուղերի բնակիչները հանգիստ շունչ քաշեցին, որ շուտով կվերադառնան իրենց տները։
Բայց ահա այս անգամ էլ հույսի պատրանք ստեղծողները երեկ ցնցող անակնկալ մատուցեցին այդ գյուղացիներին` առաջարկելով շուտափույթ ազատել գյուղերը...
Արդյո՞ք մեր ժողովուրդն այսքան ցնցումներից հետո պատրաստ է պետական այրերի սին հայտարարություններին զոհ գնալ...
Գուցե ժամանակի՞ն ասվեր, որ այդ գյուղերի բնակիչները հասցնեին տան ունեցվածք հանել, իրենց ապրուստի միջոց անասունները տեղափոխել, նաև հարց է, թե որտեղ, ինչով, ինչպես...
Իսկ գուցե դիտավորյա՞լ այս անգամ էլ ինքնախաբեության գնացին, ինչպես նախորդ օրերին, երբ հաղթելու պատրանք ստեղծեցին, վերջում պարտվեցինք։
Ո՞ւմ էր պետք այդ անլույս հույսը, որ այնքան կորստաբեր դարձավ։
Ես ցանկանում եմ ունենալ մեզ ուղղորդող այնպիսի հաստատուն իշխանավորներ, որ հավատամ նրանց, առավել ևս, երբ նպատակ ունեմ մեր անվտանգությունն ապահովելուց հետո վերադառնալ Մարտակերտ ու ապրել թշնամու հարևանությամբ...
Նատաշա Պողոսյան

Այս նյութը դիտել են - 530 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (256-ձայն)
  • Վատ (170-ձայն)
  • Շատ Վատ (1204-ձայն)
Ajax Loader
Facebook