USArmenianews.com
Լրատվական կայք՝ Լոս Անջելեսից
Երեքշաբթի, 21 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Վլ. Գասպարյանի թիկնազորի պետի քաղաքապետ փեսան ՀՀԿ-ին «ակուրատնի ընտրություններ» է խոստանում
2017-02-24 09:40:00
Տպել Տպել

«Առաջին լրատվական»-ի զրուցակիցն է Մասիսի քաղաքապետ Դավիթ Համբարձումյանը։

 – Պարոն Համբարձումյան, Հովիկ Աբրահամյանի հեռանալուց հետո Արարատի մարզում իրավիճակն ինչպիսի՞ն է, հատկապես նախընտրական զարգացումների առումով։

– Շատ լավ, ամեն ինչ նորմալ է, ընտրությունները, մասնավորապես Մասիսում շատ նորմալ են լինելու, հանգիստ, ակուրատնի ընտրություններ են լինելու։

– Սակայն, մարզում բոլորը խոսում են, որ կրքերը գնալով թեժանում են ՀՀԿ-ի և «Ծառուկյան» դաշինքի առաջադրած ռեյտինգային թեկնածուների միջև։

– Ոչ մի կրքեր էլ չեն թեժացել, ամեն ինչ նորմալ է։ Ես Մասիսում ՀՀԿ-ի շրջանային խորհրդի ղեկավարն եմ և վստահեցնում եմ, որ Հանրապետական կուսակցությունը բացարձակ հաղթանակ է տանելու։

– Անկախ նրանից, որ Հովիկ Աբրահամյանն այլևս ՀՀԿ-ի համա՞ ր չի աշխատում։

– Այո, անկախ դրանից։

– Իսկ լարվածություն կա՞ նրա՝ ՀՀԿ-ն լքելուց հետո: Գյուղապետերից շատերն էլ հետևեցին Հովիկ Աբրահամյանին և ՀՀԿ-ից դուրս եկան։ 

– Մասիսում նման դեպք չի եղել, ընդհակառակը, նոր մարդիկ են եկել, անդամագրվել կուսակցությանը։ Ներհոսք կա։

– Իսկ ինչպե՞ս եք գնահատում մարդկանց տրամադրվածությունը, շատերը կարծես՝ հիասթափված են ընտրություններից, չեն ուզում մասնակցել։

– Մասիսի տարածաշրջանում և Մասիս քաղաքում ընտրողները շատ ակտիվ մասնակցում են ընտրություններին։ Ինձ թվում է՝ երբ քարոզարշավը սկսվի, բոլորը կտեսնեն, որ Մասիսում ամեն ինչ նորմալ է։

– Իսկ Հովիկ Աբրահամյանն ակտիվություն չի՞ դրսևորում, նկատի ունեմ իր համախոհներին հավաքել և ՀՀԿ-ի դեմ աշխատել։

– Տեղեկություններ չունեմ այդ մասին։

– Բայց նրա որդին Արարատի մարզում առաջադրվել է «Ծառուկյան» դաշինքի ցուցակով։ Մտավախություն չկա՞, որ ձայների կեսը կարող է գնալ «Ծառուկյան» դաշինքին՝ հաշվի առնելով, որ լուրջ մրցակցություն կա այստեղ։

– Հովիկ Աբրահամյանի որդուն չեմ ճանաչում և ընդհանրապես տեղյակ չեմ, թե Հովիկ Աբրահամյանի որդին ինչով է զբաղվում։ Ես կարող եմ պատասխան տալ միայն Մասիսի համար և համոզված եմ, որ ՀՀԿ-ն բարձր արդյունքներ է գրանցելու այստեղ։ Ապրիլի 3-ին բոլորս միասին արդյունքները կտեսնենք։

1in.am

Այս նյութը դիտել են - 24455 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook