USArmenianews.com
Լրատվական կայք՝ Լոս Անջելեսից
Հինգշաբթի, 26 2022թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am
Facebook twitter Youtube
Search
am en
Արխիվ
Օրվա Լուսանկար
Որոշեցի մինչ գրքի շնորհանդես կազմակերպելը իմ «Պատերազմական օրագրում» տեղ գտած զոհվածների հարազատներին հրավիրել դպրոց` գրքեր նվիրելու
2022-01-20 18:12:00
Տպել Տպել

Օրը լինում է նաև ծանր, երբ լացելու ցանկություն է ծնվում, բայց չես կարողանում լացել, երբ կողքիդ արցունքոտված աչքեր են, սակայն հայացքդ խոնարհում ես, որ չտեսնես...

Որոշեցի մինչ գրքի շնորհանդես կազմակերպելը իմ «Պատերազմական օրագրում» տեղ գտած զոհվածների հարազատներին հրավիրել դպրոց` գրքեր նվիրելու։
Սուրճի սեղանի շուրջ թվում էր` երկխոսության մեջ կլինեինք, բայց զոհված լույս տղաների կորստյան խորին կսկիծը լռության էր մատնել բոլորիս։ Մի լռություն, որ խախտեց տնօրեն Ռուզաննա Հարությունյանը` հրավիրվածներին ուղղված իր հարգալից խոսքով, զոհվածների հիշատակով...

Եթե քարը ուղղակիորեն կարողանար խոսել, կցանկանայի խոսեր շատ բարձրաձայն, այն էլ` ապառաժ քարի ծանրությամբ, երկինքը ահեղաձայն որոտար, ամենուր հնչեին ցասումնալից խոսքեր, թե ինչու են այս ՄԱՐԴԻԿ վշտահար դարձել, կորացել ու ճերմակել...

Հրավիրվածների մեջ որդիներ կորցրած մայրեր կային, հայրեր, ամուսիններ կորցրած կանայք, քույրեր։

Իմ խոսքում գրքի ստեղծման ճանապարհն էր...Ինձ թվաց երկարեց խոսքս, բայց ամեն բառ արտաբերելիս կարծես զգում էի նրանց ահռելի մեծ ցավի ձայնը, որ հիշեցնում էր հայրենիքի համար իրենց կյանքը զոհաբերած հայորդիներին։ Խոսքս զուգակցված էր զոհվածների հիշատակով պատերազմական դաժան օրերի հիշողություններով...
44_օրյա պատերազմում զոհված Կամո Բախշյանի կնոջ` Ալվարդ Ավթանդիլյանի անմիջական, շատ սրտաբաց խոսքը ավետում էր ապրելու պատգամ, իսկ հայը կյանքի շարունակականությամբ անմահների հիշատակով սերունդներին պիտի փոխանցի վաղվա լուսավոր օրվա հավատը...
Օրը ծանր էր, բայց նաև արժևորված, գրքի հեղինակիս հանդեպ մեծագույն հարգանքով, շնորհակալական զգացումով...
(Շարունակելի)։
Նատաշա Պողոսյան

Այս նյութը դիտել են - 4017 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook