USArmenianews.com
Լրատվական կայք՝ Լոս Անջելեսից
Երկուշաբթի, 16 Դեկտեմբերի 2019թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
2019-12-04 20:06:00  Show must go on..... Show must go on..... ›››
Արխիվ
Օրվա Լուսանկար
Ոստիկանությանը չեն հարգում, ժողովրդական խոսքով ասած` բանի տեղ չեն դնում.Hraparak
2017-10-23 23:37:00
Տպել Տպել

«Հրապարակ»-ը գրում է.

Մենք էլ, պարզվում է, իզուր ուրախացել էինք, որ Ճանապարհային ոստիկանությունը վերջապես որոշել է զբաղվել Երևանում երթևեկության կարգավորման հարցերով:
Ոստիկանության կայքում մի տեսանյութ էին տեղադրել, թե «հեսա տեսեք ինչ ենք անելու», բայց այդպես էլ ոչինչ չեն անում: Խոսքը ինքնաշեն ու ինքնագլուխ ավտոկանգառների մասին է, որոնք, իբր, պետք է վերացնեին: Այնպիսի տպավորություն է, որ ճանապարհային ոստիկանությունը Երևանում երթևեկությունը կարգավորում է ոչ թե ինչպես պետք է, այլ ինչպես հարմար է: Ինչպես հարմար է պաշտոնյաներին, ինչպես հարմար է լավ տղերքին, ինչպես հարմար է «մուծվողներին», մի խոսքով` յուրայիններին, բայց ոչ հասարակ մարդկանց: Հակառակ պարագայում, Ոստիկանության պաշտոնական կայքում տեղադրված և մեզ այնքան ուրախություն պատճառած տեսանյութի հրապարակումից հետո Երևանում չպետք է լինեին երթևեկության հատվածներում տեղադրված աթոռներն ու իշոտնուկները, «no parking» մակագրությամբ ինքնաշեն ու ինքնահնար ցուցանակները, առանձին հատվածներում կարգ ու կանոն հաստատող «ստայանչիկները»:

 Ցավալի է, այո, որ Ոստիկանությանը չեն հարգում, ժողովրդական խոսքով ասած` բանի տեղ չեն դնում: Եթե այդպես վարվեին հասարակ մարդիկ, նրանց թևերը կոլորեին ու կտանեին համապատասխան վայրեր` խելքի բերելու, բայց երբ Ոստիկանությանը չեն հարգում նախարարը, սուպերմարկետի տերը, բանուկ փողոցների աջ ու ահյակ մայթեզրերը «նայողները», անգամ ինքնահռչակ «ստայանչիկները», մեր իրավապահները մի տեսակ խեղճանում են կամ էլ ցույց տալիս, թե չեն տեսնում:
Որպեսզի տպավորություն չստեղծվի, որ օդում ենք խոսում, հայրենի Ոստիկանությանն ու ՃՈ-ին հրավիրում ենք գեղեցիկ անվանումով ՀՀ տնտեսական զարգացման և ներդրումների նախարարություն (Մհեր Մկրտչյան փ., 5): Մենք այս նախարարության գոյությանն, իհարկե, ըմբռնումով ենք մոտենում: Ժամանակին այն կոչվում էր էկոնոմիկայի նախարարություն: Եվ, քանի որ ոչ էկոնոմիկա ունենք, ոչ տնտեսական զարգացում և ոչ էլ մանավանդ այնքան ներդրումներ, որ դրա համար նախարարություն պահենք, ակամա ծանրութեթև ես անում այս հիմնարկի տված օգուտն ու վնասը: Որ բյուջե են մսխում, հասկանալի է, բայց որ դրանով հանդերձ նաև ճանապարհ են փակում, թվում է, արդեն, «գողական են գնում»:
Վերջերս նաև ՀՀ վարչապետն էր հանձնարարել Ոստիկանությանը` աշխատել Երևանում խցանումները նվազեցնելու և նորմալ երթևեկություն ապահովելու ուղղությամբ: Ամբողջ աշխարհում այս հարցը գլոբալ լուծում չունի, այսինքն հնարավոր չէ այն կարգավորել գեղեցիկ ցանկություններով: Դրա համար միջոցներ են պետք, շրջանցիկ ճանապարհներ, զանազան սահմանափակումներ, օրինակ, մեկ մեքենայով առնվազն 2 անձի երթևեկություն, շաբաթվա կենտ ու զույգ օրերին համապատասխանաբար կենտ ու զույգ համարանիշներով երթևեկություն և այլն: Այդպիսի միջոցառումներից է նաև համապատասխան պետական շենքերի, առևտրի խոշոր կենտրոնների և այլ բազմամարդ վայրերի մոտ ավտոկայանատեղիների ապահովումը:

Ամբողջական նյութն՝ սկզբնաղբյուր կայքում:

Այս նյութը դիտել են - 60915 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (235-ձայն)
  • Վատ (158-ձայն)
  • Շատ Վատ (1161-ձայն)
Ajax Loader
Facebook