Օրերս, ՀՀ ոստիկանանապետի խորհրդական Նարեկ Մալյանը ՖԲ իր էջում հանդես էր եկել Արա Պապյանի դեմ:
Գրել էր իրեն հատուկ ոճով՝ առանց ապացույցների՝ բամբասանքի մակարդակով հորինված ինչ-որ տեղեկություններ էր հայտնել:
USArmenianews-ը փորձեց ճշտել խորհրդականի` հատկապես այն պնդումը, որ իբրև թե Արա Պապյանը ժամանակին պատվիրել է ԱԳ նախարար Վարդան Օսկանյանի պատկերով մեդալ՝ որպես հաճոյանալու միջոց:
ԱԳ նախարարության երկարամյա աշխատակից մեր աղբյուրները հայտնեցին, որ նման բան չի եղել և անգամ դրա հնարավորությունը բացառվում էր՝ նկատի ունենալով Արա Պապյանի բավական ինքնուրույն և արժանապատիվ պահվածքն ԱԳՆ-ում աշխատանքի տարիներին և նրա արժանապատիվ կեցվածքը Օսկանյանի հետ շփումներում:
Նույնը հաստատեցին նաև Վարդան Օսկանյանի մերձավոր շրջանակից:
Ինչ վերաբերում է Արա Պապյանի որդիների Կանադայում բնակվելուն և կանադական քաղաքացիությանը, հիշեցնենք, որ Արա Պապյանը բազմիցս հրապարակայնորեն հաստատել է այդ հանգամանքը և դա երբեք գաղտնի չի պահել: Բայց Արա Պապյանը երբևէ չի անդրադարձել մեկ այլ հանգամանքի:
USArmenianews-ի աղբյուրները պնդում են, որ Պապյանն ու իր ընտանիքն առանձին են ապրում:
Արա Պապյանը մշտապես բնակվում է Հայաստանում, իսկ վաղուց նրա չափահաս որդիները, որոնք մանկության միայն մի քանի տարին են միայն Հայաստանում անցկացրել՝ հորից անկախ իրենք են որոշում ընդունել իրենց մոր հետ շարունակել բնակվել Կանադայում, որտեղ մեծացել են և կրթություն ստացել:
Ըստ մեր տվյալների՝ նրանք կանադական քաղաքացիություն են ձեռք բերել օրինական բոլոր ընթացակարգերը պահպանելով:
Այդպիսի որոշում են ընդունել նաև հարյուր հազարավոր մեր այլ հայրենակիցներ, որոնք բնակվում են արտասահմանում:
Հասկանալի է, որ ՀՀԿ-ական և որոշ «ընդդիմադիր» հողատուների կողմից անընդհատ հարձակումները Պապյանի դեմ՝ նպատակ ունեն որդիների հանգամանքն անտեղի շահարկել, իբրև թե վարկաբեկում են ընդդիմադիր հայացքներ ունեցող հորը, որի գաղափարների դեմ անզոր լինելով՝ անընդհատ ընտանեկան հանգամանքներն են փորձում աղավաղված ներկայացնել և դրանով իրենց կարծիքով բիծ նետել դիվանագետի վրա:
Նկատենք, որ մեդալների ամբողջությամբ հորինված պատմությունից՝ չեն խորշում նաև հեքիաթներ մոգոնել և դրանք հրապարակ նետել:
Որևէ բանական մարդ, հասկանալի է, որ նման թակարդը չի կարող ընկնել: