Shoppers take advantage of Black Friday door buster deals at Macys Herald Square, Nov. 24, 2016, in New York.
Ֆլորիդայից մինչև Կալիֆորնիա ամբողջ երկրով մեկ գնորդները հերթ են կանգնում, անգամ վրաններ տեղադրում մեծ խանութների առջև, որոնք խոստանում են մեծ զեղչեր Գոհաբանության օրվա կապակցությամբ:
Հինգշաբթի օրը Kmart խանութը բացվել էր առավոտյան ժամը 6-ին: Այլ խանութներ ևս ներառյալ JCPenney, Best Buy, Target բացվեցին մի փոքր ավելի ուշ:
Հինգշաբթի կեսօրից Նյու Յորքի Macys խանութի բազմաթիվ հաճախորդներ շտապեցին դեպի խանութը՝ օգտվելու նախասևուրբաթային զեղչերից: Ըստ Macys տրամադրած տեղեկության, 16 հազար մարդ հերթ էր կանգնել Մանհեթանում գտնվող խանութի առջև, որն իր աշխատանքը սկսեց երեկոյան ժամը 5-ից:
Բազմաթիվ առևտրի կենտրոններ բացված էին հինգշաբթի օրը ուշ ժամերին կամ ուրբաթ վաղ առավոտյան:
«Սև ուրբաթ»-ը հաջորդում է Գոհաբանության օրվա տոնին, որով մեկնարկում է տոնական զեղչերի շրջանը ԱՄՆ-ում: Դա չափազանց շահաբեր և եկամտաբեր շրջան է մանրածախ առևտրով զբաղվող խանութների համար:

amerikayidzayn.com