ԱԺ «Հանրապետական» խմբակցության պատգամավոր Գագիկ Մինասյանն այսօր հրավիրված ասուլիսին անդրադարձավ 2016թ.-ին՝ Հայաստանի տնտեսական մարտահրավերներին: Ըստ նրա, ուրախալի է, որ Համաշխարհային բանկի կանխատեսումը ՀՀ-ում այս տարվա համար համընկնում է բյուջեով կանխատեսված աճին՝ ՀՆԱ-ի 2.2%:

Ըստ պատգամավորի՝ քաղաքական դրդապատճառներով անորոշությունները խոչընդոտում են տնտեսական աճը:

Անդրադառնալով ներքաղաքական հարթությունում դրական միտումներին՝ նա մատնանշեց նոր Սահմանադրությունը: «Մի քանի օրենքներ ընդունվեցին և դեռ կընդունվեն, որոնք հասարակության մոտ կառաջացնեն դրական ազդակներ»,-ասաց նա:


ՀՀԿ–ական պատգամավորը պատասխանելով այն հարցին, թե դոլարի արժևորումը դրամի նկատմամբ հնարավո՞ր է հանգեցի գնաճի՝ նշեց, որ դա միտում է, որը պայմանավորված է դոլարի ուժեղացմամբ բոլոր մնացած արժույթների նկատմամբ: 

«Ինչ վերաբերում է գնաճին, նախորդ տարվա ընթացքում, տարին ավարտեցինք մեղմ գնաճով, կարծում եմ՝ այս տարի գնաճային ճնշումները կլինեն ոչ ավելի, որքան նախատեսված է բյուջեով»,-ասաց նա: