Այսօր մեր սիրելի գրող, լրագրող, սցենարիս, հրապարակախոս Արթուր Հայրապետյանի ծննդյան օրն է:
Մեր գործընկերոջն ու հարազատ, ազնիվ հոգուն մաղթում ենք քաջառողջություն, հաղթանակներ և կյանքում միմիայն վերելքներ:
Արթուր Հայրապետյան - գրող, լրագրող, սցենարիստ, հրապարակախոս:

Ծնվել է 1983թ-ին. հունիսի 19-ին: Միջնակարգը ավարտելուց հետո 2001թ-ին ընդունվել է՝ Երևանի թատրոնի և կինոյի պետական ինստիտուտի /գրական ստեղծագործություն/ բաժինը, գրող՝ Ռուբեն Հովսեփյանի կուրսը...
Տպագրվել է մի շարք ամսագրերում, թերթերում, էլ. մամուլում./հոդվածներ, էսսեներ, արձակ ստեղծագործություններ, բանաստեղծություններ, վերլուծականներ, գրականագիտական, թատերագիտական հոդվածներ, կինո և հեռուստատեսային հաղորդումների սցենարներ/, մի շարք կինո սցենարների հեղինակ է. Տպագրվել է. «Արվեստ» ամսագրում, «Կանչ Գրական թերթում, «Գարուն» ամսագրում, «Նարցիս» ամսագրում, «Արձակ», «Բրուտի խաչ», «Սերունդ», «Արդի հայ արձակ», «Գրողուցավ», «Գրանիշ», «Իրատես դե ֆակտո»...
Արթուր Հայրապետյանը 2005թ-ին նկարահանել է /Գիշերային երկխոսություն/ կարճամետրաժ ֆիլմ, որը ցուցադրվել է նաև արտերկրում... ԱՄՆ-ում ցուցադրվել է նրա կարճամետրաժ ֆիլմը, արժանացել հանդիսատեսի համակրանք մրցանակին:

2006թ.-ին Հայաստանի գրողների միության երիտասարդական սեկցիայի անդամ է:
2006թ-ն լույս է տեսել Արթուր Հայրապետյանի /էլի ես ու ես/ պատմվածքների ժողովածուն, իսկ 2013թ-ին լույս տեսավ հեղինակի երկրորդ գիրքը /Սպասում/... Առանձին պատմվածնքներ թարգմանվել են օտար լեզուներով՝ ռուսերեն, անգլերեն, ռումիներեն...

Աշխատել է Հանրային հեռուստատեսությունում, այնուհետև Maxinfo.am կայքում` լրագրող, նույն կայքում վարել է հեղինակային հաղորդում` 20 րոպե Արթուր Հայրապետյանի հետ հաղորդաշարը: Այնուհետև՝ Խոսք.am կայքում, Իրատես դե ֆակտո, 4NEWS.am էլ. մամուլում: Մի շարք էլ. համացանցային մամուլում տպագրվում է նրա քաղ. վերլուծությունները, գրական ստեղծագործությունները, հրապարակախոսությունները, արվեստին վերաբերող վերլուծություններ, էսսեներ և այլն:

2006թ.-ին Արթուր Հայրապետյանը արժանացել է ոսկե մեդալի, առաջին գրքի՝ Էլի ես ու ես ժողովածուի, որպես տարվա հայտնություն մրցանակին:

2015թ.-ին արժանացել է շնորհակալագրի. Հայոց Ցեղասպանության 100-րդ տարելիցի միջոցառումները լուսաբանելու համար:

Արթուր Հայրապետյանը նաև իրականացնում է մի շարք բարեգործական ծրագրեր, այցելություն մանկատուն, ծերանոց, հաշմանդամ երեխաների օգնության և այլն:
Նշենք, որ սիրելի լրագրողը անկուսակցական է...

USArmenianews.com լրատվական կայքը նույնպես շնորհավորում է լրագրող Արթուր Հայրապետյանին ծննդյան տոնի առիթով՝ ցանկանալով ամենալավն ու բարին: