USArmenianews.com
Լրատվական կայք՝ Լոս Անջելեսից
Երեքշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Իշխանությունները որոշել են հերթական հարվածը հասցնել խոսքի ազատությանը
2024-04-30 11:10:00
Տպել Տպել

ԱԺ նիստում ՀՌՀ նախագահ Տիգրան Հակոբյանը, ներկայացնելով 2023-ի գործունեության տարեկան հաղորդումը, հայտարարել է, որ կարիք է զգացվում նոր ռազմավարության մշակման, որի արդյունքում հեռուստաալքիների թիվը կրճատվելու է: «Մենք առաջարկում ենք դիտարկել մուլտիպլեքսի սլոթերի քանակի կրճատման հնարավորությունը, այսքան հեռուստաընկերություն Հայաստանը բոլոր առումներով, ըստ տրամաբանության, չպիտի ունենա: Ավելի քիչ քանակի հեռուստաընկերությունները կօգտվեն ավելի էֆեկտիվ այն սահմանափակ գովազդային դաշտից, որը կա այսօր ՀՀ-ում»,-մասնավորապես՝ ասել է Հակոբյանը:

Առաջին հայացքից կարող է թվալ, թե Հակոբյանը, որ իշխանությունների մարդն է համարվում, խելքին մոտ բան է ասում: Իրականում, սակայն, գործ ունենք քաղաքական հրահանգի հետ: Ընդդիմադիր ԶԼՄ-ներն իշխանությունների համար վաղուց դարձել են գլխացավանք, ուստի փորձ է արվելու կրճատել դրանց թվաքանակը՝ այն հաշվարկով, որ որքան մարդիկ քիչ լսեն ընդդիմադիր խոսք, քննադատություն՝ իշխանությունների հասցեին, այնքան ՔՊ-ի վարկանիշը պակաս արագությամբ կընկնի՝ տալով շունչ քաշելու հնարավորություն:
Թե որքան են իշխանություններն ազդվում իրենց հասցեին հնչող քննադատությունից, պարզ է դառնում, երբ նկատի ես առնում, թե ովքեր են քաղաքական հալածանքների հատկապես ենթարկվում այսօր. քաղբանտակյալների մեծ մասը ճաղերի հետևում են՝ իշխանություններին քննադատելու պատճառով:
Ընդ որում ՝ ընդդիամդիր ԶԼՄ-ներին ճնշելու հարցը հրատապ է դարձել հատկապես սահմանազատման ու սահանագծման պատճառով: Պրոցեսը տևելու է բավական երկար, ուստի իշխանություները խնդիր են դրել հնարավորինս լռեցնել իրենց ու այդ պրոցեսի դեմ հնչող քննադատությունները, կառավարել այն հանրային ատելությունը, որ կուտակվել է իրենց հանդեպ:

Այս նյութը դիտել են - 574 անգամ
Թողնել մեկնաբանություն
Բոլորը ›››
Facebook