Հ

ՀԿ մամլո խոսնակ Էդուարդ Շարմազանովը շեղվել է կատեգորիաների հողի վրա: Ինչ կուզես հարցրու՝ այս մարդն անմիջապես անցնում է դասակարգման: Հիմա էլ այն հարցին՝ համագործակցության արդյունքում ՀՀԿ-ի՞, թե՞ ՀՅԴ-ի հեղինակությունն է բարձրանալու, պատասխանել է. «Հեղինակությունը սոցիալ-հոգեբանական կատեգորիա է»:

Սոցիալը չգիտենք, բայց հաստատ հոգեբանական, նույնիսկ կարելի է ասել՝ հոգեբուժական կատեգորիա է, հատկապես երբ այս մտքից հետո Շարմազանովը հայտարարում է. «Դաշնակցությունն ու ՀՀԿ-ն գրեթե նույն կերպ են տեսնում ապագա Հայաստանի տեսլականը»:

Թե ինչպես կարող է սոցիալիստական-հեղափոխական կուսակցությունը նույն տեսլականն ունենալ, ինչ որ ունի ազգային-պահպանողական նացիստականը, կամ եթե այդպես է, ո՞րն է նույն բանից երկու հատ ունենալու իմաստը, միայն Աստծուն է հայտնի ու մեկ էլ Շարմազանովին, ով սա էլ պիտի դիտարկի հոգեկան կատեգորիայի դիրքերից:

Իսկ երկու քաղաքական խմբերի նույնականացումը նպատակների առումով գրեթե ոչինչ չի նշանակում: Նույն կերպ տեսնելը նույն կերպ գործելու հետ որևէ առնչություն չունի: Ու դեռ պարզ էլ չէ, թե այդ ինչ բան է՝ ապագա Հայաստանի տեսլականը, որովհետև այն, ինչ տեսլական էր նրանց համար 10 տարի առաջ, երբ մեր այսօրը դեռ ապագա էր, դարձավ ոչ թե տեսլական, այլ մղձավանջ: Հիմա էլ եթե ՀՀԿ-ՀՅԴ համատեղ տեսլականը խոստանում է նույն էֆեկտն ու հետևանքը, ապա ավելի լավ է, որ գոնե դա նրանցից մեկը տեսնի, քանի որ երկուսի դեպքում տեմպերն ու հաճախականությունը կրկնապատկվելու են:

shame.am