USArmenianews.com
Լրատվական կայք՝ Լոս Անջելեսից
Հինգշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Հիմա հերթը հասել է մեր մյուս «Մեծ պատառին»` Հայաստան անունով...
2023-03-17 11:23:00
Տպել Տպել

Հարևան երկրի միապետը օր օրի ավելի է ուժեղացնում ճնշումը թե՛ Արցախի, թե՛ Հայաստանի վրա։ Նրան կշտացնելը դժվար է, Արցախի մնացած 25 տոկոսը շատ քիչ է, հայացքը դեպի Հայաստանն է, իր իսկ հորջորջմամբ` Արևմտյան Ադրբեջանը, որը ցանկանում է լցնել 800 հազար ադրբեջանցի փախստականներով։
Հիշեցի տարիներ առաջվա մի դեպք։
Դատավորը դատի էր տվել իր խորթ մորը, ով հարազատ հոր մահվանից հետո իր հայրական տունը թալանել էր։ Լսել էի, որ դատավորը նշել էր տարած գույքի կողքին նաև պատառաքաղների, գդալների, ափսեների քանակը, որոնք նույնպես այդ կինը իր հետ վերցրել էր։
Երբ հարցրի, թե անհարմար է, ինչու՞ է դատավորը իր հայցադիմումի մեջ գրել վերջինների մասին, ասացին` նույն հարցը երբ դատավորին ուղղել են, նա այսպես է արձագանքել, թե այդ մանր-մունր իրերը ներառել է իր դիմումի մեջ, որ գոնե դրանք անտեսելու դեպքում` մեծ իրերը ետ վերադարձնելու որոշում կայացնեն։
Երևի իմ ճանաչած երկար տարիների վաստակ ունեցող դատավորը իր փորձից ելնելով էր դիմել մեկ ուրիշ դատական ատյանի, որ իր հայցը մասնակի բավարարեն` մանր-մունր իրերն անտեսելով, մեծ գույքը վերադարձնելու որոշման կայացմամբ։
Հետևություն` երբ ՀՀ վարչապետը Արցախը ճանաչել է Ադրբեջանի մաս, երևի ենթադրել է, որ այդուհետ կվայելի իր իշխանությունը ու կգա «երկարատև խաղաղության դարաշրջանը»։ Բայց հակառակ իրավիճակ է ստեղծվել, երբ Արցախը փոքր պատառ է թշնամու երախում, նրան պետք է շատ ավելին... Իսկ թե ինչը նրա մեծ ախորժակը կհագեցնի, վարչապետը շատ ավելին կիմանա, քան մենք, երբ ժողովրդից թաքուն իրենք են եղել բանակցություններ վարողները կուլիսների հետևում։
Այդքանով հանդերձ` ուզում եմ հետևության գալ, եթե իմ ճանաչած դատավորի նման քայլերը կատարվեին, գուցե այս իրավիճակում չհայտնվեինք։
Երբ աշխարհի բազմաթիվ երկրներ ճանաչել էին Հայոց ցեղասպանությունը, ՀՀ իշխանություններն սկսեցին ստվերի տակ թողնել այդ մեծ ոճրագործությունը` հրաժարվելով պահանջատիրությունից, անգամ կրթական նախագծից հեռացնելով «ցեղասպանություն» բառը, Արևմտյան Հայաստանը վերափոխելով թուրքական Անատոլիայի...Այս մասին երկար չգրեմ` խնայելով նյարդերս։
Եվ այսպես` մեր «Մեծ պատառը»` Արևմտյան Հայաստանը, շան բերանում է, այս «փոքր պատառն» էլ` Արցախ անունով, նվիրաբերերում են։ Հիմա հերթը հասել է մեր մյուս «Մեծ պատառին»` Հայաստան անունով...
Հասել ենք ողբերգական վերջնակետին, այս վարչապետը իր թիմով չի՞ ուզում հրաժարական տալ, գուցե հարևան երկրի միապետը «նորի» հետ չհամարձակվի՞ ցինիկաբար ոտքը ձգել, գոնե այդպես հայոց երկիրը փրկվի...

Նատաշա Պողոսյան

Այս նյութը դիտել են - 795 անգամ
Թողնել մեկնաբանություն
2024-03-05 01:16:00  «Փակ» հանդիպում
«Փակ» հանդիպում
Բոլորը ›››
Facebook