USArmenianews.com
Լրատվական կայք՝ Լոս Անջելեսից
Ուրբաթ, 04 Դեկտեմբերի 2020թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
2020-11-29 22:01:00 ՊԱՐԶԱԲԱՆՈՒՄ ՊԱՐԶԱԲԱՆՈՒՄ ›››
Արխիվ
Օրվա Լուսանկար
Արցախի վարչապետի կոչը շատ ավելին ասաց մեր վիճակի լրջության մասին, քան ես կարող էի նկարագրել
2020-10-29 22:05:00
Տպել Տպել

Հոկտեմբերի 30։

Արցախի վարչապետի կոչը շատ ավելին ասաց մեր վիճակի լրջության մասին, քան ես կարող էի նկարագրել։

Շրջափակում, որին չեմ ուզում հավատալ, տարածքների հանձնում` հոգիս աղաղակում է, ինքնազոհաբերում` հայի հարատևելու ճանապարհն է...

Մնում ենք վերջինի ընտրության առջև ու զարմանում հայի ոգեղեն կամքով, որ չի սպառվում, այն չի մեռնում, ժամանակ առ ժամանակ վերածնվում, նորովի է երևում մեզ։
Արթուն գիշեր, եռացող երկինք, ռումբերի տարափ, աշխարհի տերերի հայացքին նայող մի անաղարտ ժողովուրդ, որ հայտնվել է հոշոտելու պատրաստ գազաններին դեմառդեմ։
Հավատում ենք, ու՞մ ենք հավատում մեր պարզ հայացքով, ապրելու սիրով, կյանքի երազով, երբ գերտերությունների խարդավանքների ոստայնում հայտնված` դեռ սպասում ենք լուսավոր օրվա։
Երբեմն չեմ ուզում հավատալ այն իրականությանը, որում հայտնվել ենք, երբ մի փոքրիկ երկրամասի ապրելու երազ փորձում են սպանել, կյանքի մաքուր երակը ուզում են կտրել...
Ես ցանկանում եմ այս աշխարհի հզորները պատասխան տան մեր չապրած օրերի համար, մեր այնքան անմեղ զոհերի համար, մեզ հասցրած ավերածությունների համար...Որքան շատ ատելու բան կա, գոռալու, աղաղակելու անհագուրդ ծարավ, երբ աշխարհի հյուսած սարդոստայնում ենք հայտնվել, որ բախվում է ամեն անգամ մեր հայորդիների մարտական սխրանքների ժայռեղեն պատին։
Ծանր գիշեր է, նոր ծանր օրվա սպասումով։ Երանի աշխարհի հանդեպ ճեղքվածք տված հավատիս կտորները մի օր հավաքեմ։

Նատաշա Պողոսյան

Այս նյութը դիտել են - 928 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (256-ձայն)
  • Վատ (170-ձայն)
  • Շատ Վատ (1204-ձայն)
Ajax Loader
Facebook