USArmenianews.com
Լրատվական կայք՝ Լոս Անջելեսից
Երեքշաբթի, 07 2020թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
Արխիվ
Օրվա Լուսանկար
Բուքիքիոյի կարևոր արձանագրումները և եվրոպական կառույցների կարևոր ընտրությունը
2020-06-26 21:10:00
Տպել Տպել

ՀՀ ՍԴ նախագահ Հրայր Թովմասյանին ուղղված Վենետիկի հանձնաժողովի նախագահ Ջիանի Բուքիքիոյի պատասխան նամակը պարունակում է այն առավելագույնը ինչ կարելի էր ակնկալել այդ հանձնաժողովից:
Հիշենք, որ Վենետիկի հանձնաժողովը եվրոպացի անկախ իրավաբաններից բաղկացած խորհրդատվական հանձնաժողով է և չունի քաղաքական գնահատականներ տալու ոչ լիազորություն և ոչ էլ գործառույթ: Այլ խոսքով Վենետիկի հանձնաժողովի նախագահից չէր կարելի սպասել դատապարտել կամ հաստատել ՍԴ-ի հետ կապված Հայաստանի իշխանությունների քայլերը: Այդ կապակցությամբ քաղաքական գնահատականների պիտի սպասել Եվրոպայի հանձնաժողովի և ԵԽԽՎ-ի պես կառույցներից, որոնք կարծում եմ շատ չեն ուշանալու:
Այդուհանդերձ Բուքիքիոն իր պատասխան նամակում կատարել է մի քանի չափազանց կարևոր արձանագրում, որոնք կարող են և պիտի որ հիմք ծառայեն եվրոպական կառույցների քաղաքական գնահատականների համար:
Առաջին՝ Բուքիքիոն պատասխան նամակում Հրայր Թովմասյանին դիմել է որպես «Հարգելի նախագահ», ինչը թույլ է տալիս եզրակացնել, որ չբաժանելով իշխանությունների տեսակետը Վենետիկի հանձնաժողովի նախագահը շարունակում է ՍԴ նախագահ ճանաչել Հրայր Թովմասյանին:
Երկրորդ՝ Բուքիքիոն ցավ է հայտնել, որ Հայաստանի իշխանություններն անտեսել են Եվրոպական հանձնաժողովի իրավական խորհրդատվական կառույցը համարվող Վենետիկի հանձնաժողովի տեսակետները: Վենետիկի հանձնաժողովն իր տեսակետներում հիմք է ընդունում իրավական մասնավորապես եվրոպական չափանիշներն ու արժեքները: Վենետիկի հանձնաժողովի տեսակետների անտեսումը նշանակում է անարգալից վերաբերմունք ցուցաբերել եվրոպական արժեքների հանդեպ:
Երրորդ՝ Բուքիքիոն կոչ է արել հարգել Սահմանադրությունը միևնույն ժամանակ ընդգծելով, որ «Դա հանդիսանում է իրավունքի գերակայության սկզբունքի հիմնարար պահանջը»: Հիշյալ կոչն անուղղակի կերպով հաստատում է Հայաստանի իշխանությունների կողմից ՀՀ Սահմանադրության դրույթների կոպիտ խախտումների անընդունելի փաստը:
Այս պահին գնդակը գտնվում է եվրոպական քաղաքական կառույցների դաշտում:
Նրանք ունեն երկու ընտրություն:
Կամ համարժեք գնահատական տալ Հայաստանի իշխանությունների կողմից սահմանադրական կարգի տապալմանը և կամ շարունակելով աչք փակել նման քայլերի դիմաց, մասնավորապես համավարակի պայմաններում վտանգավոր նախադեպ ստեղծել եվրոպական տարածքում արդեն իսկ նման հակումներ դրսևորած այլ իշխանավորների համար:
Ռոբերտ Մարգարյան

Այս նյութը դիտել են - 2592 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (250-ձայն)
  • Վատ (167-ձայն)
  • Շատ Վատ (1188-ձայն)
Ajax Loader
Ամենաընթերցվածները
Օրվա Շաբաթվա Ամսվա
Facebook