USArmenianews.com
Լրատվական կայք՝ Լոս Անջելեսից
Հինգշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Այս տոնական օրերին շնորհավորանքներս բազմերանգվում են
2017-12-28 10:10:00
Տպել Տպել

Նոր տարի, նոր երազանքներ ու այդ նորի հանդեպ՝ նոր սպասելիքներ...Ոմանց համար նոր տրամադրություն, նոր հրաշալիքներ, բարձրագույն վայելք, ոմանց համար՝ հացի խնդիր, որ առատ սեղաններ չեն ունենա, կլինեն նաև շատերը, որ մյուսներից հետ չմնալու համար մի նոր ճոխությամբ կդիմավորեն Նոր տարին, բայց հաջորդ օրերի սուղ կյանքը կազդարարի նրանց խեղճացած վիճակը, որ կարիք չկար մյուսների հետ քայլել ժամանակի հետ, եթե նյութապես ապահովված չես:

Գեղեցիկ է այդ տոնը, երբ շնորհավորանքները չեն տարբերակվում սոցիալական տարբեր շերտավորման պատկանող մարդկանց համար: Բարեմաղթանքները բոլորիս մեծագույն երազանքն են դառնում, երբ ամենքս ենք կապույտ երկնքի անդորրությունը երազում, որ խաղաղ լինի կյանքը, ստեղծագործ աշխատանքը՝ բեղուն:
Իմ շնորհավորանքներն օրեր առաջ ուղղված էին բոլորին, առանձնապես դպրոցի ավագ դասարանների այն աշակերտներին և ուսուցիչներին, ովքեր մասնակցում էին Նոր տարվա տոնական հանդիսավոր միջոցառմանը: Դպրոցի տնօրեն Լիդիա Պետրոսյանի խոսքը համեմված էր լավագույն օրհնանքներով՝ բոլորիս ընտանիքների բարեկեցիկ ու անհոգ կյանքի երազանքների իրականացմամբ: Գեղեցիկ էր միջավայրը, երբ երգն ու պարը, բազմազան կատակային խաղերը՝ միախառնված բարի օրհնանքներին, տոնական ուրախ տրամադրություն էին ստեղծել շուրջբոլորը:
Շնորհավորանքներս այս օրերին բազմերանգվում են, տարածքներն՝ ընդարձակում, երբ ամենուր դեմքեր կան՝ ծանոթ թե անծանոթ, հեռու թե մոտիկ, նյութապես ապահով թե անապահով, մեծ թե փոքր, նորածին թե ծեր...Բայց նրանց մեջ առանձնանում են այս ցրտերին սահմանին կանգնած զինվորները, ովքեր հայրենիք են պաշտպանում, որ խաղաղ լինի երկինքը, թիկունքում հանգիստ ապրի հայը: Ակնածանքս ու շնորհավորանքս նրանց, ովքեր հպարտորեն անցել են արցախյան պատերազմների բովով, հաղթանակ կռել ու այսօր էլ ապրում ու արարում են...Խոնարհումս նրանց, ովքեր չկան մեզ հետ, բայց անմահացել են ապրողներիս հոգում. շնորհավորանքս նրանց հարազատներին:

Շնորհավորում եմ բոլորիս Ամանորը և գալիք Սուրբ ծնունդը՝ հանձին կողքիս ապրող և Սփյուռքում գտնվող իմ արյունակից հարազատների և բոլոր նրանց, ովքեր վաղուց բարեկամական ու մտերմական թելերով կապված են ինձ հետ:
Շնորհավորանքս հեռուներում ապրող հայությանը, Լոս Անջելեսի հայկական «USArmenianews.com» լրատվական կայքի խմբագրակազմին, սոցկայքերի իմ ընկերական միջավայրին, իմ նյութերի բոլոր ընթերցողներին...
Շնորհավորանքս կրթության ոլորտի աշխատողներին, ուսուցիչներին, դպրոցականներին, նրանց ծնողներին, մեր բոլոր շրջանավարտներին... Բազմաթև բարեմաղթանքներս հեռու և մոտիկ, ինձ հարազատ, մտերիմ դարձած անձանց, ովքեր առիթ են տվել ինձ երբեմն զրուցելու, ովքեր սրտանց անկեղծանալ գիտեն ու թևեր են տվել ինձ սավառնելու...
Նոր տարին թող բարեբեր լինի, մարդիկ ներողամիտ լինեն, անշահախնդիր, սերն ու բարությունը իշխեն բոլորիս սրտերում, մարդու սիրտը կեղեքող չարությունը վերանա: Սուրբ ծննդյան տոնով բոլորի օջախներում ավետիս լինի նորածնի ծննդով թե բարի գործով, անձնական թե անանձնական կյանքով... Երկարատև խաղաղությունը թևածի ամենուր, պատերազմի սպառնալիքը վերանա հավերժ, բնությունն էլ դառնա մարդուն զորավիգ, հեռու լինենք բոլոր տարերքներից, այն աղետներից, որ վիշտ են բերում, խոր կսկիծ: Հայոց աշխարհը թող հզորանա, վերանա աղքատությունը, հայրենադարձության բաղձալի երազանքն էլ իրականանա...
Նատաշա Պողոսյան

Այս նյութը դիտել են - 8550 անգամ
Թողնել մեկնաբանություն
2024-03-05 01:16:00  «Փակ» հանդիպում
«Փակ» հանդիպում
Բոլորը ›››
Facebook