USArmenianews.com
Լրատվական կայք՝ Լոս Անջելեսից
Երկուշաբթի, 17 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
«Բայց էս լրագրողներդ ի՜նչ մուտիլովչիկներ եք. ի՞նչ, սաղին ուզում եք խառնեք իրար»
2015-12-12 09:09:00
Տպել Տպել

-Պարոն Ալեքսանյա՞ն, Ձեր «վերահսկողության» տակ գտնվող տեղամասերից քանիսո՞ւմ են «ոչ» ասել: 
-Ի՞նչ կարևոր է:
-Մտածված չէր, չէ՞:
-Դե որ լրագրողները շառ չանեն, ոնց կըլնի. ընտրություն ա, ժողովուրդը իր ձայնն ա հայտնում. մի տեղամասում «հա» է ասում, մի տեղ` «չէ»:
-Ասում են` որոշել եք էս անգամ Ձեր քրոջ որդուն էլ պատգամավոր դարձնել:
-Իմ քրոջ տղան մե՜ծ, չափահաս մարդ է։ Ինքն է որոշում` դառնա՞ պատգամավոր, չդառնա։ Ես չեմ որոշողը:
-«Հավատում եմ»։ Ասում են` Դուք գնալու եք Ապարանի «օկրուգից» ընտրվեք, նրան Ձեր տեղն եք «առաջարկելու»:
- Մինչև հիմա չգիտեք, որ առաջարկելով չի, ժողովրդի ընտրելով ա:
-Մի՞թե։ Հետաքրքիր էր: Եկեք մի շատ կառուցողական առաջարկ անեմ. տիկին Շողերինային «ընտրեք» պատգամավոր. «Սիթիների» մի ողջ կայսրություն է ղեկավարում, գենդերային քաղաքականության մեջ անուն ձեռք կբերի՜։ Խելացի է, գեղեցիկ… մեկ-մեկ Ձեզ փող է տալիս:
-Ո՛չ մի անգամ, երբե՛ք:
-Խանդո՞ւմ եք:
-Բա ի՞նչ եմ անում: 
-Եվ այնուհանդերձ, Ձեր մասին ասվում է, որ Դուք ոչ միայն բիզնես դաշտն եք մոնոպոլացրել, այլև քաղաքական. նկատենք. այսօր քաղաքական դաշտում չէ Ռուբեն Հայրապետյանը: Քաղաքական դաշտում չէ այլևս Գագիկ Ծառուկյանը։ Դուք միակն եք այդ դաշտում, որպես «փող չունեցող մարդ»:
-Իրենք էդպես են հարմար գտել, էդպես են վարվել:
-Իսկ ինչպե՞ս եք վերաբերվում Ռուբեն Հայրապետյանի նկատմամբ վերջին դեմարշերին` «Ֆան» ակումբի քայլերը, ֆուտբոլիստները հայտարարությամբ հանդես եկան: 
-Ընչի` ի՞նչ է եղել, տեղյակ չեմ:
-Դե, Ռուբեն Հայրապետյանի հրաժարականն էին պահանջում, պատմություններ եղան խաղը Ալբանիային ծախել-չծախելու շուրջ։ Իբր չգիտեք, հա՞:
-Իմ արև, տեղյակ չեմ:
-Տեղեկացրի:
-Ցավդ տանեմ, Հայրապետյանը որ չլինի, ֆուտբոլը եսիմ ինչ կլինի մեր հանրապետությունում:
-Բա էդ ո՞նց է, որ Ձեր մոտիկ ընկերոջ վիճակներից խաբար չեք, «поддержка» չեք անում:
-Հիմա ասում եմ` պարոն Հայրապետյանը ֆուտբոլի համար մեծ գործ է անում: Ես չեմ իմանում, թե իր հրաժարականը պահանջողներն ում «զակազն» են կատարում, ինչ են անում:
-Ասեմ` էդ էլ իմացեք-լուսավորվեք. և ուրեմն, ասում են՝ քանի որ Ռուբեն Հայրապետյանը Տարոն Մարգարյանի մոտիկն է, էնտեղ էլ Հովիկ Աբրահամյանն է ուզում, որ Երևանի ապագա քաղաքապետն իր որդի Արգամը լինի… մի խոսքով, այսպիսի բաներ:
-Բայց էս լրագրողներդ ի՜նչ մուտիլովչիկներ եք. ի՞նչ, սաղին ուզում եք խառնեք իրար…


Կարմեն ԴԱՎԹՅԱՆ

irates.am

Այս նյութը դիտել են - 1905 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook