USArmenianews.com
Լրատվական կայք՝ Լոս Անջելեսից
Հինգշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
20 փաստաբանների ներկայացրած հայցն ընդդեմ Փաստաբանների պալատի նախագահ Արա Զոհրաբյանի ընդունվել է վարույթ Hraparak
2017-11-27 10:53:00
Տպել Տպել

«Հրապարակ»-ը գրում է. 20 փաստաբանների ներկայացրած հայցն ընդդեմ Փաստաբանների պալատի նախագահ Արա Զոհրաբյանի ընդունվել է վարույթ եւ մակագրվել Երեւան քաղաքի Կենտրոն եւ Նորք-Մարաշ վարչական շրջանների ընդհանուր իրավասության դատավոր Էդիկ Ավետիսյանի։

Փաստաբան Տիգրան Աթանեսյանը մեզ հետ զրույցում ասաց, որ գործով առաջին նիստը կկայանա դեկտեմբերի 21-ին։ Թե ինչպիսի է լինելու դատարանում իրենց տակտիկան, Տիգրան Աթանեսյանն ասաց, որ մանրամասն չի կարող ասել․ «Բոլորն էլ պրոֆեսիոնալ փաստաբաններ են, ով ազատ եղավ, անտեր չենք թողնի, կներկայացնենք ոնց պետք է»։ Փաստաբանը նշեց, որ ցանկացած հայց ներկայացնելիս դատարան ակնկալվում է, որ այն կբավարարվի, թե ինչքանով սա կստացվի՝ առաջիկայում կտեսնեն։

ՓՊ նախագահ Արա Զոհրաբանը մեզ հետ զրույցում ասաց, որ հայցադիմումը դեռ չի ստացել, ստանալուց հետո կմտածի քայլերի մասին։ Նա դեռ չի որոշել, թե ով է զբաղվելու իր շահերի պաշտպանությամբ։ «Բայց մի բան պարզ է, որ հայցվորները իրավաբանական շահագրգռվածություն չունեն, իսկ դա հայցի բավարարման էական պայմաններից մեկն է:

Այսինքն, հայցվորները պետք է դատարանին ապացուցեն, որ Գլաձոր համալսարանը 1998թ. դիպլոմ տալով օրենք է խախտել, և զուգահեռ խախտել է հայցվորների իրավունքները: Գլաձոր համալսարանը որևէ օրենք չի խախտել, իսկ հայցվորների իրավունքները չէին կարող խախտվել: Դատարանից ակնկալում եմ արդարադատություն: Հայցվորները լավ գիտեն, որ իրենց հայցն ակնհայտ անհիմն է: Վաղը կարող են միջնակարգ կրթության ատեստատս վիճարկեն: Հիմքն էլ հուշեմ, զուգահեռ երաժշտական դպրոց եմ ավարտել, ջութակի բաժինը: Ես իրենց ծայրահեղական և անձնավորված գործողություններին լուրջ չեմ վերաբերվում»:

Հիշեցնենք, որ փաստաբանները պահանջում են չեղարկել Երևանի Գլաձոր համալսարան ուսումնաարտադրական կոոպերատիվի ավարտական քննական հանձնաժողովի 12.06.1999թ. որոշումը` քաղաքացի Ա.Զոհրաբյանին իրավաբանի որակավորում տալու մասին և նույն ուսումնաարտադրական կոոպերատիվի կողմից 14.06.1999թ. քաղաքացի Ա.Զոհրաբյանին տրված թիվ 000640 դիպլոմը անվավեր ճանաչելու պայմանագիրը։

Այս նյութը դիտել են - 12327 անգամ
Թողնել մեկնաբանություն
Բոլորը ›››
Facebook