USArmenianews.com
Լրատվական կայք՝ Լոս Անջելեսից
Երեքշաբթի, 19 2017թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|«Հայրենիքից հեռու»|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
Արխիվ
Օրվա Լուսանկար
Պատասխան՝ Աշոտ Ահարոնյանին
2017-09-06 05:15:00
Տպել Տպել

Աշոտ Ահարոնյանի մեկնաբանությունը Լիանա Զուրաբյանի ու ճանապարհային ոստիկանների մասնակցությամբ գրանցված միջադեպի շուրջ, որն ուղղակի ցնցել է հանրությանը, զավեշտալի,եթե ոչ ծիծաղելի պետք է համարել:
Ինչպես և սպասելի էր, Ահարոնյանը հապճեպորեն շտապել է արդարացնել ոստիկանության ակնհայտ ապօրինի գործողություններն Զուրաբյանի դեմ իրականացրած՝ համարելով դրանք միանգամայն օրինաչափ:
Իբր ոստիկանությունը, բա չեք ասի, ձեռնամուխ է եղել ընդամենն օրենքով իրեն վերապահված գործառույթների իրականացմանն ու որևիցե ապօրինություն Զուրաբյանի նկատմամբ չի գործվել, քանի որ ի սկզբանե անհնար է պատկերացնել, որ իրավապահ այս կառույցը կարող էր իրեն մարդու տարրական իրավունքները խախտող որևիցե գործողություն իրեն թույլ տալ:
Իհարկե, մերկապարանոց քարոզչությունը՝ մերկապարանոց քարոզչություն, բայց հավատալ այն բանին,ինչ պնդում է Ահարոնյանն, ուղղակի անհնար է, քանի որ մեկ անգամ չէ, որ Ահարոնյանի կողմից ներկայացվող կառույցն ապացուցել է՝ իր գործողություններում հաճախ ավելի շատ է կրիմինալի տոկոսայնությունը, քան օրենքի տառը:
Միայն ինձ հետ տեղի ունեցածը, միայն իմ դեմ ոստիկանության բարձրաստիճան պաշտոնյաների մասնակցությամբ կազմակերպված դիվերսիան, որն արդեն բավական երկար ամիսներ է, ինչ այդպես էլ չի դադարում, բավական է, որպեսզի Ահարոնյանի՝ այսպես կոչված հակափաստարկներն ու համապատասխան անհիմն պնդումները սուտ համարվեն:
Թե´ Ալլա Լևոնյանի միջոցով ու անմիջական մասնակցությամբ իմ անունը վարկաբեկել ջանալը, երբ վայելելով ոստիկանության աջակցությունը՝ Լևոնյանն իր վայ փաստաբանի հետ միասին հանրայնորեն իմ դեմ շինծու մեղադրանքներ էր հնչեցնում, թե իբր սպառնացել եմ երգչուհու կյանքին ու անվտանգությանը, թե´ ոստիկանական ֆեյքերի՝ իմ դեմ ամիսներ շարունակ իրականացվող հարձակումները, որոնք իրենց բնույթով ահաբեկչական են ու նպատակ ունեն վարկաբեկել բարի անունս ու ընտանիքիս համբավը, թե´ անձնագրային տվյալներիս հանրայնացումը ու թե´ նմանօրինակ հակաօրինական գործողություններն անձիս դեմ իրականացված բավական են, որպեսզի բացահայտվի Ահարոնյանի մերկապարանոց պնդումների իսկությունը:
Լիանա Զուրաբյանի հետ տեղի ունեցածը,ցավոք, ո´չ առաջինն է, ո´չ էլ հաստատ վերջինը կլինի, քանի որ սա ոչ թե մեկ մասնավոր դեպք է, այլ ոստիկանության խայտառակ գործելակերպի նույնքան խայտառակ դրսևորում:
Այնպես որ՝ Աշոտ Ահարոնյանը, նախքան ելույթներ ունենալը կամ դրանք հրապարակելը սոցիալական ցանցերում, շատ ավելի լավ կլիներ, իր ղեկավարի հետ միասին վերանայեր իր կողմից ներկայացվող համակարգի անընդունելի գործելակերպն ու համարձակություն ունենար իրականությանը նայելու բաց աչքերով:
Փաստերը չափից դուրս շատ են, որպեսզի հնարավոր լիներ դրանք կոծկել ֆեյսբուքյան գրառումներով:
Գայանե Մանուկյան

 

Այս նյութը դիտել են - 8450 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (67-ձայն)
  • Վատ (70-ձայն)
  • Շատ Վատ (559-ձայն)
Ajax Loader
Facebook