- 2024-05-10 18:27:00Միասնական թեկնածուի նկատմամբ տրիբունալի խորհրդի որոշումը պետք է վերջնական դառնա.Արշակ Կարապետյան
- 2024-05-10 17:01:00Ապագա վարչապետի անձի շուրջ խոսակցություները դեռևս ժամանակավրեպ են
- 2024-05-07 15:00:00Ո՞վ է ասել, որ ամբողջ ձայնագրությունն են հրապարակել․ Փաշինյանը՝ Վանեցյանին որպես գործակալ օգտագործելու մասին
- 2024-05-07 11:20:00Ինչո՞ւ են իշխանությունները փորձում տավուշյան շարժումը կապել Քոչարյանի անվան հետ
- 2024-02-29 14:57:00«Վանոյի Արտակի»՝ Արտակ Գալստյանի որդին Վրաստանից հանձնվել է Հայաստանին․ ավելի քան 1 մլդ դրամի թմրամիջոցների վաճառք
- 2022-01-23 00:07:00Նարեկ Մալյանի կինն՝ ընդդեմ ամուսնու. սկանդալային ցուցմունք՝ Քննչական կոմիտեում
Էրեբունի և Նուբարաշեն վարչական շրջանների ընդհանուր իրավասության դատարանը մերժել է Նուբարաշենի խճուղում 58-ամյա Եղիշե Խաչատրյանի սպանության մեջ մեղադրվող ամբաստանյալ Յուրի Հակոբյանի պաշտպան Արմեն Նադիրյանի միջնորդությունը՝ իր պաշտպանյալի խափանման միջոց կալանավորումը փոփոխելու վերաբերյալ:
Հիշեցնենք, որ պաշպանը միջնորդել էր 10-ն ամսից ավելի կալանքի տակ գտնվող իր պաշտպանյալի նկատմամբ խափանման միջոց կալանավորումը փոփոխել՝ նրա նկատմամբ ընտրելով չհեռանալու մասին ստորագրություն կամ այլընտրանքային խափանման միջոց՝ գրավի կիրառում:
Պաշտպան Նադիրյանը միջնորդությունը ներկայացնելիս նշեց, որ Յուրի Հակոբյանն առաջադրված մեղադրանքում իրեն մեղավոր չի ճանաչել, ցուցմունքներ տալիս հայտնել է, որ դեպքի ժամանակ ինքն այլ վայրում է գտնվել, միևնույն ժամանակ նշել է, թե այդ ժամանակ ում հետ է եղել և ինչով է զբաղել:
Հակոբյանը ներկայացրել է իր այլուրեքությունը, որը հաստատվել է քրեական գործի նախաքննությամբ ձեռք բերված բազմաթիվ ապացույցներով, որպիսի պայմաններում Յուրի Հակոբյանի նկատմամբ հարուցված քրեական հետապնդումը ենթակա է անհապաղ դադարեցման:
Պաշտպանի գնահատմամբ՝ Հակոբյանի նկատմամբ շարունակվում է իրականացվել ակնհայտ ապօրինի հետապնդում, սակայն ամբաստանյալ Յուրի Հակոբյանի նկատմամբ ընտրված խափանման միջոցը այսպես թե այնպես ենթակա է վերացման:
Մասնավորապես, անազատության մեջ գտնվելու հետեւանքով խեղվում է Յուրի Հակոբյանի ճակատագիրը, արդեն իսկ խափանվել է վերջինիս 2016թ օգոստոսին ծրագրված հարսանյաց արարողությունը, բացակայությունների պատճառով նա կանգնած է բարձրագույն ուսումնական հաստատությունից դուրս մնալու վտանգի առաջ:
Բացի այդ, պաշտպանն անդրադարձավ Հակոբյանին բնութագրող տվյալներին, մասնավորապես՝ նախորդ նիստում վերջինս դրսևորած պատշաճ վարքագծին:
Այն որ տուժողի իրավահաջորդ լեզվաբան Փառանձեմ Մեյթիխանյանը ջրով լի շիշը նետեց ամբաստանյալի դեմքին, թեև Հակոբյանը անակնկալի եկավ տուժողի իրավահաջորդի վարքագծից, սակայն հաշվի առնելով նրա տարիքը, կին լինելու հանգամանքը՝ զսպվածություն դրսևորեց և Մեյթիխանյանին հասցեին որևէ վիրավորական արտահայտություն չկատարեց:
Արմեն Նադիրյանը նաև նշեց, որ նկարագարված հանգամանքը խոսում է այն մասին, որ նա հավասարակշված, զուսպ, դաստիարակված անձնավորություն է:
Պաշտպանը գտնում էր, որ Յուրի Հակոբյանին կալանքի տակ պահելու անհրաժեշտությունը բացակայում է, և նա ենթակա է կալանքից ազատման: Այս միջնորդությանն առարկել էին մեղադրական կողմը և տուժողի իրավահաջորդի ներկայացուցիչ Ինեսսա Պետրոսյանը:
Ըստ մեղադրանքի՝ 2016թ. հունիսի 4-ին՝ ժամը 22:30-ի սահմաններում, ՀՀ արդարադատության նախարարության դատական ակտերի հարկադիր կատարումն ապահովող ծառայության Երևան քաղաքի Կենտրոն և Նորք-Մարաշ բաժնի հարկադիր կատարող Խաչիկ Կոսյանը, աներորդին՝ Արտաշես Չիչոյանը, ընկերները՝ Արարատ Նիկողոսյանը, Արթուր Զաքարյանը և Յուրի Հակոբյանը, Երևան քաղաքի Նուբարաշենի խճուղի 5/1 հասցեի մոտակայքում Եղիշե Խաչատրյանին կյանքից զրկելու միասնական դիտավորությամբ, խուլիգանական դրդումներով, գիտակցելով մեկը մյուսի գործողությունները և մեկը մյուսի գործողությունները լրացնելով, խմբով, ձեռքերով և ոտքերով անկանոն հարվածներ են հասցրել վերջինիս կենսական կարևոր նշանակություն ունեցող մարմնի տարբեր մասերի` գլխի, կրծքավանդակի ու որովայնի շրջաններում, պատճառել կյանքի հետ անհամատեղելի մարմնական վնասվածքներ և ապօրինաբար Եղիշե Խաչատրյանին դիտավորությամբ զրկել են կյանքից:
Բացի այդ, քննությամբ հիմնավորվել է, որ Արտաշես Չիչոյանը, Արարատ Նիկողոսյանը, Խաչիկ Կոսյանը, Յուրի Հակոբյանը, Արթուր Զաքարյանը և ինքնությունը դեռևս չպարզված անձը խախտելով հասարակական կարգը և իրենց գործողությունները զուգորդելով փողոցով երթևեկող վարորդների, ուղևորների և հավաքված բազմության նկատմամբ բացահայտ անհարգալից վերաբերմունքով, խմբով կատարել են խուլիգանություն:
Մասնավորապես, հիշյալ անձինք տևական ժամանակ հայհոյանքներ են հնչեցրել և ֆիզիկական բիրտ ուժի ցուցադրմամբ սպառնալիք ստեղծել ու տագնապ առաջացրել հավաքվածների շրջանում: Այդ ընթացքում անտեսելով Եղիշե Խաչատրյանի տարեց մոր՝ որդուն չհարվածելու վերաբերյալ աղերսանքը, հրել են նրան, գցել գետնին, ապա ոտքերով հարվածներ հասցրել որդուն փրկելու համար քաշքշուկի մեջ նետված 75-ամյա Էմմա Աբրահամյանին՝ վերջինիս առողջությանը պատճառելով միջին ծանրության վնաս:
Խաչիկ Կոսյանին, Արտաշես Չիչոյանւբ, Արարատ Նիկողոսյանին, Արթուր Զաքարյանին և Յուրի Հակոբյանին մեղադրանք է առաջադրվել ՀՀ քրեական օրենսգրքի 104–րդ հոդվածի 2-րդ մասի 7-րդ և 10-րդ կետերով և 258-րդ հոդվածի 3-րդ մասի 1-ին և 4-րդ կետերով:
Նրանց բոլորի նկատմամբ որպես խափանման միջոց է կիրառվել կալանավորումը:
Աղբյուր` Փաստինֆո
Միասնական թեկնածուի նկատմամբ տրիբունալի խորհրդի որոշումը պետք է վերջնական դառնա.Արշակ Կարապետյան
Ապագա վարչապետի անձի շուրջ խոսակցություները դեռևս ժամանակավրեպ են
Ի՞նչն է կաշկանդում արցախցիներին
Նիկոլ Փաշինյանը մի օր սա է ասում, մի օր՝ նա. ո՞ր դեպքում է նա ստում
Ինչո՞ւ են իշխանությունները փորձում տավուշյան շարժումը կապել Քոչարյանի անվան հետ
Կկրկնվի՞, արյդոք, 2018-ի սցենարը
Պահը հասունանում է. ե՞րբ է ընդդիմությունը պատրաստվում դուրս գալ մարտի
Ոստիկանությունն ուժ գործադրելու լեգիտիմ իրավունք պետք է ունենա
Սասուն Միքայելյանն ու նրա ազգուտակը լուրջ փողեր են բռնում
Որտե՞ղ կլիներ այսօր ՔՊ-ն, եթե 2018-ին մարդիկ մտածեին Փաշինյանի պես
Նիկոլ Փաշինյանի դե՞մ, թե՞ Նիկոլ Փաշինյանի համար. «Կարգին Հայկոն» շարունակում է խաղալ
Իշխանությունները որոշել են հերթական հարվածը հասցնել խոսքի ազատությանը
Ինչո՞ւ է Ռոբերտ Քոչարյանը հենց հիմա հայտնվել Գլխավոր դատախազության թիրախում
Բաց նամակ ԱՄՆ Դեսպան Քրիստինա Քվինին
ՔՊ-ականները Հայաստանն ուզում են նստեցնել ադրբեջանական գազի ասեղին
Նիկոլ Փաշինյանի զուգահեռ իրականությունը. ի՞նչ արժե խոսքը
Վաշինգտոնում թուրքերը բացահայտել են Նիկոլ Փաշինյանի մասին ողջ ճշմարտությունը
Այս անգա՞մ էլ է ՔՊ-ն հռչակվելու «ժողովրդավարության բաստիոն»
Զարեհ Սինանյանը սին հույսերով է ապրում
Սասունը «Վիլիսը» հայ մարդուց կարևոր է համարել
Աննա Հակոբյանի աննախադեպ խայտառակությունը՝ Ծիծեռնակաբերդում. ո՞վ կմտածեր
«Նա մտքում նպատակ ունի՝ վարկաբեկել Ցեղասպանության հիշողությունը, ինչն էլ փորձում էր խորամանկ ձևով արտահայտել»․ Հարութ Սասունյանը՝ Նիկոլ Փաշինյանի «ուղերձի» մասին
Էրդողանը գովաբանել է Փաշինյանին՝ կրկին թիրախավորելով Սփյուռքին
Հենց սրա համար էլ կերան Մանվելի գլուխը