ՀՀ կառավարությանն առընթեր պետական եկամուտների կոմիտեն հրապարակել է 2017 թվականի առաջին եռամսյակի արդյունքներով՝ 1000 խոշոր հարկատուների ցանկը:

Խոշոր հարկատուները այս տարվա եռամսյակում վճարել 174.9 միլիարդ դրամ, ինչը 11.7 տոկոսով գերազանցում է անցած տարվա նույն ցուցանիշը:

Սակայն ցանկի առաջին 20 հարկատուները իրենց հարկերը ավելացրել են 8.8 տոկոսով` 60.9 միլիարդից հասցնելով 66.3 միլիարդի: ՊԵԿ-ի հրապարակած առաջին 1000 խոշորների ցուցակը գլխավորում է «Գազպրոմ Արմենիա» ընկերությունը, որը պետբյուջե մուտքագրել է մոտ 16 մլրդ 843 մլն դրամ:

Ընկերության վճարած հարկերը, սակայն, նախորդ տարվա համեմատ, շուրջ 1 մլրդ 236 դրամով նվազել են: Եվ սա այն դեպքում, երբ տարվա առաջին եռամսյակում բնակիչ բաժանորդների կողմից գազի սպառման ծավալները համեմատաբար բարձր են եղել՝ ձմռան սեզոնով պայմանավորված:

Երկրորդ տեղում է «Գրանդ Տոբակո» ընկերությունը: Վերջինս հունվար-մարտ ամիսներին վճարել է 5 մլրդ 479 մլն 405.1 հազար դրամ հարկ, ինչը 2016 թ. նույն ցուցանիշը գերազանցում է մոտ 50 տոկոսով կամ 2 մլրդ 554 մլն դրամով գերազանցում է:

Ըստ էության, Վարդանյանների ընտանիքին պատկանող այս ընկերությունն ունեցել է ամենալուրջ հարկային թռիչքը (նախորդ տարի նա ընդամենը 8-րդ տեղում էր, իսկ այժմ հայտնվել է 2-րդ հորիզոնականում:

2017 թ. առաջին եռամսյակում Հայաստանի երրորդ խոշոր  հարկատուն «Զանգեզուրի պղնձամոլիբդենային կոմբինատ»-ն է՝ պետբյուջե վճարած 4 մլրդ 702 մլն դրամով: Այս ընկերությունը ևս բարելավել է իր դիրքը՝ 2016 թ. նույն ժամանակահատվածում նա ընդամենը 11-րդն էր:

Խոշորների ցուցակի չորրորդ հորիզոնականում հայտնվել է ԱԺ պատգամավոր Սամվել Ալեքսանյանին պատկանող «Ալեքս հոլդինգ»-ը` 4 մլրդ 490 մլն դրամ հարկային մուծումներով: Այս տարի նրա ընկերությունը այլ անվանումով է ներկայանում, «Ալեքս Գրիգ»-ի փոխարեն՝ «Ալեքս հոլդինգ», որը իր նախորդից1 մլրդ 186 մլն դրամով ավելի շատ հարկ է մուծել:

Հնգյակը եզրափակում է «Հայաստանի էլեկտրական ցանցեր» ՓԲԸ-ն, որը, 2017թ. առաջին եռամսյակի տվյալներով, վճարել է 4 մլրդ 112 մլն դրամ հարկ: Ընկերության վճարած հարկերը թեպետ նախորդ տարվա նույն ժամանակաշրջանի համեմատ ավելացել են 13 մլն դրամով, սակայն դիրքային առումով ՀԷՑ-ը նահանջ է ունեցել՝ երրորդ հորիզոնականից իջնելով 5-րդ տեղը:

Ցանկի 6-րդ հորիզոնականում «ՍիՓիԷս Օիլ Քորփորեյշն»- ընկերությունն է, որը գերիշխող դիրք ունի բենզինի շուկայում: Նա վճարել է 3 մլրդ 486 մլն դրամ, որը նախորդ տարվա ցուցանիշը գերազանցում է 1 մլրդ168 մլն դրամով: Մինչդեռ անցած տարվա առաջին եռամսյակում ընկերությունը գտնվել է 9-րդ տեղում:
Յոթերորդը «Կապանի լեռնահարստացման կոմբինատն»-է՝ 3 մլրդ 52 մլն դրամ վճարումով:

Հաջորդաբար գալիս են «Հայկական ատոմային էլեկտրակայան»-ը՝ 2 մլրդ 573 դրամ, «Ֆիլիպ Մորիս Արմենիա»-ն՝ 2 մլրդ 348 մլն դրամ, և «Ինթերնեյշնլ Մասիս Տաբակ»-ը՝ 2 մլրդ 337 մլն դրամ վճարումներով: Վերջին երեք խոշոր հարկտուներից  միայն ատոմակայանն է, որն ունեցել է հարկային վճարումների  անկում՝ մոտ 448 մլն դրամով: Մյուս երկուսն ապահովել են աճ:

Առաջին տասնյակի դինամիկայի մեջ աչքի ընկնող փաստն այն է, որ այստեղ հեռահաղորդակցության ոլորտի խոշոր օպերատորները տեղ չեն գտել:

«Արմենիա Տելեֆոն կոմպանի» ընկերությունը, որը բջջային կապի  ընկերություններից ամենաշատ հարկ վճարող ընկերություն է, ընդամենը 11-րդ տեղում է, մինչդեռ անցած տարվա առաջին եռամսյակում ընկերությունը ցանկի 5-րդ հորիզոնականն էր զբաղեցնում: Այս տարի նա  պետբյուջե է վճարել 2 մլրդ 189 մլն 745 հազար դրամ, որը նախորդ տարվա համամեմատ շուրջ 1 մլրդ դրամի չափով պակաս է:

Մյուս հայտնի օպերատորը՝ Ղ Տեկելոմը, որը համարվում է Վիվասել 

Շարունակությունը՝ այստեղ