Ճանապարհային ոստիկանության 2017թ.արտաբյուջեն մոտավորապես կկազմի 13 մլրդ 351 մլն դրամ, որը 2016 թ. ծրագրային 13 մլրդ .850 մլն. դրամ ցուցանիշից պակաս է մոտ 500 մլն դրամով կամ 3.6 %-ով:
ՃՈ արտաբյուջեի նախահաշվի հաստատման հարցը ներառված է կառավարության ապրիլի 27-ի նիստի օրակարգում:
Նվազումը պայմանավորված է հետևյալ հանգամանքով՝
պարզվում է ՃՈ արտաբյուջետային միջոցների մուտքերի պլանային ցուցանիշը նախորդ տարի գերագնահատվել է, հետևաբար տարատեսակ տուգանքներից հավաքվել է նախատեսվածից ավելի քիչ գումար: Պատճառը միավոր արագաչափին և խաչմերուկին ընկնող, ինչպես խախտումների վերաբերյալ որոշումների քանակի, այնպես էլ դրանցով նշանակված տուգանքների գումարների և տուգանքների միջին տարեկան չափի նվազումն է:
2017թ. կանխատեսվող մուտքերի հաշվարկային ցուցանիշը ըստ էության համեմատելի է 2016թ. փաստացի մուտքերի հետ:

Ըստ այդմ՝ ՃՈտարբեր ծառայությունների մատուցումից ակնկալում է ստանալ 2մլրդ 450 մլն. դրամ:
ՃՊԾ արձանագրություններից կանխատեսվող մուտքերը ևս կազմումեն 2մլրդ 450. մլն. դրամ, իսկ ահա տեսանկարահանող սարքերով (արագաչափեր, դիտարկման տեսախցիկներ) արձանագրվող խախտումներից տուգանքների գծով մուտքեր կանխատեսվում են շուրջ8մլրդ 450 մլն. դրամ, որը 2016թ. փաստացի տուգանքների ցուցանիշը գերազանցում է 65.5 մլն. դրամով կամ 0.8%-ով:
Էական աճը պայմանավորված է տարվա ընթացքում 20 նոր խաչմերուկի շահագործմամբ, որի արդյունքում վարորդներին նկարող տեսախցիկների թիվը կավելանա, հետևաբար նաև տուգանքները կավելանան:
Օրենքով և այլ իրավական ակտերով սահմանված՝ պետական բյուջե մուտքագրվող այլ եկամուտները ընդամենը 1 մլն. դրամեն կազմելու: Ինչպես տեսնումենք, ՃՈ չաղլիկ արտաբյուջեի առյուծի բաժինը՝ մոտ 70 % տեսախցիկների տուգանքներն են կազմում:
Ի՞նչ նպատակով են ծախսվում ՃՈ արտաբյուջեի գումարները
ՃՈ 2017 թ. արտաբյուջետային միջոցների ելքը կամ, որ նույնն է,ծախսերը հաշվարկվել են 12 մլրդ 570 մլն. դրամի չափով:
Դրանից ՃՈ աշխատակիցների համար նախատեսված վարձատրությունը կամ լրավճարները կազմում են շուրջ 2 մլրդ 97 մլն դրամ:2017 թ. նախատեսվում է 15 միավորով ավելացնել հաստիքների թիվը, իսկ միջին ամսական հավելավճարի չափը սահմանել 155 հազար դրամ, որը 2016 թվականի ցուցանիշից բարձր է 8 հազար դրամով:
Այսինքն՝ վարորդներին լավ տուգանելու ՃՈ տեսուչները պարգևատրում են ստանալու, հետևաբար նրանք շահագրգիռ են լինելու այս գործում:
Կապի ծառայություններ հոդվածով 549 մլն. դրամ է նախատեսված, 7 մլն դրամ ներքին գործուղումների, 57.5 մլն. դրամ՝ համակարգչային ծառայությունների հոդվածներով:
10.0 մլնդրամ նախատեսված է տեղեկատվական ծառայությունների համար:
Դրանով նախատեսվում է ոստիկանության ծառայողների ծառայողական պարապմունքների համար ոստիկանության գործունեության, ոստիկանների իրավունքների և պարտականությունների իրազեկման ձեռնարկների, բրոշյուրների տպագիր այլ նյութերի հրատարակում:
Սա իրականում բավականին անհասկանալի ծախս է, որովհետև դժվար է հասկանալ, թե ինչ պետք է տպագրվի բրյոշուրի մեջ, որը չկա համացանցում:10.0 մլն. դրամ` էլ նախատեսվում է ՀՀ ոստիկանության տոնի, ինչպես նաև տարվա ընթացքում տարբեր պաշտոնական միջոցառումների կազմակերպման և անցկացման, 300 մլն. դրամ՝ ոստիկանության ծառայողի համազգեստի ձեռքբերման համար:
Պատկառաելի գումար է նախատեսվում թղթի և քարթրիջների համար՝ ՃՈ տարեկան պահանջարկը կազմում է շուրջ 13000 տուփ Ա4 չափի թուղթ:
– Քարթրիջների համար 33.5 մլն դրամ է նախատեսված: Ըստ նախագծում ներկայացված հիմնավորման՝Ճանապարհային ոստիկանության տեսանկարահանման միջոցով հայտնաբերված խախտումների արձանագրելու և վարչական տույժերը ժամանակին նշանակելու համար օրական տպագրվում և պատճենահանվում է շուրջ 14500 էջ , որից.
 Շուրջ 6000 որոշում երկու երեսով,
 Շուրջ 1000 հարցում ուղղված տարբեր ընկերություններին և հիմնարկություններին,
 Շուրջ 100 – 150 որոշման կրկնօրինակներ ընդունելության սենյակի ծառայողների կողմից առձեռն հանձնվում են քաղաքացիներին,
 Վարչական գործերին կցելու համար՝ շուրջ 100 – 150 որոշում,
 «Հայփոստ» ՓԲԸ կողմից առաքվող նամակների համար՝ 300-350
 ԴԱՀԿ և դատարաններ ուղարկվող գրություններ ` 350 – 400 հատ,
 Քաղաքացիներին և հիմնարկներին ուղղված դիմում – բողոքների պատասխաններ՝ 400-500 հատ:
Այդ նպատակով տպիչների և պատճենահանման սարքերի բնականոն գործընթացը ապահովելու համար անհրաժեշտ է շուրջ 250 – 300 քարթրիջ:
Վերը նշվածից բացի, վճարվելու է նաև 2016թ. 20 մլն դրամի հասնող պարտքը, որից 5.2 մլն-ը թղթի գծով է առաջացել,9.8 մլն. դրամ` գրասենյակային ապրանքների և նյութերի և 5 մլն. դրամ` արարողակարգային միջոցառումների պատշաճ կազմակերպման նպատակով համապատասխան նյութեր ձեռք բերելու:
ՃՈ ծախսային ամենամեծ հոդվածներից մեկը տրանսպորտային ծախսերն են: Շուրջ 799.0 մլն. դրամ հատկացված է բենզինի, դիզվառելիքի,անվադողերի, մարտկոցների ձեռքբերման համար:
2017 թ.նախատեսվում է ձեռք բերել 7550 լիտր դիզ. վառելիք՝ 2.5 մլն. դրամ գումարով, 868 հատ տարբեր չափերի անվադող՝ 23.1 մլն. դրամ ընդհանուր գումարով /միավորը 32.6 հազ. դրամ միջին գնով/:

Շարունակությունը՝ այստեղ