Մինչև վերջերս իշխանության մեջ գտնվող պաշտպանության նախկին նախա­րար Սեյրան Օհանյանը գնալով մեծաց­նում է իր խոսքի ու գնահատականների ընդդիմադիր դոզան։ Նա պարբերաբար քաղաքական հայտարարություններ է անում ֆեյսբուքյան իր էջում, որոնցով ներ­կայացնում է Հայաստանի ներկայիս իրա­վիճակը, նաև ակնարկներ անում այդ վի­ճակի համար իր պատասխանատվության չափի մասին: Տվյալ պարագայում ավելի ճիշտ կլինի օգտագործել անպատասխա­նատվություն բառը, քանի որ պաշտպա­նության նախկին նախարարն ամեն կերպ փորձում է իրենից հեռացնել պատասխա­նատվությունը, ինչ-ինչ պատճառաբանություններ գտնել դրա համար։

Իր վերջին գրառման մեջ խոսելով Հայաս­տանի «թուլացած տնտեսության», «ահագ­նացող արտագաղթի», «ժողովրդի հուսալքության», «իշխանության հանդեպ աճող հասարակական անվստահության», «աղ­քատության մակարդակի՝ արդեն ազգային անվտանգության համար վտանգավոր ցու­ցանիշը հատելու» մասին, Սեյրան Օհանյանն իր պատասխանատու անպատաս­խանատվության մասով հայտարարում է. «Պատասխանատվություն կրելով ինձ վս­տահված ոլորտի, բանակի խնդիրների, մեր զինծառայողների համար՝ ես ի պաշտոնե իրավասու չէի և չէի կարող միջամ­տել պետության մյուս կառույցների գործու­նեությանը»։

Այնուհետ հայտարարության մեջ նա էլ ավելի է ուժգնացնում ընդդիմադիր ելևէջները, ընդգծում ամենաթողության, անարդարությունների, օրենքի առջև հան­րային անհավասարության, յուրայինների համար խաղի առանձին կանոններ ստեղծելու, կոռուպցիայի, մի խոսքով, իր ար­տահայտությամբ՝ «Երկրում քաղաքակա­նության, տնտեսության և հասարակու­թյան մեջ ոչ կանոնադրային հարաբերու­թյունների մասին»։

Իր նշած երևույթները, իրավիճակն Հա­յաստանում եղել են տարիներ շարունակ, ստեղծվել են իր աչքի առաջ, ինչու ոչ, նա­և՝ իր մասնակցությամբ (հիշենք նրա դե­րակատարությունը Մարտի 1-ի ժամա­նակ)։ Ս. Օհանյանը նախկինում երբևէ չի ընդդիմացել այդ վիճակին, չի խոսել դրանց մասին, թեև, լինելով կառավարության անդամ, դրա հնարավորությունը լիարժե­քորեն ունեցել է։ Ինչքան էլ փորձի իր զբա­ղեցրած պաշտոնը, ունեցած իրավասու­թյունները, պաշտոնական գործառույթնե­րը անմասն պահել այդ խնդիրներից, չի ստացվի, թեկուզ հենց այն պատճառով, որ շատ հարցերում բանակում էլ են եղել ու կան այդ խնդիրներն ու երևույթները՝ կո­ռուպցիա, վատնումներ, պաշտոնական դիրքի չարաշահումներ, օլիգարխ գենե­րալներ և այլն, և այլն։ Սրանք էլ հո իր պատասխանատվության ներքո են եղել։

Տեսքստն ամբողջությամբ՝ թերթի այսօրվա համարում