Հայ գրականության էջերը զարդարող բանաստեղծ-բանաստեղծուհիներից շատերն այսօր իրենց ստեղծագործական ուղին կերտում են Գրական ակումբներում,թերթերում,ամսագրերում և այլուր:
Այդ օրինակով է ընդառաջվել նաև բանաստեղծուհի,յուրահատուկ մտածողությամբ օժտված Սոֆյա Արծրունի Վարդանյանը,ով ծնվել է 1965թ. հոկտեմբերի 3-ին, Երևան քաղաքում,ապա ստացել միջնակարգ կրթություն,որից հետո ամուսնացել և ընտանիք կազմել:
Գեղեցկուհի Սոֆյան,մայրանալուց հետո,որոշ ժամանակ դադարել է ստեղծագործել,փոխարենը դաստիարակել է իր 3 դուստրերին,ապա 2015թ-ից սկսած շարունակել է ստեղծագործական ուղին:
Արդեն 2015թ. ծնվում է «Հացալույս» խորագրով բանաստեղծությունների ժողովածուն, ապա նույն թվականին,առաջին անգամ տպագրվում է «Ավանգարդ» թերթում:
Տիկին Սոֆյան ստեղծագործում է դպրոցական տարիներից:Յուրաքանչյուր ստեղծագործություն արտացոլում են նրա ապրումները,անցած հարթ ու խորդուբորդ ճանապարհները:Ինչպես ինքն է նշում,հաճախ է զրուցում ինքն իր հետ,երբեմն տխրում,ապա ուրախանում և այդ ամենը հանձնում թղթին:
Բանաստեղծուհին իրեն համարում է երջանիկ կին, ունի մեծ շրջապատ,և,որն ամենակարևորն է,5 թոռնիկ:Օրվա մի մասն անցկացնում է աշխատավայրում,մյուս մասը՝ ստեղծագործում,շփվում մտերիմների,հարազատների հետ՝այդկերպ կազմակերպելով սեփական հանգիստը:Աշխատում է հացաբուլկեղենի արտադրամասում,որի մասին խոսում է ամենայն հպարտությամբ և մեծ ոգևորությամբ:
Բանաստեղծուհին,ընկերների բազմաթիվ հորդորներով,հրատարակել է առաջին բանաստեղծական ժողովածուն,ապա տպագրության է ուղարկել 2-րդ գիրքը:
Սոֆյա Վարդանյանն ակտիվ ստեղծագործող անձնավորություն է:Որպես ստեղծագործող անհատ,ընտրել է «Սոֆա Արծրունի» Գրական անունը:
2016թ. ԱՄՆ հայ գրողների միության անդամ է,ինչի համար բանաստեղծուհին հոգաչափ շնորհակալ է: <>:
Սոֆա Արծրունին մեծ հարգանք է վայելում թե՛ ընկերական շրջապատում,թե՛ գրչակից ընկերների կողմից:«Ես երջանիկ եմ,քանզի գնահատված եմ և սիրված:Չկա՛ ավելի մեծ պատիվ,քան գնահատված լինելը»:
Հարկ եմ համարում նշել,որ բանաստեղծուհուն ճանաչելով,ինձ համար բացահայտել եմ մի նոր աշխարհ:Նրան կարելի է կարդալ անվերջ,քանզի յուրաքանչյուր բանաստեղծության մեջ կա յուրահատուկ էներգիա,ինչը փոխանցվել է բանաստեղծուհուց:
Սոֆա Արծրունուն մաղթում եմ ստեղծագործական բեղուն գործունեություն,բազում վերելքներ և կանացի երջանկություն:Թո՛ղ գալիք տարին միայն երջանկության և հաջողության դռներ բացի բոլորիս առջև:

  Հեղինակ՝ Կարեն Շիրինյան