Աղջիկը չէր կատարել հոր ասածը, ինչի համար տղամարդը հարձակվել էր նրա վրա, ոտքերով ու ձեռքերով հարվածներ էր հասցրել՝ պատճառելով մարմնական վնասվածք: Դեպքի վայր հասած ոստիկանները Արտյոմին բերման էին ենթարկել:

 Եվ ահա Մալաթիա-Սեբաստիա վարչական շրջանի ընդհանուր իրավասության դատարանում կատարվել է այդ գործի քննությունը: Դատարանը հաստատված է գնահատել Արտյոմ Ս.-ի մեղքը ՀՀ քրեական օրենսգրքի 118 հոդվածով և նրան ենթարկել է պատասխանատվության՝ 30 հազար դրամ տուգանքի

Թվում է՝ կենցաղային տհաճ պատմություն էր, անցավ - գնաց: Բայց ո՞րն էր այս պատմության ելքը և որտե՞ղ էր արդարադատությունը:

 Ի՞նչ շահեց տուժածը օրինապահների միջամտությունից, ի՞նչ կարգավորվեց ընտանիքում, և ինչո՞ւ է պետությունը մեղավորից 30 հազար դրամ գանձում: Այդ գումարով համալրված բյուջեն ի՞նչ նպատակի է ծառայեցվելու: Գարեջո՞ւր պիտի մատակարարեն, որ ընտանիքը զերծ մնա հարբեցողի սկանդալներից:

 Օրենքի պահպանումը սկսել է դիտարկվել բացառապես տուգանքների գանձման գործառույթում: Այդ նպատակին ծառայող պատկան մարմինները զբաղվում են ոչ թե իրավիճակի կարգավորմամբ, այլ բավարարում են դրամապանակի թեթևացմամբ: Վատ բան ես արել՝ վճարիր ու գնա: Նորից կանես՝ նորից կվճարես: Երեխա ծեծելն արժե 30 հազար, տարեց մարդու ծեծը՝ հավանաբար, մի քիչ ավելի: Ի վերջո, կարելի նույնիսկ հատուկ գնացուցակ սահմանել, թե որ հանցանքն ու զանցանքն ինչ գնի սահմաններում է արտոնված: Եվ ամեն ինչ իր տեղը կընկնի: Քաղաքացիները նախապես տեղեկացված կլինեն, երկրի բյուջեն էլ առատորեն 

 shame.am