Այն, որ վաղուց էր վրա հասել Օհանյանին հանգստի ուղարկելու պահը, դա ակնհայտ էր, իսկ այս տարվա ապրիլյան իրադարձությունները նրա հեռացումն առավել հրատապ դարձրին: Բայց որ Օհանյանին Վիգեն Սարգսյանն է փոխարինելու, նման քայլը ոչ մի գնով խելացի ու շրջահայաց անվանել չենք կարող:

Ի վերջո, ո՞վ է Վիգեն Սարգսյանը:

Վառոդի հոտ չառած, խրամատ ու զորանոց չտեսած մի նոմենկլատուրա, ով սովոր է մշտապես կատարել վերևից եկող հրահանգները՝ առանց լքելու իր փափուկ բազկաթոռը:

Մի՞թե նման մարդը կարող է հարաբերվել կոշտուկոպիտ, անհնազանդ զինվորականության հետ: Էլ չենք ասում, որ ճակատագրական պահերին նա պարզապես չի կարողանա ինքնուրույն որոշումներ կայացնել, քանի որ սովոր է ցանկացած դեպքում սպասել վերադասից իջեցված հրահանգներին: Իսկ պատերազմող երկրի բանակի համար նրա նման նախարարն ուղղակի պատուհաս կդառնա:

Ինչ վերաբերում է Էդվարդ Նալբանդյանին մնայուն արժեքի վերածելու ճիգերին, ապա այստեղ ևս ամեն բան այնքան հարթ չէ, որքան ցանկություն կա ցուցադրել: Նալբանդյանի մնալը կարող էր վկայել, որ Հայաստանի արտաքին քաղաքականության վեկտորը փոփոխություն չի կրում: Բայց դա ևս մի բանի վկայությունն է՝ այն, որ ՌԴ ԱԳ նախարար Սերգեյ Լավրովի սիրելի Նալբանդյանը իր տեղի պահպանման համար պարտական է հենց Լավրովին:

Եվ ուրեմն կեցցե՛ Լավրովը, որ դեռ վերահսկում է իր ծրագրերը կյանքի կոչող նախարարի ճակատագիրը՝ Ռուսաստանը զերծ պահելով հայաստանյան անակնկալներից և գրեթե առաջնորդվելով դաշնակցական կարգախոսի վստահեցմամբ, թե հին ընկերները չեն դավաճանում:

Հետգրություն

Սա այսօրվա իրականությունն է, իսկ դեռևս մի քանի շաբաթ առաջ նախագահ Սարգսյանի պլանները լրիվ այլ էին։ Նա որոշել էր ընդհանրապես ազատվել Նալբանդյանից և Օհանյանից, իսկ Վիգեն Սարգսյանին նշանակել ԱԳ նախարար։

Օհանյանը, թեպետ Ռուզան Խաչատրյանի ամուսինն է, ղարաբաղցու կող դրսևորեց և ասաց, թե չի ենթարկվի նախագահի՝ ՀԱՊԿ-ը գլխավորելու հրամանին, այլ հարց, եթե նրան հրամայեր Պուտինը

Իսկ Նալբանդյան Էդիկը, որը դժբախտաբար, ղարաբաղցի չէ և իր կանացիությամբ շատ չի տարբերվում յուրաքանչյուր կնոջից, չոքել էր Լավրովի դռանը, և հավաստիացումներն ստանալուն պես վերջնականապես լկտիացավ։ Մասնավորապես, նա իր մտերիմներից մեկին ասել էր. «Ես գնում եմ արտասահման և կմնամ մինչև հոկտեմբերի 3-ը, հոկտեմբերի 4-ին առավոտ կգաս ինձ մոտ»։ Երբ մտերիմը հարցրել էր, թե՝ քեզ նշանակելու մտադրություն չկա, նա միաժամանակ տղամարդավարի և կանացիաբար բացականչել է. «Իմ հարցերը լուծված են, դե թող փորձի ինձ չնշանակի»։

Ահա այսպիսին են նախագահ Սարգսյանի երկու առանցքային նախարարները։ Թե ինչպես նրանք կտնօրինեն երկրի պաշտպանությունն ու արտաքին գործերը՝ х...й его знает.

shame.am