Իրեն քաղաքագետ համարող ոմն Գագիկ Համբարյանն այսօր իր հարցազրույցում հայտարարել է, որ «Ալյանս»-ը երբեք ընդդիմություն չի եղել: Առանց խորանալու նրա քաղաքագիտական գիտելիքների մեջ, արձագանքում եմ ոչ թե նրան, այլ ուղղակի տեղեկացնում եմ հանրությանը թե որտեղից են հոսում ջրերը:

Բայց նախ՝ «Ալյանս»-ի ընդդիմություն լինելու մասին: «Ալյանս»-ը այն օրվանից, երբ հազարից ավելի պատվիրակներով լեփ լեցուն դահլիճում հայտարարեց իր հիմնադրման մասին, իսկ «Ալյանս»-ի ղեկավարը դրանից էլ շատ ավելի առաջ՝ միշտ դեմ է արտահայտվել իշխանությանը, միշտ հայտարարել է իշխանափոխության անհրաժեշտության մասին: Տիգրան Ուրիխանյանը ԱԺ-ում իր քվեարկություններով, ելույթներով, օրենսդրական նախաձեռնություններով մշտապես հետապնդել է ժողովրդի, այլ  ոչ թե որևիցէ այլ, այդ թվում և իշխանության շահը: Տիգրան Ուրիխանյանը այն եզակի պատգամավորներից է, ով ընդհատելով գործուղումը վերադարձավ՝ Սահմանադրական «բարեփոխումներին» դեմ քվեարկելու համար, որին, ի դեմ, կողմ քվեարկեցին իրենց ընդդիմություն հռչակած պատգամավորների մոտ 90 տոկոսը: Էլ ընդդիմությունը ո՞նց է լինում ըստ քաղաքագետի: Իսկ ամենահետաքրքիրն այն է, որ նույն քաղաքագետը՝ մեղադրելով «Ալյանս»-ին կեղծ ընդդիմություն լինելու համար, ինքը այնպիսի գովք է կապում Բալասանյանի մասին, որ վարողը ստիպված է լինում նրան ընդհատել: Այստեղ հարց է առաջանում, ո՞վ է իրականում Գագիկ Համբարյանը:

Այն պահից, երբ «Ալյանս»-ը սկսեց ակտիվ գործունեություն ծավալել Գյումրիում, երբ մարդկանց հոսքը անգամներով ավելացավ դեպի «Ալյանս»-ի գրասենյակներ, երբ նույն իշխանությունների կողմից իրականացված ծածուկ սոցիոլոգիական հարցումները ցույց տվեցին  «Ալյանս»-ի իրական վարկանիշն ու կողմնակիցների քանակը, ողջ իշխանական լրատվական դաշտը կարծես թե մեկ օրում սկսեց ալյանսացավով տառապել: Այդ պայքարին միացավ նաև ընդդիմադիր հեռուստաընկերության համբավ ունեցող ԳԱԼԱ-ն: Իսկ ամենահետաքրքիրն այստեղ այն է, որ Սամվել Բալասանյանի կողմից տարբեր ցուցակներ ներդրված անձինք, այժմ մեղադրում են «Ալյանս»-ին նույն Բալասանյանի հետ համագործակցության մեջ: Ինչպես ասում են՝ Սթափվե՛ք, եղեք ադեկվատ

xnews.am