USArmenianews.com
Լրատվական կայք՝ Լոս Անջելեսից
Ուրբաթ, 29 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Միացյալ Նահանգների և Հայաստանի միջև հասունանում է այսպես կոչված «հակակոռուպցիոն» սկանդալ...
2015-12-24 09:01:00
Տպել Տպել



Միացյալ Նահանգների և Հայաստանի միջև հասունանում է այսպես կոչված «հակակոռուպցիոն» սկանդալ: Բանն այն է, որ մեր երկրում ԱՄՆ դեսպան Ռիչարդ Միլսը հայտարարում է, թե ԱՄՆ-ը չի վճարի նախապես խոստացած գումարը, եթե կոռուպցիայի դեմ պայքարի առթիվ ՀՀ կառավարության քայլերը տեսանելի չլինեն, իսկ դրանք, ըստ ԱՄՆ դեսպանի, տեսանելի չեն:

Եթե անկեղծ լինենք, ամերիկացի դիվանագետն իսկապես չի կարող տեսնել մի բան, ինչը գոյություն չունի: Բայց այսքանով հանդերձ մեր իշխանությունները որոշել են ամեն գնով ձեռք բերել այդ գումարը և նույնիսկ մտադրվել են դա անել մինչև տարեվերջ:


Հիշեցնենք, որ ՀՀ վարչապետին կից՝ Կոռուպցիայի դեմ պայքարի խորհրդի աշխատանքներին աջակցելու համար ԱՄՆ-ը խոստացել է տրամադրել 750 հազար ԱՄՆ դոլար գումար: Եվ հիմա այդ փողերն ունենալու համար ձեռքուոտք է ընկել հատկապես կառավարության աշխատակազմի ղեկավար-նախարար Դավիթ Հարությունյանը, ով կառավարության տարեվերջյան նիստին ներկայացրել է նախագիծ, որով առաջարկում թույլատրել Հայաստանի կառավարության աշխատակազմին ՀՀ ֆինանսների նախարարության տեղական գանձապետական բաժանմունքում բացել կառավարության աշխատակազմի արտաբյուջետային միջոցների հաշիվ՝ ՀՀ կառավարության և ԱՄՆ ՄԶԳ կնքված «Oժանդակություն Հայաստանի հակակոռուպցիոն ռազմավարության իրականացմանը ծրագրի վերաբերյալ» համաձայնագրի իրականացման և ՀՀ հակակոռուպցիոն ռազմավարության 2015-2018թթ. միջոցառումների իրականացումն ապահովելու նպատակով միջազգային կազմակերպությունների կողմից օժանդակվող ծրագրերին տրամադրվող գումարների շրջանառությունն ապահովելու համար: Ընդ որում, գումարը տնօրինելու է հենց կառավարության աշխատակազմը՝ Դավիթ Հարությունյանի գլխավորությամբ:


Նշված համաձայնագրով նախատեսվում է կառավարության աշխատակազմին տրամադրել 750 հազար դոլարի ֆինանսական օժանդակություն 1 տարվա համար՝ փորձագիտական հանձնախումբ ձևավորելու և տեխնիկական կարողություններ ձեռք բերելու համար: Հասկանալի է, թե դա ինչ է նշանակում: Դա նշանակում է՝ թոզ փչել ամերիկացիների աչքին և ձև անել, թե կոռուպցայի դեմ աննահանջ պայքար մղելու համար Դավիթ Հարությունյանին ու մյուսներին այս պահին օդ ու ջրի պես անհրաժեշտ է ունենալ ճանապարհային քարտեզ:


Թե մինչ օրս քանի այսպիսի քարտեզ է ստեղծվել, նրանց համեմատ քարտեզագիտության ինստիտուտը գլուխը քարին է տվել: Բայց դա ո՞ւմ է մտահոգում: Կարևորը փողն է և այն պատրանքը, թե իբր շատ կարևոր գործ է արվում: Դրա համար էլ այսօր Դավիթ Հարությունյանը երդում է ուտում, որ որոշման ընդունումը կապահովի ԱՄՆ ՄԶԳ-ի կողմից օժանդակվող ծրագրին տրամադրվող գումարի «նպատակային շրջանառությունը»:


Դեսպան Ռիչարդ Միլսը նրա համար չի եկել Հայաստան, որ երդումների հավատա: Նպատակային բառն էլ ամերիկացիների համար այլ իմաստ ունի, հայերի համար՝ մեկ այլ իմաստ:

 

shame.am

Այս նյութը դիտել են - 1384 անգամ
Թողնել մեկնաբանություն
Բոլորը ›››
Facebook