USArmenianews.com
Լրատվական կայք՝ Լոս Անջելեսից
Ուրբաթ, 29 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Օրինախախտ «դիվանագետ»-ը
2021-10-14 04:48:00
Տպել Տպել

Օրինախախտ «դիվանագետ»-ը

«Դիվանագիտական ծառայության մասին» ՀՀ օրենքի հոդված 44-ով սահմանվում են դիվանագիտական ծառայության հետ կապված սահմանափակումներ։ Մասնավորապես՝ այդ հոդվածի 1-ին մասի 3-րդ կետով սահմանվում է, որ դիվանագետն իրավունք չունի խախտելու քաղաքական զսպվածության սկզբունքը` զբաղվելու կուսակցական գործունեությամբ կամ իր ծառայողական դիրքը կամ աշխատանքային միջոցներն օգտագործելու կուսակցությունների կամ հասարակական, այդ թվում` կրոնական միավորումների շահերի համար կամ նրանց նկատմամբ վերաբերմունք քարոզելու կամ իր ծառայողական պարտականությունները կատարելիս այլ քաղաքական կամ կրոնական գործունեություն իրականացնելու։
Սա, հավանաբար, չի վերաբերվում ՀՀ Սահմանադրությունը և օրենքները խախտելը կենսակերպ դարձրած ներկա իշխանություններին։
Անգամ այդ գործում հաջողությունների չհասած Նիկոլ Փաշինյանի անգլերենի ուսուցչուհին, ով միայն այդ հանգամանքով պայմանավորված նշանակվել է ԱՄՆ-ում Հայաստանի Հանրապետության արտակարգ և լիազոր դեսպան և առանց դիվանագիտական ծառայության համակարգում մեկ օր աշխատելու վարչապետի միջնորդությամբ Հանրապետության նախագահ Արմեն Սարգսյանի կողմից ստացել է ՀՀ արտակարգ և լիազոր դեսպանի բարձրագույն դիվանագիտական աստիճան, շարունակում է մնալ «Քաղաքացիական պայմանագիր» կուսակցության վարչության անդամ։ Նա դեսպանի պաշտոնում նշանակվել է 2021 թվականի օգոստոսի 2-ին, հաջորդ օրը ստացել է բարձրագույն դիվանագիտական աստիճան, մեկնել է ծառայության վայր, իր հավատարմագիրն է հանձնել ԱՄՆ Նախագահին, սակայն շարունակում է զբաղվել կուսակցական գործունեությամբ՝ խախտելով «Դիվանագիտական ծառայության մասին» ՀՀ օրենքը։
Էդգար Ղազարյան

Այս նյութը դիտել են - 1735 անգամ
Թողնել մեկնաբանություն
2024-03-05 01:16:00  «Փակ» հանդիպում
«Փակ» հանդիպում
Բոլորը ›››
Facebook