USArmenianews.com
Լրատվական կայք՝ Լոս Անջելեսից
Երկուշաբթի, 18 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am
Facebook twitter Youtube
Search
am en
Արխիվ
Օրվա Լուսանկար
ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆՆ ԸՆԴՈՒՆԵՑ ԿԱԼԻՖՈՐՆԻԱ ՆԱՀԱՆԳԻ ՆԵՐԿԱՅԱՑՈՒՑԻՉՆԵՐԻ ՊԱԼԱՏԻ ԱՆԴԱՄ ԼՈՐԱ ՖՐԻԴՄԱՆԻՆ
2020-09-09 13:46:00
Տպել Տպել


ԳԼԵՆԴԵՅԼ- ՀՀ գլխավոր հյուպատոս, դեսպան Արմեն Բայբուրդյանը հանդիպում ունեցավ Կալիֆորնիայի նահանգային խորհրարանի Ներկայացուցիչների պալատի անդամ Լորա Ֆրիդմանի հետ։

Զրուցակիցներն անդրադարձել են Տավուշում ադրբեջանական ագրեսիայի և դրան հաջորդած սադրիչ գործողությունների թեմային։ ՀՀ գլխավոր հյուպատոսը մանրամասն ներկայացրել է թե Հայաստանի սահմանին, թե Կալիֆորնիայում տեղի ունեցած իրողությունները։ Դեսպան Բայբուրդյանը և նահանգային խորհրդարանի անդամ Ֆրիդմանն անդրադարձել են նաև Հայաստանի Հանրապետության և Կալիֆորնիայի նահանգի միջև համագործակցության վերաբերյալ Շրջանակային համաձայնագրին, որը 2019թ․ սեպտեմբերին ստորագրել են ՀՀ արտաքին գործերի նախարար Զոհրաբ Մնացականյանը և Կալիֆորնիայի նահանգապետ Գևին Նյուսոմը՝ ՀՀ վարչապետ Նիկոլ Փաշինյանի ներկայությամբ՝ Նյու Յորքում։ Արմեն Բայբուրդյանը և Լորա Ֆրիդմանը նշել են, որ համաձայնագիրը պարարտ հող է ապահովել սերտ գործակցություն ծավալելու համար։ Դեսպան Բայբուրդյանը տեղեկացրել է ՀՀ-Կալիֆորնիա երկկողմ համագործակցության գերակա ուղղությունների վերաբերյալ տեղի ունեցած բանակցությունների ու քննարկումների մասին։
Գլխավոր հյուպատոս Բայբուրդյանը  գնահատել է Ներկայացուցիչների պալատի անդամի մասնակցությունը Կալիֆորնիայի հայկական օրենդրական խմբի (The California Armenian Legislative Caucus) աշխատանքներին, որի խորհրդի անդամ է հանդիսանում տիկին Ֆրիդմանը։
Դեսպան Բայբուրդյանը և նահանգային խորհրդարանական Ֆրիդմանը կարևորել են Հայաստանի և Կալիֆորնիայի միջև բազմակողմ սերտ գործակցության խորացումը՝ փոխադարձ հետաքրքրություն ներկայացնող ծրագրերի իրականացմամբ։
Լորա Ֆրիդմանը ներկայացնում է 43-րդ ընտրաշրջանը, որում ընդգրկված են Հարավային Կալիֆորնիայի ամենահայաշատ քաղաքները՝ Գլենդեյլ, Բըրբանք, Փասադինա, Հոլիվուդի Լիթլ Արմենիա, Լա Կրեսենտա-Մոնթրոզ, Լականյադա Ֆլինթրիջ և այլն։  Լորա Ֆրիդմանը նախագահում է Կալիֆորնիայի ներկայացուցիչների պալատի Բնական պաշարների հանձնաժողովը և Փոքր բիզնեսի ու ձեռնարկատիրության հարցերի հատուկ հանձնաժողովը։ Նա նաև անդամակցում է Արվեստի, զվարճանքի ինդուստրիայի, սպորտի, զբոսաշրջության և ինտերնետային մեդիայի, Ջրի, այգիների և անտառային հրդեհների հարցերի, Մարդկային ծառայությունների, ինչպես նաև Տրանսպորտի մշտական հանձնաժողովներին։ Մինչև նահանգային խորհրդարանի անդամի պաշտոնում ընտրվելը 2016 թվականին, Լորա Ֆրիդմանը հանդիսանում էր հայաշատ Գլենդեյլի քաղաքային խորհրդի անդամ և 2011-2012թթ․ եղել է Գլենդեյլի քաղաքապետը։

Այս նյութը դիտել են - 4945 անգամ
Թողնել մեկնաբանություն
2022-09-26 00:27:00 Օրվա խորհուրդը
Օրվա խորհուրդը
Բոլորը ›››
Ամենաընթերցվածները
Օրվա Շաբաթվա Ամսվա
Facebook