USArmenianews.com
Լրատվական կայք՝ Լոս Անջելեսից
Հինգշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
ՀՀ վարչապետ Նիկոլ Փաշինյանն անկեղծ չի եղել՝ նպատակ ունենալով Արցախում քաղաքական հետագա զարգացումների պատասխանատվության բեռը թոթափել իր ուսերից. Ռոբերտ Մարգարյան
2020-04-05 14:07:00
Տպել Տպել

ԻՆՉԻ՞ ԵՆ ՁԳՏՈՒՄ ՀԱՍՆԵԼ ՄԱՍԻՍ ՄԱՅԻԼՅԱՆՆ ՈՒ ՆՐԱՆ ԱՋԱԿՑՈՂ ՈՒԺԵՐԸ
ԱՀ ընտրությունների երկրորդ փուլ անցած թեկնածու Մասիս Մայիլյանն այսօր տարածել է հայտարարություն, որտեղ ուշագրավ երկու հայտարարություն է կատարել:
Մասիս Մայիլյանը «Մարտի 31-ին կայացած համապետական ընտրությունները շատ հեռու է համարել նոր պայմաններում արցախյան հանրության ակնկալած ընտրական զարգացումներից», հայտարարելով, որ «պարզապես ի գիտություն է ընդունում քվեարկությունից հետո ԱՀ ԿԸՀ-ի հրապարակած տեղեկատվությունը եւ հայաստանյան դիտորդական առաքելության գնահատականները»:
Սա ամենապարզ բացատրությամբ նշանակում է հարցականի տալ առնել մարտի 31-ին կայացած ընտրությունների արդյունքները:
Դա ի տես այն բանի, որ ՀՀ վարչապետ Նիկոլ Փաշինյանն ապրիլի 2-ին, կառավարության նիստի սկզբում հայտարարել էր, որ «տեղի են ունեցել բարձր որակի ընտրություններ, եւ դրա մասին վկայում են ընտրությունների պաշտոնական արդյունքները»:
Եթե նկատի առնենք այն փաստը, որ Արցախի նախագահական ընտրություններում Հայաստանի իշխանությունների «սրտի թեկնածուն» եղել է ու շարունակում է մնալ Մասիս Մայիլյանն ի՞նչ գնահատական պիտի տալ Արցախում ընտրությունների արդյունքների մասին Նիկոլ Փաշինյանի եւ Մասիս Մայիլյանի հակասական հայտարարություններին:
Թվում է, ինչպես շատ այլ պարագաներում, Արցախի հանրապետության ընտրությունների կապակցությամբ տված իր գնահատականում նույնպես ՀՀ վարչապետ Նիկոլ Փաշինյանն անկեղծ չի եղել: Նա պարզապես Պիղատոսի նման լվացել է ձեռքերը, նպատակ ունենալով Արցախում քաղաքական հետագա զարգացումների պատասխանատվության բեռը թոթափել իր ուսերից:
Այն, որ Արցախում հայտնի ուժերի կողմից քաղաքական լարվածություններ են հրահրվում, արդեն ակնհայտ դարձավ Մասիս Մայիլյանի տարածած հայտարարության հետ միաժամանակ Ստեփանակերտում կազմակերպված հանրահավաքից:
Ի դեպ, ինչպես պարզվում է տարածված հայտարարությունից հակառակ վերջին երկու օրերի ընթացքում կատարված որոշ կանխատեսումների Մասիս Մայիլյանը չի պատրաստվում հանել իր թեկնածությունը, քաջ գիտակցելով, որ այդ դեպքում, տրամաբանորեն մեծանալու է երկրորդ փուլի ընտրապայքարում իր փոխարեն Վիտալի Բալասանյանի թեկնածության հարցը քննարկվելու հնարավորությունը:
Միեւնույն ժամանակ Մասիս Մայիլյանը շատ լավ է գիտակցում, որ անիմաստ է մտնել այնպիսի մի խաղի մեջ, որի արդյունքը գրեթե կանխատեսելի է եւ այդպիսով իր հետ միասին լիարժեքորեն հեղինակազրկելու է նաեւ իրեն աջակցող ուժերին, ի դեմս սորոսական հատվածի:
Ընտրությունների խաղում տանուլ տված Մասիս Մայիլյանին ու նրան աջակցող սորոսական թիմին մնում է միայն մեկ լուծում: Գնալ քաղաքական առումով գրեթե զավեշտական ու անիմաստ որոշման: Մնալ խաղի մեջ պահելով Մասիս Մայիլյանի թեկնածությունը, միեւնույն ժամանակ ժողովրդին կոչ անելով չմասնակցել երկրորդ փուլի քվեարկությանը: Սա նշանակում է հետաձգել երկրորդ փուլի ընտրություններն եւ կամ ընտրությունների կայացման դեպքում լեգիտիմությունից զրկել դրա արդյունքները: Երկուսի դեպքում էլ գերնպատակը մնում է մեկը: Կորոնավիրուսի տարածման վտանգի պատրվակով արտակարգ դրություն հաստատել Արցախում եւ չարաշահելով նախագահի ընտրության հարցում ստեղծվելիք անորոշության գործոնը Երեւանի կողմից ուղղակի կառավարում իրականացնել Արցախում:
Ի դեպ, այս մասին առաջինն ընտրությունների նախօրեին 1in.am-ի հետ զրույցում ակնարկ էր կատարել հայտնի սորոսական Արսեն Խառատյանը, իսկ Armdaily.am-ի հետ զրույցում դա կրկնել է նաեւ «Սասնա Ծռեր» համահայկական շարժման ղեկավար անդամ Վարուժան Ավետիսյանը:
Դա Նիկոլ Փաշինյանին ու նրան ուղղորդող ուժերին հնարավորություն կտա հեշտությամբ ու առանց խոչընդոտների Արցախին պարտադրել ցանկացած ցավալի լուծում, սկսած Արցախում ադրբեջանական համայնքների գոյության պաշտոնականացումից վերջացրած տարածքների վերադարձով:
Ռոբերտ Մարգարյան

Այս նյութը դիտել են - 3501 անգամ
Թողնել մեկնաբանություն
2024-03-05 01:16:00  «Փակ» հանդիպում
«Փակ» հանդիպում
Բոլորը ›››
Facebook