USArmenianews.com
Լրատվական կայք՝ Լոս Անջելեսից
Հինգշաբթի, 05 Դեկտեմբերի 2019թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
2019-12-04 20:06:00  Show must go on..... Show must go on..... ›››
Արխիվ
Օրվա Լուսանկար
«Մենք էլ էինք ծեծում, մենք էլ էինք ջարդում, ստորացնում: Բայց հիմա այլեւս չենք ծեծում, չենք ջարդում եւ չենք ստորացնում: Մենք հանդուրժում ենք»
2019-11-27 00:44:00
Տպել Տպել

ՀՀ ոստիկանությունն այսօր տեղեկացրեց, որ օրերս համացանցում տարածված սկանդալային տեսանյութն արվել է շուրջ տասը տարի առաջ: Այսօր ավելի վաղ ՀՔԾ պետ Սասուն Խաչատրյանն էր լրագրողների հետ զրույցում հայտարարել, որ քաղաքացիական հագուստով անձանց կողմից ոստիկանության բաժնում քաղաքացուն խոշտանգելու տեսանյութը 2008-2010 թվականներին է արվել:

2008-2011 թվականներին ՀՀ ոստիկանապետ է եղել Ալիկ Սարգսյանը, որն այժմ որպես մեղադրյալ ներգրավված է Մարտի 1-ի գործում:
ՀՀ նախկին ոստիկանապետից փորձեցինք պարզել՝ արդյո՞ք ծանոթ չի եղել դեպքին:
- Ինչի՞ց եք ենթադրում, որ ես կապ ունեմ:
- Ձեր ղեկավարման տարիներն են համընկնում: Ոստիկանությունից ասում են, որ շուրջ 10 տարի առաջ է եղել դեպքը:
- Ուղղակի ասել են, որ դա եղել է 10 տարի առա՞ջ: Հետաքրքիր ա, էլի, կահույքի՞ց են զգացել սենյակի, թե՞ հայհոյանքներից: Ես չգիտեմ՝ ինչից են զգացել: Ոստիկանությունն ասում է, որ դա եղել է տասը տարի առա՞ջ: Ապրեն իրենք, եթե էդպես զգայուն են: Չե՞ն կարող իդենտիֆիկացնել: Չե՞ն կարողանում բերեն թղթապանակները, տեսնեն՝ ովքեր են էդ մարդիկ, ծեծողներն ովքեր են: Կարծում եմ՝ մինչեւ հիմա համակարգում են, թող կանչեն, մարդկանց բերեն, ասեն՝ ովքեր են եղել:
- Մեկի անունը կա՝ Նարեկ Սիմոնյան (Ճամբարակի ոստիկանապետ): Ճանաչո՞ւմ եք:
- Չեմ ճանաչում:
- Իսկ դուք վստա՞հ եք, որ ձեր ղեկավարման օրոք չի եղել նման բան:
- Ես դրանում վստահ եմ այնքանով, որ ուղղակի աբսուրդ է, որ 10 տարի էս կադրերը պահել են, 10 տարի հետո որոշեցին սոցիալական ցանցերով ցույց տան, տեսեք՝ սենց բան ա եղել: Էն էլ 10 տարի առաջ: Անհեթեթություն է ուղղակի, անհեթեթություն:
- Երեւի իշխանափոխությունից հետո են որոշել հրապարակել:
- Հա, մինչեւ էդ վախենում էին, հիմա հանել են: Այ քեզ հաջողություն:
- Մտածում եք, որ սա ձեր դեմ քա՞յլ է, թե՞ վստահ եք, որ ձեր ղեկավարման ժամանակ նման բան լինել չէր կարող:
- Մի բանում եմ վստահ, որ ես դրա հետ կապ չունեմ: Թող բազմացնեն, ավելի շատ բաներ ցույց տան, գուցե գնան նայեն ստատիստիկան՝ իմ օրոք ինչ սպանություններ են եղել, ավազակային հարձակումներ, բան: Թող էդ գործերը նայեն, գոնե կիմանամ, որ իմ օրոք ա եղել: Թող բացեն տարեգրությունը, նայեն 2008-11 թվականներին ինչ դեպքեր են եղել:
- Նախկին ոստիկանապետ Վլադիմիր Գասպարյանը ժամանակին հայտարարում էր. «Մենք էլ էինք ծեծում, մենք էլ էինք ջարդում, ստորացնում: Բայց հիմա այլեւս չենք ծեծում, չենք ջարդում եւ չենք ստորացնում: Մենք հանդուրժում ենք»: Ե՞րբ է եղել նման բան, հնարավո՞ր է՝ սա կապ ունի տեսանյութի հետ:
- Ես չգիտեմ՝ դա երբ էր, երեւի նախնադարյան համայնակարգում էր:
- Բայց դուք բացառո՞ւմ եք, որ ոստիկանությունում կան նման դեպքեր, որ ծեծելով, խոշտանգելով՝ ցուցմունք են կորզում:
- Ո՛չ հաստատում, ո՛չ էլ հերքում եմ: Եղել են ժամանակներ, միգուցե սովետական ժամանակներում այդպես է եղել, չգիտեմ:
- Ձեր ղեկավարման ժամանակներում չե՞ն եղել, հիմա չկա՞ն նման բաներ:
- Ես երբեւիցե ցուցում չեմ տվել՝ բերեք ծեծելով գործ բացահայտեք: Ընդհակառակը՝ դրան միշտ դեմ եմ խոսել: Արգելել եմ, եթե մի միջադեպ էլ եղած լինի իմ օրոք, հաստատ պատժվել են մարդիկ ծառայողական քննություններով: Ընդհուպ տվել եմ քննչական մարմիններին՝ գործ հարուցեն: Ես դա երբեք չեմ թաքցրել, թաքցնելու, կոծկելու տրամադրություն ես չունեմ եւ չեմ ունեցել՝ թե՛ էն ժամանակ, թե՛ հիմա:
- Կարո՞ղ եք հիշել՝ այդ տարիներին ով է եղել ոստիկանության Արաբկիրի բաժնի պետը:
- Հաստատ չեմ հիշի: Եթե անունն էլ տաք, չեմ հիշի: Մանավանդ վերջին տարիները, 10 տարի է արդեն՝ ես չեմ շփվում, չեմ հետաքրքրվում:
- Նրանք ձեր ենթականերն են եղել:
- Այ քեզ բան: Եկեք ես հիմա ոստիկանապետին պաշտպանեմ, որ ուրիշ բան չդիտվի. նա իր սենյակում նստած (նախարարության շենքում), ցուցում չկա, ծեծը բացառել են ամեն ժամանակ, հիմա առավել եւս բացառում են: Եթե մի հատ խուլ բաժնում, չգիտեմ՝ Աշոցքում կամ նույն ձեր ասած Ճամբարակում, երկու հատ ջահել բերեն, մեկին մի հատ ապտակ տան, կարա՞ք ասեք՝ ոստիկանապետը ո՞նց պիտի իմանա էդ մասին եւ ո՞նց պիտի կանխի:
- Այսինքն՝ հնարավոր է՝ նրա ղեկավարած կառույցի ստորաբաժանումներում նման բաներ տեղի ունենան ու ինքն այդպես էլ չիմանա՞:
- Ես ձեզ ասում եմ՝ չի բացառվում, որ ինչ-որ օրինազանցություն կատարվի ինչ-որ բաժնում: Ոստիկանապետը ի վիճակի չէ իր կաբինետում նստած էդ բոլորի մասին իմանա՝ մինչեւ համապատասխան բողոք չլինի, ահազանգ չլինի: Ո՞նց կարա նա իմանա: Այսինքն՝ դուք ո՞նց եք մտածում՝ մարդը կամերա ունի՞ բոլոր կաբինետներում դրած, տեսախցիկներով հսկո՞ւմ է, թե Ճամբարակի բաժնի 4-րդ սենյակում ինչ է կատարվում:
- Ճամբարակում չի եղել, Արաբկիրում է:
- Թող լինի Արաբկիրի բաժնում: Նա նստած Նալբանդյան փողոցում պիտի իմանա՞ր՝ էդ գիշերը ժամը 3-ին ում են բերել, ինչ են խոսել հետը՝ մինչեւ առավոտյան ինչ-որ մեկը չզեկուցեր:
- Ձեր ասածից ենթադրվում է, որ ոստիկանապետները իրենց կաբինետներից դուրս չեն գալիս ու ոչ մի բանից տեղյակ չեն:
- Ամեն րոպե իմանալ՝ որտեղ ինչ է կատարվում, դա բացառված է: Աբսուրդի ժանրից է:
- Պարոն Սարգսյան, նայե՞լ եք խոշտանգման տեսանյութը:
- Հա՛, տենց տեսա Ֆեյսբուքում:
- Ձեզ ծանոթ չէ՞ր այդ կադրերում երեւացող տեսարանը:
- Իհարկե ծանոթ չէր:
- Արաբկիրի բաժին չե՞ք գնացել երբեւէ:
- Երբեւէ ո՞նց կարող է գնացած չլինեմ. 10 անգամ կամ 20 անգամ կամ 100 անգամ եմ գնացել: Այսինքն՝ ես պիտի ճանաչեի՞, որ էդ կաբինետը Արաբկիրի բաժնում է:

armtimes.com

Այս նյութը դիտել են - 2221 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (234-ձայն)
  • Վատ (158-ձայն)
  • Շատ Վատ (1160-ձայն)
Ajax Loader
Facebook