Մեր երկրի քաղաքացիների համար արտառոց երևույթ չէ առաջնորդվել ատելությամբ ու չարությամբ։ Այդպես ապրել են հազարամյակներ, և օտարները միշտ օգտվել են այդ չարությունից՝ գրեթե միշտ հաջողելով կործանել մեր պետությունը։
Չարությունը խոչընդոտում է մարդուն տեսնելու իրականությունը՝ այդպիսով մարդուն դարձնելով անզոր, ինչպես անհատական, այնպես էլ՝ համազգային մարտահրավերների դեմ։
Սա այնքան լուրջ խնդիր է, որ պետությունից և քաղաքականությունից քիչ թե շատ հասկացող, ինչպես նաև երկրի ապագայով մտահոգ քաղաքական գործիչը ոչ մի դեպքում չի բորբոքի այդ չարությունը սեփական իշխանության պահպանման համար։ Բոլոր նրանք, ովքեր լռում են այս ապօրինությունները տեսնելով, հեչ լավ բան չեն անում։ Վաղը, մյուս օրը էս ամենը կարող է ձեզ նույնպես առնչվել։ Այսօրվա ձեր անտարբերությունը վաղը շատ վատ հետեւանքների է հանգեցնելու։
Հ.Գ.Բոլոր չարիքները մարդու միտքն են մտնում անուսում լինելուց: Եղիշե:
Հ.Գ.Գ.Ամենադժվարը այս աշխարհում մարդ մնալն է, բոլորը՝ ծնվում են մարդ, բայց քչերին է հաջողվում, որպես մարդ մեռնել...
П.С.Когда в человека кидаешь грязь, помни – до него она может и не долететь, а на твоих руках останутся следы этой грязи.

Արթուր Թովմասյան