USArmenianews.com
Լրատվական կայք՝ Լոս Անջելեսից
Հինգշաբթի, 25 2019թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
Արխիվ
Օրվա Լուսանկար
Հաղորդում հանցագործության մասին. նախկին ՀՀԿ-ական սրիկան սպառնում է Fnews
2019-03-21 21:17:00
Տպել Տպել

Առիթ ունեցել ենք նշելու, որ նախկին ՀՀԿ-ական, Ամբերդ համայնքի երկարամյա համայնքապետ Մանվել Բաբայանը ամենատարբեր ու անհեթեթ պատճառաբանություններով խուսափում է պատասխանել Fnews.am էլ. օրաթերթին հետաքրքրող մի շարք հարցերի:

Մոտ մեկ ամիս է, ինչ համայնքապետ Բաբայանից փորձում ենք (փաստարկված) պարզաբանումներ ստանալ, թե իրականում համայնքային բյուջեով կոնկրետ ի՞նչ աշխատանքներ են իրականացվել համայնքում: Երկրորդ. ի՞նչ սկզբունքով են համայնքից դուրս գրվել սոցիալական օգնությունները, եւ երրորդ՝ ինչպե՞ս է ստացվել, որ մի դեպքում գյուղապետն ինքն անձամբ իրեն է համարել սոցիալապես անապահով, ու օգնություն ստացել, մեկ այլ դեպքում ՝ նպաստ ստացողը համայնքապետարանի օպերատորի բարեկամն է եղել, դե իսկ մեկ ուրիշ իրավիճակում էլ ՝ կարծես թե առավել ապահով պայամաններում ապրող ամբերդցի Խոդոյաններն են օգնություն ստացել, եւ այսպես շարունակ:
Ի դեպ, բարձրաձայնել էինք նաեւ այն մասին, որ Մ. Բաբայանը մեջ-մեջ է արել համայնքի հաստիքները՝ գործի նշանակելով ծանոթ-բարեկամների. հարազատ քրոջ տղային, այդ թվում նաեւ իր իսկ կնոջը…
Խախտելով ՏԻՄ-ի մասին համապատասխան օրենքը, 2014-ից մինչ 2018 թվականի կեսերը, Բաբայանի կինը՝ Լիդա Հարությունյանը, որպես առաջին կարգի մասնագետ, աշխատել է Ամբերդի համայնքապետարանում:
Եւ ահա, ս. թ-ի մարտի 22-ին էլ, բնակիչներից մեկի խնդրանքով, հերթական անգամ այցելել էինք համայնք՝ լուսաբանելու, թե ինչպես են վագոն-տնակներում բնակվող բնակիչները կազմակերպում իրենց առօրյան, կենցաղը, եւ թե ինչպես են կիսաքանդված վագոն-տնակներում գոյատեւում արդեն տասնինը տարուց ավելի:
Եւ մինչ փորձում էինք զրույցի բռնվել համայնքի այլ բնակիչների հետ եւս, ովքեր անկեծորեն խոստովանում էին, որ փորձում են հույսեր կապել այսօրվա իշխանությունների հետ, քանի որ եզակի իրավիճակ է, երբ իշխանության են եկել ժողովրդի վստահության քվեն ստացած մարդիկ, հանկարծ 093 325962 հեռախոսահամարից, ինձ է զանգահարում Ամբերդ համայնքի ղեկավար, նախկին ՀՀԿ-ական Մանվել Բաբայանը, եւ հայհոյանքների, զրպարտանքների ու սպառնալիքների տեղատարափով փորձում է ճնշում գործադրել իմ օրինական գործունեության վրա:
Վերջինս ինձ զգուշացնում էր, որ շատ ենք գալիս Ամբերդ համայնք, եւ որ դրա վերջը վատ է լինելու, ու որ չենք մարսելու.
«Ես Ձեզ զգուշացնում եմ, լավ չի լինելու, թողեք գնացեք իմ գյուղից, թողեք աշխատենք: Չեք մարսելու: Զգուշացնում եմ. զգույշ եղեք, ես սրոկից վախեցող տղա չեմ, չեք մարսելու. էդ մի բանը լավ իմացեք, զգույշ եղեք»,-նմանատիպ սպառնալիքներով համեմված գյուղապետի վիրավորանքներին ու զրպարտություններին ականջալուր եղանք մոտ քսանհինգ րոպե:
Հարկ եմ համարում նշել, որ իմ ձեռքի տակ առկա են մեր խոսակցության ձայնագրությունը, որտեղ գյուղապետը դիմակազերծում է իր իրական դեմքը:
Դիմում եմ ՀՀ ոստիկանությանը, ՀՀ գլխավոր դատախազությանը, հրապարակումն ընդունել որպես հաղորդում ՝ հանցագործության մասին:
Կարծում եմ, պատկան մարմինների արձագանքը չի ուշանա:
Հ. Գ Հիշեցնեմ, որ վարչապետ Նիկոլ Փաշինյանը բազմիցս է հայտարարել, որ ցանկացած պաշտոնյա, ով կհամարձակվի միջամտել որեւէ լրատվամիջոցի ներկայացուցչի օրինական գործունեությանը, կպատժվի ՝ օրենքի ողջ խստությամբ:
Պարո՛ն վարչապետ, այժմ Ձեզ եմ ներկայացնում կոնկրետ դեպք, հնչեցնելով նախկին ՀՀԿ-ական, ներկայիս Ամբերդ համայնքի ղեկավար Մ . Բաբայանի անունը, ով ոչ միայն միջամտել, այլ նաեւ հայհոյախառը սպառնալիքներ է հնչեցրել՝ իմ անձի հասցեին:
Ասելով, որ . «դե ձայնագրությունը տար, ում սեղանին ուզում ես դիր»:
Հուսով եմ, սույն համայնքապետ կոչեցյալը, ով փողոցի խուժանից , ու պոտենցիալ սրիկայից ոչնչով չի տարբերվում, արժանավույնս գնահատականի կարժանանա նաեւ Ձեր կողմից:
ԳԱՅԱՆԵ ԶԱՐԳԱՐՅԱՆ

Այս նյութը դիտել են - 2564 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (214-ձայն)
  • Վատ (146-ձայն)
  • Շատ Վատ (1129-ձայն)
Ajax Loader
Facebook