Բաց նամակ Արմավիրի մարզի ՀՀ խմբակցության պատգամավոր Սեյրան Սարոյանին՝ Էջմիածին քաղաքի բնակչուհի Հեղինե Ղազարյանից։

Պարո՛ն Սարոյան,
Շատերիս համար անհասկանալի և անընդունելի էր Ձեր ոչ մարդկային արձագանքը Մանվել Գրիգորյանի անվան շուրջ, որտեղ էլ Ձեզ լուրջ ու հավատարիմ պատգամավոր ձևացրեցիք։
Պարո՛ն Սարոյան,
Միթե՞ Մանվել Գրիգորյանը Ձեր հարազատ ու բարեկամ վաղեմի ընկերը չէր,միթե՞ Ձեր մեջ եղած Մեռոնային Սրբությունը կեղծ էր, միթե՞ անմեղ ձևանալով պատիվ էիք ձեռք բերելու...
Պար՛ոն Սարոյան, նույնիսկ Ձեզ համար ծիծաղելի էր այն փաստը որ կարող էր գտնվել այնպիսի մեկը, ով ընդունակ կլիներ իր սեփական կյանքը վտանգել Զորվար Մանվել Գրիգորյանի համար։Այո Ձեզ համար ծիծաղելի ու զարմանալի էր, քանի որ դո՛ւք երբևէ չեք էլ կարող պատկերացնել, որ նվիրված , ազգասեր ու թասիբ ունեցողը՝ անկախ սեռից ու պաշտոնից, հասարակ մարդ լինելուց բացի, կարող էր պաշտպանել իր ազգի Հերոսին՝ չնայած՝ դժվար թե Ձեզ պես շատերը կարողանան ճիշտ հասկանալ ու ընդունել։
Ինչևէ, փաստերն այնպիսին են, որ քավորներն,ամենաթանկ ընկերներն և ամենահավատարիմները ընդունակ էին դավաճանել և արտահայտվել՝ մի ձեռքը մի ձեռքից խաբար չլինելու և էլի շատ վիրավորական արտահայտություններ։
Եթե Մանվել Գրիգորյանը այդպիսին էր, այդ դեպքում ինչպիսին եք դո՞ւք։ Միթե՞ մոռացել եք, որ հենց Ձեր և Ձեր հարազատների կողմից քանի երիտասարդ աղջիկներ են խորտակվել կամ ծնվել երեխաներ , որոնց ճակատագրերը մինչև օրս մնացել են հարցականի տակ։ Այսօր խոսում եք արդար ու բարի լինելո՞ւց...
Պարո՛ն Սարոյան,
Դուք մեր բոլորիս կողմից ընտրված թեկնածուն եք՝ այն պատճառով, որ մենք բոլորս վստահել ենք Մանվել Գրիգորյանին ու դուք որպես Էջմիածնի պատգամավոր ու հարազատ ընկեր իրավունք չունեիք չհավատալ ու կասկածի տակ դնել Ձեր վաղեմի ընկերոջ Պատիվն ու Ազգասիրությունը։
Պարո՛ն Սարոյան,
Դուք ինքներդ նույնպես ԵԿՄ անդամ եք, գեներալ, ու դուք առաջինը պիտի իմանայինք, որ ԵԿՄ վարչության նախագահին պատկանող պահեստներում կարող էր լինել զինվորի բաժին սնունդը, հագուստը, կամ բժշկական պարագանները։ Ի՞նչն էր այդպես զարմանալի կամ շոկային, միթե դուք չգիտեիք, որ ԵԿՄ-ն նույնպես Բանակ է, և հիմնականում բոլոր պատանի Երկրապահները ամեն տարի ճամբարներում ապրում են զինվորի կենսակերպով և ուտում զինվորի բաժին անվանակոչով սնունդը։ Ինչ վերաբերվում է երեխաների նամակներին,դուք որպես հավատարիմ ձեւացող ընկեր, առաջինը հենց դուք պիտի փորձեինք պարզել, թե ինչպիսի՞ հանգամանքներում, կամ ու ձեռքով են միտումնավոր այդ նամակները հայտնվել այդ պահեստում։
Չնայած դատելով իրականությունը՝ Մանվել Գրիգորյանը պահեստներով դժվար թե զբաղվեր ու իմանար, թե ինչեր կա մի պահեստում, որտեղ Մանվել Գրիգորյանը համարյա չէր էլ լինում։
Ցավալին այն է, որ Մանվել Գրիգորյանին ու իր որդիներին գնահատում են միայն այն ժամանակ, երբ պատերազմից հետո հաղթանակած են գալիս, և ոմանք շատ շուտ սկսում են մոռանալ, որ Կարեն Գրիգորյանն այն անհատն է, որ իր 13 տարեկան մանկության վառ տարիները անցկացրել է դիրքերում՝ հայ մոր ու հայ կնոջ պատիվը բարձր պահելու համար։
Պարո՛ն Սարոյան , իրոք, ցավալի է, երբ ինքներդ լինելով գեներալ , համախմբվելու փոխարեն մասնատում ու ատելություն եք սերմանում Զորավարի ,հերոսի ու Գեներալի հանդեպ, մոռանալով, որ հենց այդ հերոսի շնորհիվ ենք դարձել Պետություն և տարել բազում հաղթանակներ՝ թշնամու հրահրած պատերազմներից։
Ես որպես ԵԿՄ-ի անդամ հավատում ու վստահում եմ մեր Զորավարին, հավատո՛ւմ եմ, որ կվերականգնվի Արդարությունը, հավատո՛ւմ եմ, որ ոմանք կհասկանան ու կգիտակցեն իրենց կատարած ամենամեծ մեղքի բաժին ունենալը և կխոստովանեն իրենց մեղքերը։