USArmenianews.com
Լրատվական կայք՝ Լոս Անջելեսից
Ուրբաթ, 29 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Ժողովրդականություն վայելող Վանեցյան Արթուրը այսօր կանգնած է հեղինակազրկվելու վտանգի առաջ
2018-10-18 23:32:00
Տպել Տպել

Ինչպես հայտնի է, հավասարության սկզբունքն այսօր Հայաստանում հայտարարված է՝ հիմնահենքային արժեք: Իշխանությունները, ռեալիզացնելու համար իրենց քաղաքական նպատակներն, առիթը բաց չեն թողնում ժողովրդին ու ժողովրդի անունից հավաստիացնելու, որ երկրում այլևս հաստատված է արդարություն և հավասարությունն է դարձել այն հիմքը, որի վրա ողջ պետական մեքենան խարսխում է սեփական գործունեությունը:

 Իրականում, սակայն, պրակտիկան ապացուցում է ճիշտ հակառակը:

Հավասարությունն եղել ու մնում է լոկ քաղաքական բարեհունչ լոզունգ, գայթակղիչ մի թեզ, որը, սակայն, որևիցե կերպ այդպես էլ կյանքի չի կոչվում՝ ո՛չ նախկինների, ո՛չ էլ ներկաների օրոք:
Մասնավորապես՝ լրջագույն հարցեր են առաջ գալիս՝ կապված նույն ԱԱԾ-ի պետ Արթուր Վանեցյանի գործունեության հետ: Մեկն, ով Փաշինյանից հետո համարվում է ամենալայն ժողովրդականություն վայելող պետական պաշտոնյան, ով այսօր կանգնել է հեղինակազրկվելու վտանգի առաջ:
Հարց է՝ որքանո՞վ է հավասարակշռված, բարի անուն ունեցողի համբավ վայելող Արթուր Վանեցյանը սեփական գործունեության մեջ հավատարիմ մնում գրեթե «հայ ժողովրդի հոր» քաղաքական կարգավիճակին հասած Նիկոլ Փաշինյանի հեղափոխական գայթակղիչ սկզբունքներին, այն պարագայում, երբ, օրինակ, մի կողմից՝ կապված ՀՔԾ ու ԱԱԾ պետերի հեռախոսային գաղտնալսման հետ՝ ձեռնամուխ է լինում սեփական անվտանգությանն ուղղված արտակարգ միջոցառումներին՝ տեղափոխվելով կառավարական առանձնատուն, իսկ ընտանիքն էլ դուրս հանելով երկրից՝ աղմուկ-աղաղակ ստեղծելով, ասուլիսներ հրավիրելով և այլն, իսկ ահա նույն Մանվել Գրիգորյանին վերաբերող կարևորագույն հարցերում չի շտապում մատը մատին տալ ու ցրել կարևոր հարցի շուրջ գոյացած անորոշությունը:
Մինչ Վանեցյանը զբաղվում է իբր ԱԱԾ բեղուն գործունեության մասին փաստող տեսանկարահանումները հանրության սեփականությունը դարձնելով, բռնոցի խաղալով՝ նույն այդ հանրությանն այդպես էլ անհայտ է մնում Մանվել Գրիգորյանին «ԿԳԲ-ի պադվալում» գաղտնի լուսանկարահանածի ով լինելը:
Ըստ Վանեցյանի հայտարարության, գաղտնի լուսանկարողը՝ ապօրինություն կատարածն ԱԱԾ պաշտոնյա է ու ելնելով հետաքննության գաղտնիության ապահովման սկզբունքից՝ չեն հրապարակում նրա անունը:
Առաջին հայացքից համոզիչ թվացող այս փաստարկն իրականում սովորական ծածկադմփոց է, որի նպատակը մեկն է՝ քողարկել իրականությունը:
Այնինչ իրականում մեզ հայտնի է խայտառակ լուսանկարի հեղինակը: Չակերտները մի փոքր բացելով՝ պետք է ասենք, որ այդ անձն իրականում «Հայկական ժամանակ»-ի կին լրագրողներից մեկն է, ում, ըստ հավաստի տեղեկությունների, առաջին տիկինը շուտով պատրաստվում է իր օգնականը դարձնել որպես փոխհատուցում:
Մինչդեռ վարչապետի տիկնոջը պատկանող «Հայկական Ժամանակ»-ն, գայթակղվելով ու հրճվելով հրապարակել է լուսանկարն ու, ըստ էության, իրեն թույլ տվել ապօրինի գործողություն, այդպիսով փորձում էր էժանագին սենսացիա առաջացնել՝ էժանագին մեթոդներով իբր հեղինակություն ձեռք բերելու համար՝ դեղին մամուլին բնորոշ իրենց մեթոդաբանությամբ:
USArmenianews-ին հայտնի է գաղտնի լուսանկարահանողի անունն, ուստի՝ դիմում ենք ԱԱԾ պետ պրն.Վանեցյանին որպեսզի կամք ցուցաբերի և պարզաբանի, թե ինչո՞ւ ԱԱԾ-ի X պաշտոնյայի  վերագրեց այդ ապօրինի գործողությունն:
Քանի որ լուսանկարի տարածումը և հեղինակի ով լինելը հայտնի է շատերին, ուստի՝ պրն. Վանեցյան, ի պաշտոնե պարտավոր եք տեղեկացնել հանրությանը, ով է ԱԱԾ այդ «պաշտոնյան», անունը ազգանունը, նրա լուսանկարը և մինչ այսօր իրավական ինչ ընթացք է տրվել կատարվածին, հակառակ պարագայում, դա կանենք ինքներս՝ ԱԱԾ հեղինակության համար դրանից բխող բոլոր տխուր հետևաքներով հանդերձ…ինչը՝ խորհուրդ չենք տա: Ի գիտություն՝ Ձեր նման ասֆալտին չենք փռելու, պատերին էլ չենք ծեփելու...այլ՝ խոսելու ենք փաստերով:
Վանեցյան Արթուրը, գուցե սեփական կամքից անկախ, մտել է քաղաքական մանիպուլյացիաների դաշտ ու մարող հեղինակության հաշվին առաջ է տանում նորաթուխ «թավշյա» հեղափոխականների ու նրանց թիկունքին կանգնածների կապրիզները:
Ցավոք, կյանքն ապացուցում է, որ ոչ միայն նախկինների ու նախորդների միջև առկա տարբերությունն է գրեթե մոտ զրոյի, այլև շատ հարցերում նրանք միասին են գործում ու ինչ-որ ծրագիր առաջ մղում: Թե ինչ ծրագիր է դա, կարծում ենք, հետզհետե տեսանելի է դառնում:

Այս նյութը դիտել են - 16172 անգամ
Թողնել մեկնաբանություն
2024-03-05 01:16:00  «Փակ» հանդիպում
«Փակ» հանդիպում
Բոլորը ›››
Facebook