USArmenianews.com
Լրատվական կայք՝ Լոս Անջելեսից
Շաբաթ, 15 Դեկտեմբերի 2018թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
Արխիվ
Օրվա Լուսանկար
Լոս Անջելեսում Հայաստանի Հանրապետության Գլխավոր հյուպատոս Ն.Գ. պարոն Արմեն Բայբուրդյանի ուղերձը
2018-09-19 16:45:00
Տպել Տպել

Սիրելի հայրենակիցներ, շատ սիրելի և հարգելի կալիֆորնիահայեր,

Սրտանց շնորհավորում եմ բոլորիդ Հայաստանի Հանրապետության անկախության տոնի առթիվ: Այս սրբազնագույն օրվա կապակցությամբ ես շնորհավորում եմ Կալիֆորնիայում հաստատված յուրաքանչյուր հայ ընտանիքի, ամեն հայի անձնապես, նաև այն ամերիկացիներին, ովքեր իրենց նպաստն են բերել մեր հայրենիքին:
Հպարտանում եմ ձեզանով, հրաշալի գիտակցելով, որ դուք մեր հայրենյաց ջահակիրներն եք, մշտապես կրում եք մեր սուրբ երկրի ոգին ձեր մտքում և սրտում: Երբ 1991 թվականի սեպտեմբերի 21-ին մեր հայ ժողովուրդն իր հավաքական անկոտրում կամքը դրսևորեց և, ի շարունակումն 1918 թվականին հիմք դրված մեր անկախ պետականության, որոշեց իրավական գետնի վրա կերտել ինքնիշխան ժամանակակից պետություն, ձեզանից յուրաքանչյուրն իր անմիջական մասնակցությունն է բերել մեր ազգային իղձերի իրականացմանը: Ես նկատի ունեմ ոչ միայն նրանց, ովքեր իրենց վճռական քվեով են դրսևորել ժողովրդի կամքը հենց Հայաստանում այդ սեպտեմբեր 21-յան պանծալի օրը, այլև նրանց, ովքեր, սերունդներով փայփայել են այդ երազանքը ու հայրենիքից հեռու գտնվող Կալիֆորնիայում հոգով ու սրտով մաս կազմել այդ պատմական որոշմանն ու գործընթացին: Աշխարհագրությունը պարզապես չէր կարող մեզ բաժանել:
Մեր ազգն անչափ հպարտանում է իր այն զավակներով, ովքեր գործնականում են նպաստել հայոց պետականության կայացմանը անկախությանը հաջորդած տարիներին: Այս օրն այն օրն է, երբ տոնելու հետ մեկտեղ, մենք պետք է անսահման հարգանքի մեր տուրքը մատուցենք բոլոր նշյալ հայ տղամարդկանց և կանանց, որոնք ջանք ու եռանդ չեն խնայել այդ նվիրական նպատակի իրականացման համար:
Անկախության հռչակումից 27 տարի անց, մեր այսօրվա վերածնված հայրենիքը հույսի և լույսի ապագա է բացում անխտիր բոլորիս համար: Մենք պետք է միասին ուղի հարթենք դեպի մեր փայփայած ապագան, դեպի մեր հայրենի պետության ժողովրդավարական, ապահով ու բարօրության վրա հիմնված հասարակարգը: Մեր փայլուն երիտասարդությունն իր բարձր արժեհամակարգով, մեր ամբողջ ժողովուրդը ապացուցեց, որ արժանի է այդ պայծառ ապագայի իրական կյանքի կոչմանը: Ես այժմ միայն կոչ չեմ անում նոր ավյունով նպաստելու մեր պաշտելի Հայաստանի զարգացմանը: Ես կոչ եմ անում անմիջականորեն ստանձնել մեր բոլորիս՝ Հայաստան վեհորեն կոչվող երկրի վերակերտումն ու զարգացումն այն հիմնասյուների վրա, որ ձեր երազածն է:
Իմ դիվանագիտական առաքելության՝ արևմտաամերիկյան բազմաբովանդակ խնդիրների հետ մեկտեղ, ես այստեղ՝ Լոս Անջելես, վերստին եկել եմ որպես Հայաստանի Հանրապետության Գլխավոր հյուպատոս, ծառայելու Ձեզ՝ կալիֆորնիահայությանը և Արևմտյան Միացյալ Նահանգների մեր հայրենակիցներին՝ ի շահ մեր հայրենիքի, հանձնառություն ստանձնելով գործնականում կամրջելու Կալիֆորնիան Հայաստանի հետ: Կեցցե Հայաստանի անկախությունը, կեցցե Հայաստանը, կեցցե կալիֆորնիահայությունն ու ամբողջ հայ ժողովուրդը:

Այս նյութը դիտել են - 7834 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (187-ձայն)
  • Վատ (136-ձայն)
  • Շատ Վատ (1088-ձայն)
Ajax Loader
Facebook