Կարդում ու լսում եմ օրվա լուրերը, ավա՜ղ, թեման երկրի պաշտպանվածությունն ու տնտեսական հզորացումը չէ, սերնդի ապագայի հանդեպ ունեցած մտահոգությունը չէ... երեսպաշտության անհանդուրժելի քաղաքական հրաձգություն է՝ ով ում կհաղթի:

Դե բավական է...
ՆԱԽՈՐԴՆԵՐԴ, եթե երկիրը պահող էիք,այնպես պահեիք, որ իր արյան գնով հաղթանակ տարած հայը՝ կես միլիոնից ավել երևի, երկիրը չթողներ, երկրաշարժից մեռած Գյումրին ու Սպիտակը վերականգնեիք, ոչ թե աշխարհի վերջի հոգեբանությամբ դղյակներ ու կազինոներ կառուցեիք, աշխատատեղեր ստեղծեիք ձեր ժողովրդին պահելու համար, երկիրը թունավոր պոչամբարների վերածելով, հարստությունը երկրից չկողոպտեիք, ժողովրդին թողնելով աղքատությունից ազատագրվելու սին հույսերը...շա՜տ բան կա, պահեիք ժողովրդին, ով էր ձեր ձեռքը բռնել, հիմա ինչ եք ուզում, Հայաստանն ամբողջովին դատարկել, այո, դա է ձեր նպատակը....
ՆԵՐԿԱՆԵՐԴ, ասեմ. աշխարհի քարտեզի վրա ասեղի գնդիկի չափ չերևացող Հայաստանը նախ համաշխարհային ճանաչում ստացավ՝ ում միջոցով է արվել, թիկունքում ովքեր կան, թողեք այս ավելորդ խոսակցությունները, հայի արյունն այնքան մաքուր է, որ ոչ մի սորոսյան վիրուս երկար չի դիմանա նրա մաշկին:
Սա սա որպես ի գիտություն:
Միթե չեք տեսնում, որ երեսուն տարի դաժանորեն կեղեքված սեփական ժողովուրդը վերջին հույսով է ոտքի ելել, սա ժողովրդական հեղաշրջում է, սոցիալական հեղաշրջում: Եթե ժողովուրդն է երկրի տերը, նա էլ պետք է որոշի ինչպես վարվել իր երկրի կարգը խանգարող անցյալ ու ներկա հանցագործների հետ:100 Օրը իր թերություններով հանդերձ, այն է՝ Բռնել-բաց թողնելու անհասկանալի գործողությունները, քաղաքացիների ընդունելության և դիմում բողոքների անպատասխան թողնելը երկրի լծակները նախորդների հսկողության տակ պահելը, դատաիրավական համակարգի արհեստական անկախությանը վստահելը, սահմանադրական ակցանի ապամոնտաժման անհրաժեշտությունը և այլն,անփորձությունից պետք է դուրս բերել,ինչ խոսք պետբյուջեն կարողացել են լցնել, ետ վերադարձնելով գողունի չնչին տոկոսը, այժմ ժողովրդի հոգսերի թեթևացման մասին պետք է մտածել...
Չկան նախորդներ ու ներկաներ, կա Ազգ ու Հայրենիք, սա պետք է լինի առաջնայինը բոլորիս համար՝ ձեռք ձեռքի տված...

Ռուզան Ասատրյան