USArmenianews.com
Լրատվական կայք՝ Լոս Անջելեսից
Ուրբաթ, 29 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Արթուր Աղաբեկյա՛ն, խոսե՛ք, ժամանակն է .Factor
2018-06-27 13:56:00
Տպել Տպել

«Factor.am »-ը գրում է. Հայաստանում սկիզբ է դրվել կոռուպցիայի դեմ անզիջում պայքարի, որի արդյունքում, գրեթե ամեն օր հասարակությանը հայտնի է դառնում հերթական չարաշահման դեպքի, դրամաշորթության և պետական բյուջեի թալանի մասին։
Հատկանշական է, որ բացահայտումների մեջ զգալի թիվ են կազմում բանակում կատարված չարաշահումների դեպքերը, որոնք կատարվել են ինչպես գնումների ոլորտում, այնպես էլ՝ զինվորներին օգնելու համար բացված տարբեր հաշվեհամարներից։ Դեռեւս հեղափոխությունից առաջ կոռուպցիոն չարաշահումներ էին բացահայտվել զինվորներին օգնելու համար բացված «Մարտիկ» հիմնադրամում, պարզվել էր, որ այնտեղ գործել են կոռուպցիոն սխեմաներ և յուրացվել են զինվորի համար հավաքագրվող գումարները։
Հաշվի առնելով, որ այս հիմնադրամի հոգաբարձուների խորհրդի անդամների թվում են պաշտոնաթող նախագահներ Սերժ Սարգսյանը, Ռոբերտ Քոչարյանը, վերջինիս որդին՝ Սեդրակ Քոչարյանը, Ամենայն Հայոց կաթողիկոս Գարեգին Բ-ն, Արցախի հերոս Արթուր Աղաբեկյանը, նախկին ոստիկանապետ Վլադիմիր Գասպարյանը, ՀԱՊԿ գլխավոր քարտուղար Յուրի Խաչատուրովը, Աժ պատգամավոր, գեներալ Սեյրան Սարոյանը, Սյունիքի նախկին մարզպետ Սուրիկ Խաչատրյանը, ակնկալվում է, որ այս հիմնադրամի գործունեությունը ևս պետք է հայտնվի Ազգային անվտանգության ծառայության ուշադրության կենտրոնում։
Թե ինչ է մտածում առհասարակ զինվորին օգնելու անվան տակ կատարված թալանի, Արցախի բանակին չհասած օգնության մասին և ինչու հրաժարական տվեց «Մարտիկ» հիմնադրամի հոգաբարձուների խորհրդի նախագահի պաշտոնից, Factor․am-ը փորձեց պարզել ԼՂ նախկին փոխվարչապետ, Արցախի հերոս, «Մարտիկ» հիմնադրամի նախկին նախագահ Արթուր Աղաբեկյանից։
«Ինչ վերաբերում է «Մարտիկ» հիմնադրամին, դրա մասին, առհասարակ, չեմ ցանկանում խոսել, այդ մասով նախաքննություն է տարվում, բանակից կատարված չարաշահումների մասին ևս ես չեմ ուզում խոսել, այնքան հիասթափված եմ, որևէ բառ ասելու ցանկություն չունեմ։ Ես կխոսեմ՝ մի վեց ամիս կամ մեկ տարի հետո, հիմա, կներեք, որևէ հարցի չեմ ցանկանում պատասխանել»,- ասաց Աղաբեկյանը: Իսկ հարցին՝ ինչով է պայմանավորված վեց ամսով կամ մեկ տարով լռելու իր որոշումը՝ Աղաբեկյանը չպատասխանեց։ Արդյոք կոռուպցիայի դեմ պայքարն ու չարաշահումների բացահայտումը «Մարտիկ» հիմնադրամին կհասնի վեց ամիս կամ մեկ տարի անց և արդյոք Արթուր Աղաբեկյանին թույլ կտան լռել այդքան ժամանակ՝ պարզ կդառնա առաջիկայում։

Հ.Գ.  ՀՀ ԱԱԾ և  ԱՄՆ Դաշնային ծառայությունները պետք է հետաքննություն անցկացնեն նաև  Լոսանջելեսում ապրիլյան պատերազմի օրերից  մինչ այսօր   հայտնված  «բարերարներին» ևս, որոնց հանգանակած  գումարները հասնում են մի քանի միլիոնի: 

Այս նյութը դիտել են - 4236 անգամ
Թողնել մեկնաբանություն
Բոլորը ›››
Facebook