USArmenianews.com
Լրատվական կայք՝ Լոս Անջելեսից
Ուրբաթ, 29 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
ՓԱՍՏԱԲԱՆ ԼԵՒՈՆ ԲԱՂԴԱՍԱՐՅԱՆԸ ՍՏԱՆՁՆԵԼ Է ՄԱՆՎԵԼ ԳՐԻԳՈՐՅԱՆԻ ՊԱՇՏՊԱՆՈՒԹՅՈՒՆ.Hraparak
2018-06-20 14:34:00
Տպել Տպել

Մանվել Գրիգորյանի նկատմամբ հարուցված քրեական գործով հետաքրքիր զարգացումներ են սպասվում: Մեզ հասած տեղեկությունների համաձայն՝ Գրիգորյանների ընտանիքը դիմել է մի շարք հնչեղ գործերով հայտնի փաստաբան Լեւոն Բաղդասարյանին, որպեսզի նա ստանձնի Մանվել Գրիգորյանի շահերի պաշտպանությունը: Հիշեցնենք, որ Գրիգորյանի նախկին փաստաբանը՝ Հրանտ Անանյանը, հրաժարվել էր պաշտպանությունից՝ դրանով արժանանալով որոշ փաստաբանների սուր քննադատությանը։

Փաստաբանական էթիկան եւ կանոնագիրքը թույլ չեն տալիս հրաժարվել վստահորդին պաշտպանելուց, այն էլ՝ քաղաքական նկատառումներից ելնելով, եւ դա փասաբանի նկատմամբ կարգապահական վարույթ հարուցելու հիմք կարող է հանդիսանալ։ Մանվել Գրիգորյանի պաշտպանությունը ստանձնել էր փաստաբան Արսեն Մկրտչյանը՝ ՀՌԱՀ անդամ Արմեն Մկրտչյանի եղբայրը։ Այժմ խումբը համալրվել է նոր փաստաբանով՝ Լեւոն Բաղդասարյանն է միացել աշխատանքներին։ Մենք փորձեցինք կապվել փաստաբան Լեւոն Բաղդասարյանի հետ, սակայն՝ ապարդյուն:

Տեղեկացնենք, որ Լեւոն Բաղդասարյանը դեռեւս 1996 թվականին ՏԻՄ ընտրությունների ժամանակ, երբ Երեւան քաղաքի բոլոր համայնքներում լցոնումների արդյունքում հաղթեցին ՀՀՇ թեկնածուները, դատական կարգով վիճարկել էր Նորք-Մարաշ համայնքի ընտրությունները, որի ուժով Արմենակ Արմենակյանը վերընտրվեց Նորք-Մարաշի թաղապետ, ով հետագայում առեղծվածային պայմաններում սպանվեց 1999 թվականի հոկտեմբերի 27-ին:

Այնուհետեւ Լեւոն Բաղդասարյանը ստանձնել է «Ա1+» հեռուստաընկերության շահերի պաշտպանությունը` կապված եթերազրկման հետ: Բոլորս ենք հիշում՝ 2003-ին, երբ Գրողների միության պոլիկլինիկան այդ ժամանակվա իշխանությունները գրողների ձեռքից խլեցին եւ ջրի գնով վաճառեցին, գրողները մեծ աղմուկ բարձրացրին։

Այն ժամանակվա Գրողների միության նախագահն Լեւոն Անանյանն էր, ով դիմեց Լեւոն Բաղդասարյանի աջակցությանը, եւ փաստաբանի կողմից դատական կարգով այն ետ բերվեց ու վերադարձվեց գրողների համայնքին: Այսօր Լեւոն Բաղդասարյանը ներկայացնում է մեդիա դաշտի որոշ լրատվամիջոցների շահերի պաշտպանությունը, այդ թվում՝ որոշ գործերով՝ նաեւ «Հրապարակի»։

Փաստաբանը պաշտպանում է նաեւ Նորք-Մարաշի զինված խմբի պարագլուխ Արթուր Վարդանյանի շահերը: Առհասարակ՝ փաստաբանի գործը մարդու պաշտպանությունը լիարժեք իրականացնելն է, անգամ եթե այդ մարդը մարդասպան է, բռնաբարող կամ գանձագող։

hraparak.am

Այս նյութը դիտել են - 7429 անգամ
Թողնել մեկնաբանություն
Բոլորը ›››
Facebook