USArmenianews.com
Լրատվական կայք՝ Լոս Անջելեսից
Հինգշաբթի, 28 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Մասիսի ձերբակալված քաղաքապետը մեղադրանքը չի ընդունում. փաստաբան Hetq
2018-05-31 04:12:00
Տպել Տպել

Մասիսի քաղաքապետ Դավիթ Համբարձումյանը էրեբունիում ապրիլի 22-ին տեղի ունեցած իրադարձությունների առթիվ հարուցված գործի շրջանակներում իրեն առաջադրված մեղադրանքը չի ընդունում:
Համբարձումյանի պնդմամբ՝ ինքը նշված միջադեպի մասնակից չի եղել և առհասարակ միջադեպի վայրում չի եղել:
Այս մասին «Հետք»-ի հետ զրույցում ասաց Դավիթ Համբարձումյանի փաստաբան Տիգրան Աթանեսյանը:
Հիշեցնենք, որ ապրիլի 22-ին` այն բանից հետո, երբ ԱԺ պատգամավորներ Նիկոլ Փաշինյանը, Արարատ Միրզոյանն ու Սասուն Միքայելյանը Էրեբունիում ձերբակալվել են, դիմակավորված քաղաքացիական հագուստով անձինք մահակներով ու քարերով հարձակվել են երթի մասնակիցների վրա, բռնություն կիրառել ցուցարարների նկատմամբ, հայհոյել ու էլեկտրահարել նրանց: Դեպքին ականատես են եղել նաև ոստիկաններ, որոնք չեն միջամտել: Այս դեպքով քրեական գործը հարուցվել է զանգվածային անկարգության հոդվածով:
Քննչական կոմիտեի նախագահի խորհրդական Սոնա Տռուզյանի փոխանցմամբ՝ քրեական գործի շրջանակներում 5 անձ ձերբակալվել է, որոնց թվում՝ Մասիսի քաղաքապետ Դավիթ Համբարձումյանն ու փոխքաղաքապետ Կարեն Օհանյանը:
Ձերբակալված անձանց շահերը ներկայացնում է փաստաբան Տիգրան Աթանեսյանը: Վերջինս մեզ հետ զրույցում նշեց, որ ձերբակալված մյուս անձինք լռություն են պահպանում:
Թե ձերբակալվածների՝ միջադեպի մասնակից լինելու վերաբերյալ ինչ հիմնավորումներ է ներկայացրել քննություն իրականացնող մարմինը, մեզ հայտնի չէ: Աթանեսյանն այս առնչությամբ որևէ տեղեկություն չտրամադրեց:
Նշենք, որ Դավիթ Համբարձումյանը Վովա Գասպարյանի թիկնազորի պետ Արշակ Հակոբյանի փեսան է: Էրեբունիի զանգվածային անկարգությունների դեպքի առթիվ հարուցված քրեական գործի շրջանակներում ինքը՝ Արշակ Հակոբյանը, հարցաքննվել է: Քննություն իրականացնող մարմինը նաև Հակոբյանի բնակարանը խուզարկել է, սակայն Արշակ Հակոբյանն այս գործի շրջանակներում կասկածյալի կամ մեղադրյալի կարգավիճակ չունի:

Այս նյութը դիտել են - 5634 անգամ
Թողնել մեկնաբանություն
Բոլորը ›››
Facebook