USArmenianews.com
Լրատվական կայք՝ Լոս Անջելեսից
Ուրբաթ, 29 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
«Ելք»-ի կարապի երգը՝ Փաշինյան-Մարուքյան դուետի կատարմամբ
2018-04-04 12:01:00
Տպել Տպել

«Ելք»-ում խմորվող պրոցեսների մասին մամուլը անդրադարձ է կատարել ու արձանագրել, որ այս քաղաքական ուժն այն տեսքով, որն այժմ առկա է, ապագայում սեփական գոյության հետ կապված լրջագույն խնդիրներ է ունենալու ու դատապարտված է պառակտման:

Նիկոլ Փաշինյանի՝ փողոց դուրս գալուց հետո այլևս լիովին տեսանելի է դարձել այն, որ ընդդիմադիր այս ուժն այժմ լրջագույն ճգնաժամ է ապրում: Մասնավորապես՝ «Ելք»-ի կարևոր բևեռներից մեկը ներկայացնող Էդմոն Մարուքյանը հոդված էր հրապարակել, ուր հակաճառական փաստարկներ էր ներկայացրել ընդդեմ Նիկոլ Փաշինյանի ընտրած քաղաքական պայքարի ուղու՝ համոզմունք հայտնելով, որ «Ելք»-ը պետք է ձգտի ոչ թե անհեռանկարային ու որևիցե տեղ չառաջնորդող մեթոդներով կանխել ՀՀԿ-ի առաջխաղացումն, այլ հենց խորհրադարանում հասնի նրան, որ իշխանությունն այսպես ասած՝ փայ տա ընդդիմությանը պետական կառավարման կարևորագույն գործիքակազմեր հանդիսացող տարբեր ապարատներում:
Որպես իր տեսակետի հիմնավորում էլ հոդվածում Մարուքյանն արտատպել էր վերջին խորհրդարնական ընտրությունների այն արդյունքները, որոնք հրապարակվել էին ԿԸՀ-ի կողմից ու որոնք վկայում են «Ելք»-ի համար ոչ այնքան հաճելի իրողությունների մասին:
Կարճ ժամանակ անց Նիկոլ Փաշինյանն էլ արձագանքեց Մարուքյանի փաստարկներին՝ վերջինիս մեղադրելով ժողովրդական ընդդիմադիր պոտնցիալը վատնել ցանկանալու մեջ: «Ես կարծում եմ, որ եթե այդ տրամաբանությամբ գնանք, այն ճանապարհը, որը գծագրված էր պարոն Մարուքյանի այսօրվա հոդվածում, այն նույնպես տրորված է մի քանի անգամ և տրորվել է ՀՅԴ-ի և ՕԵԿ-ի կողմից»,-հայտարարել է Փաշինյանն ու սրանով, ըստ էության, մեղադրել Մարուքյանին իշխանական պրոյեկտ լինելու մեջ:
Այսպիսով՝ անհրաժեշտ է այլևս արձանագրել, որ «Ելք»-ի քայքայման գործընթացը, որը սկսվել էր դեռ ամիսներ առաջ, այժմ մտել է անդառնալիության փուլ, ու «Ելք»-ի միջուկը հանդիսացող ուժերի առաջնորդները, որոնք միառժամանակ առաջ միմյանց որպես ընկերներ էին խոստովանում հանրության առաջ, այժմ հայտնվել են բարիկադների հակառակ կողմերում: Նիկոլը փողոցում է, իսկ ահա Մարուքյանը շատ ավելի հարմարավետ վայրում՝ ԱԺ-ում: Իրականում բոլորին էլ հասկանալի է, որ «Ելք»-ի ներսում տեղի ունեցող պրոցսները ո՛չ Փաշինյանի ու ո՛չ էլ Մարուքյանի ազատ արտահայտման արդյունք չեն: Իշխանական պլան է, ու սրանք հիմա ընդամենը ի կատար են ածում այն, ինչ հրամայված է իրենց վերևներից:
Ակնհայտորեն ընդդիմությանը ևս մեկ անգամ ջլատելու փորձեր են, որի հիմնական տուժող կողմը, սակայն, դառնալու է ժողովուրդը, քանի որ ընդդիմադիր հատվածը, որն, ինչպես հայտնի է, Հայաստանում մեծամասնություն է կազմում, զրկվելու է ազդեցություն ունենալու որևիցե լծակից ու «փոշիանալու»:
Ինչ վերաբերում է երկու միմյանց հակառակվող գործիչներին, ապա անկասկած է, որ «կադրից դուրս» նրանք շարունակում են մնալ եղբայրներ՝ շատ լավ հասկանալով իրենց վերապահված դերն այս կրկեսային ներկայացման մեջ:
Իրենք էլ գիտեն՝ «Ելք»-ն ապագա չունի ու միանգամայն արհեստածին դաշինք է՝ միմյանց հետ ոչ մի կապ չունեցող ուժերի միջև կայացած:

Այս նյութը դիտել են - 3208 անգամ
Թողնել մեկնաբանություն
2024-03-05 01:16:00  «Փակ» հանդիպում
«Փակ» հանդիպում
Բոլորը ›››
Facebook