USArmenianews.com
Լրատվական կայք՝ Լոս Անջելեսից
Հինգշաբթի, 18 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
ԱՄՆ-ի դրոշները, մինչև նոյեմբերի 9-ը` խոնարհված կլինեն ի հիշատակ Տեխասի եկեղեցում զոհվածների
2017-11-06 14:17:00
Տպել Տպել

 Թրամփը կարգադրել է ԱՄՆ-ի դրոշները խոնարհել մինչեւ նոյեմբերի 9-ը ի հիշատակ Տեխասի Սազերլենդ Սփրինգս քաղաքի բապտիստական եկեղեցում հրաձգության զոհերի։

Թրամփի ուղերձում, որը տարածել է Սպիտակ տունը, ասված է, որ ԱՄՆ-ի դրոշները պետական շենքերի վրա եւ երկրի ողջ տարածքում, ինչպես նաեւ արտասահմանում ամերիկյան բոլոր դիվանագիտական ներկայացուցչություններում խոնարհված կլինեն «մինչեւ նոյեմբերի 9-ի մայրամուտը ի նշան 2017 թվականի նոյեմբերի 5-ին կատարված բռնության անիմաստ ակտի զոհերի նկատմամբ հարգանքի»:

Ինչպես արդեն տեղեկացվել է, Տեխասի եկեղեցում կատարված սպանդի հետեւանքով զոհվել է 26 մարդ: Կրակողին մեռած են գտել, բայց ոստիկանությունն առայժմ չգիտե նրա մահվան հանգամանքները: Հանցագործության դրդապատճառները նույնպես առայժմ պարզ չեն: Տուժածների տարիքը՝ 5-ից մինչեւ 72 է:

Թեեւ պաշտոնապես զինված տղամարդու անունը չի հաղորդվում, Միացյալ Նահանգների զանգվածային լրատվամիջոցներից շատերը գրում են, որ հարձակվողը Դեւիդ Փատրիկ Քելլին է, որն ավելի վաղ խայտառակ կերպով հեռացվել է ԱՄՆ-ի ռազմաօդային ուժերից:

Սա այդօրինակ ամենաարյունալի միջադեպն է նահանգի պատմության մեջ, հայտարարել է Տեխասի նահանգապետը:

Ինչպես հայտնել է ԱՄՆ-ի ռազմաօդային ուժերի մամուլի քարտուղար Էնն Ստեֆանեկը, Քելլին 5 տարի առաջ ռազմական տրիբունալի կողմից դատապարտվել էր իր կնոջ ու երեխայի վրա կատարած հարձակման համար, «Արմենպրեսի» փոխանցմամբ հաղորդել է «Ինտերֆաքս»-ը: 

Այս նյութը դիտել են - 15831 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook