Ավելի քան 150 տարի առաջ ԱՄՆ հարավում տեղակայված Վիրջինիա նահանգը քաղաքացիական պատերազմի էպիկենտրոնում էր: Այսօր այն քաղաքական պայքարի կռվախնձոր է դարձել:Նահանգի Լիզբուրգ բնակավայրն ունի հարուստ պատմական անցյալ: Այն ավանդաբար քվեարկել է հանրապետականների օգտին: Սակայն Քլինտոնի աջակից Քրեգ Գրինի կարծիքով Վիրջինիա նահանգի քաղաքակն դաշտը գնալով փոխվում է։Գրինը դեմոկրատ ակտիվիստ է հյուսիսային Վիրջինիայի Լոուդոնի շրջանից, որը հայտնի է իր բարձր տեխնոլոգիաների ոլորտի զարգացմամբ և այդ ոլորտի մասնագետների կենտրոնացմամբ: Գրինը ասում է, որ ժողովրդագրական կազմի փոփոխումը Վիրջինիայում նպաստավոր է դեմոկրատների և խնդրահարույց հանրապետական Թրամփի համար:Մեկ այլ դեմոկրատների աջակից, ծրագրային ապահովման ինժեներ Սրի Ամուդհանարը Հնդկաստանից ներգաղթել է մոտ 30 տարի առաջ: Նա ասում է, որ երկրում ներգաղթյալների թվի կտրուկ աճն ունի մեծ քաղաքական ազդեցություն:«Նրանք երդում են տալիս, երբ դառնում են ԱՄՆ քաղաքացիներ: Դա շատ հանդիսավոր և ազդեցիկ մի գործընթաց է, որով բոլորս էլ անցել ենք: Այն մեզ կապում է ամերիկյան արժեքներին, քանզի բոլորը իրավահավասար են այս երկրում»:Չնայած ժողովրդագրական կազմի փոփոխմանը Դոնալդ Թրամփը չի պատրաստվում զիջել Վիրջինիան: Թրամփի կողմնակիցները վերջերս կազմակերպեցին խոշոր հանրահավաք ի աջակցություն վերջինիս:«Սա բոլոր ժամանակների համար հզոր շարժումներից մեկն է: Մենք պետք է այն ավարտին հասցնենք», ասել է Թրամփը: