USArmenianews.com
Լրատվական կայք՝ Լոս Անջելեսից
Ուրբաթ, 29 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am|am
Facebook twitter Youtube
Search
am en
Արխիվ
Օրվա Լուսանկար
Գետն իր ափերից դուրս է եկել և քշելու, տանելու է ափում կուտակված ողջ տիղմը. Նիկոլ Փաշինյանը «կպլստա՞. «Հրապարակ»
2020-06-04 21:17:00
Տպել Տպել

«Հրապարակ».Հնարավո՞ր է այդ հրաժարականներով Նիկոլ Փաշինյանը «պլստա»

Ճի՞շտ էր Միքայել Մինասյանի հայտարարությունը՝ Փաշինյանների մաքսանենգ գործունեության, ՊԵԿ-ի ներգրավվածության մասին․- շատերի մտքով է անցել։ Բնական է, նախկիններին հրեշների տեսքով ներկայացնողը, քրեական գործերով հետապնդողը սուրբ լուսապսակ կրողի դերում էր հանդես գալիս ու դժվար էր հավատալը` չէ՞ որ ինքը հավատացրել է, որ եկել է, որպեսզի ժողովրդին վերադարձնի ժողովրդից թալանածը։
Ժամանակն անցնում է, մարդիկ տեսնում են, որ բացի ֆիկտիվ հետապնդումներից ու իր համար «խուզումներից» ուրիշ բան չկա։ Գանձարանը շքեղ պարգևատրումների տեսքով վայելում են, կրկնապատկում, եռապատկում աշխատավարձերը․․․Փաշինյանն ասում էր , որ այդպես են անում, որովհետև չեն թալանում։
Ու հանկարծ Միքայել Մինասյանը՝ ի լուր աշխարհի, խոսում է նրանց թալանի, ստի մասին։ Ու մինչ մարդիկ կասկածամտության , ինչ որ տեղ թերահավատության մեջ են, զարմացած, որ Նիկոլ Փաշինյանը չի հերքում այդ փաստերը, փորձում են մի շյուղից կառչել, որովհետև ամենածանր բանը հավատը կորցնելն է, իշխանությունը ի՛նքն է իր քայլերով պատասխանում այդ հարցին։
ՊԵԿ նախագահ Դավիթ Անանյանի հրաժարականը հաստատում է Միքայել Մինասյանի ներկայացրած փաստերի օբյեկտիվությունը։ Մեծ ֆիգուրները իրենց գոյատևման համար սովորաբար «ժերտվա են տալիս փոքր ֆիգուրներին»։
Անանյանի հրաժարականը փոխադարձ պայմանավորվածությունից հեռու լինել չի կարող։ Իր հրաժարականով նա փորձում է փրկել Նիկոլ Փաշինյանին, ինչու՞ չէ, նաև իրեն՝ հետագա մեծ խնդիրների առաջ չկանգնելու համար։

Հրաժարականներ էլի են սպասվում։ Արդեն օրակարգում է հրաժարականների այլ շքերթ՝ ՊԵԿ նախագահի տեղակալ Ռաֆիկ Մաշադյանը, ՊԵԿ հետաքննության և օպերատիվ հետախուզության վարչության պետ Վահան Չարխիֆալակյան ու էլի շատ ֆիգուրներ։ Հնարավո՞ր է այդ հրաժարականներով Նիկոլ Փաշինյանը «պլստա»։ Իհարկե, ո՛չ որովհետև գետն իր ափերից դուրս է եկել և քշելու, տանելու է ափում կուտակված ողջ տիղմը։

Այս նյութը դիտել են - 4464 անգամ
Թողնել մեկնաբանություն
Բոլորը ›››
Facebook