USArmenianews.com
Լրատվական կայք՝ Լոս Անջելեսից
Չորեքշաբթի, 08 2020թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
Արխիվ
Օրվա Լուսանկար
Նոր Հայաստանում մարդիկ կարող են օրը ցերեկով հագնել հատուկ համազգեստներ, խմբերով ներխուժել քաղաքացիների տներ կամ աշխատավայրեր ու մարդկանցից հաշիվ պահանջել . «Երկիր»
2020-03-12 16:57:00
Տպել Տպել

Yerkir.am-ը գրավոր հարցում էր ուղարկել ՀՀ ոստիկանության պետի ժ/պ Արման Սարգսյանի անունով՝ խնդրելով տեղեկություններ այն մասին, թե որքա՞ն է կազմել իր ղեկավարած հիմնարկի աշխատակիցներին վճարված պարգևավճարների չափը՝ 09.05.2018 թվականից մինչև 31.12.2019 թվականը, այն է՝ Փաշինյանի օրոք:

Ստացված գրավոր պատասխանում (կցվում է) նշված է, որ նշված ժամանակահատվածում ՀՀ ոստիկանության աշխատակիցներին վճարված պարգևատրման չափը կազմել է 14.131.843,6 հազար դրամ (ավելի քան 29.500.000 ԱՄՆ դոլար):
Փաստորեն՝ ՀՀ ոստիկանությունում ամսական պարգևավճարների թիվը կազմում է մոտ 1.500.000 ԱՄՆ դոլարին համարժեք դրամ:
Բնականաբար՝ ցանկացած խրախուսման կամ պարգևավճարի պարագայում պետք է լինեն տեսանելի կամ չափելի արդյունքներ: Ցավոք, ոստիկանության պարագայում ևս արձանագրված ցուցանիշներն ամենևին «պարգևատրելի» չեն և, ճիշտ հակառակը, խոսում են ոլորտում առկա հետընթացի մասին:
Ընդամենը մի քանի ցուցանիշներից պարզ է դառնում՝ նոր իշխանությունների օրոք ոստիկանության աշխատանքները պարգևատրելի՞ են այդչափ առասպելական թվերով, թե՞ այդ պարգևավճարներն այս պարագայում ևս եղել են ինքնանպատակ, և վերջնարդյունքում որևէ խնդիր չի լուծվել:
Այսպես՝ 2019 թ. առաջին կիսամյակում ՀՀ-ում գրանցվել է հանցագործությունների 35.3% աճ, իսկ 2019 թ. ընթացքում հանրապետությունում գրանցված հանցագործությունների ընդհանուր թվաքանակն աճել է 8,8%-ով կամ 2.172 դեպքով (2018 թ.` 24.678, 2019 թ.` 26.850):
2019 թ. առաջին եռամսյակում բնակարանային գողությունների թիվը կրկնակի աճել է՝ անցած երկու տարիների համեմատ: Երևանի քաղաքային տրանսպորտում շարունակում են ազատորեն վխտալ գրպանահատները:
Նույն հետընթացն է նաև մարզերում. 2019 թ. ընթացքում Արարատի մարզում արձանագրվել է հանցագործություն­ների 1521 դեպք, նախորդող տարվա 1321 դեպքի դիմաց, այսինքն հանցագործությունների աճը կազմել է 15 տոկոս: Նույն մարզում հանցագործությունների բացահայտման տոկոսը նվազել է 3,1 %-ով՝ նախորդ տարվա 74,6 %-ից իջնելով 71,5 %-ի:
Նախորդ տարվա համեմատ մարզում ծանր հանցագործություններն ավելացել են 49 դեպքով կամ 26,8 տոկոսով (232/183): Աճը մեծապես պայմանավորված է բնակարանային գողությունների դեպքերի ավելացմամբ: Արձանագրվել է 104 դեպք՝ 2018 թ. 91 դեպքի դիմաց, այսինքն աճը կազմել է 14,3 տոկոս: Ընդ որում՝ նվազել է նաև այս դեպքերով բացահայտման ցուցանիշը, ինչն ինքնին բնակարանային գողությունների աճի հիմնական պատճառներից է:
Շիրակի մարզում ևս 2019 թ. ընթացքում արձանագրվել է հանցագործություն֊ների թվի աճ. արձանագրվել է հանցագործության 1422 դեպք, որը 2018 թվականի համեմատ ավելի է 113-ով:
Ոստիկանության գործողությունների «թագն ու պսակը» երկրում վխտացող, հանրության կողմից արդեն «ահաբեկչական» որակավորումն ստացած խմբավորումների գոյության հանդեպ «թավշյա» հանդուրժողականությունն է: Փաստորեն՝ երկրում ծայր առած «Գեբելսյան քարոզչության» արդյունքում մարդիկ կարող են օրը ցերեկով հագնել հատուկ համազգեստներ, թևերին ունենալ հատուկ տարբերանշաններ, իրենց հռչակել «հեղափոխության պահապաններ» և խմբերով ներխուժելով քաղաքացիների տներ կամ աշխատավայրեր՝ իրենց թույլ տալ «հաշիվ պահանջել» մարդկանցից՝ Նիկոլ Փաշինյանին ենթադրաբար քննադատելու կամ վիրավորելու համար:

Այս խմբավորումների միանգամայն ազատ և անկաշկանդ գործելաոճի պայմաններում (տեսագրություններով իրենց գործողությունները հանրայնացնելը և այլն)՝ իշխանությունները խոստովանում են, որ երկրում արտակարգ դրություն է, չի գործում ոստիկանությունը, դատարանները և իրավապահ համակարգի մնացած ճյուղերը, ինչի արդյունքում էլ այս ինքնահռչակ «օրենքի պաշտպաններն» են դուրս եկել փողոց՝ իրենք իրենց տալով երկրում հասարակական կարգը պաշտպանելու լիազորություներ:

Միգուցե այսպիսի «թավշյա հնազանդության» համա՞ր ենք մեր հարկերից ամսական 1,5 միլիոն դոլար պարգևատրում ոստիկաններին:

Այս նյութը դիտել են - 4324 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (250-ձայն)
  • Վատ (167-ձայն)
  • Շատ Վատ (1188-ձայն)
Ajax Loader
Ամենաընթերցվածները
Օրվա Շաբաթվա Ամսվա
Facebook