ArmDaily.am-ը «Հայտարարագիր» շարքում այս անգամ կներկայացնի Երևանի քաղաքապետ Հայկ Մարությանի ունեցվածքը։

Ո՞վ է Հայկ Մարությանը
Հայկ Մարությանը ծնվել է 1976 թվականի դեկտեմբերի 18-ին։ 7 տարի սովորել է Երևանի №83 միջնակարգ դպրոցում, 8-10-րդ դասարանները՝ Անանիա Շիրակացու անվան ճեմարանում: 1992 - 1997 թվականներին սովորել է Հայաստանի ազգային պոլիտեխնիկական համալսարանում։ 1995 - 2002 թվականներին խաղացել է պոլիտեխնիկական ինստիտուտի «Հայկական պրոյեկտ» ՈւՀԱ թիմում։ 1997-1998 թվականներին ծառայել է ազգային անվտանգության հատուկ մարտական ստորաբաժանումում։
1996 - 2002 թվականներին աշխատել է «Շարմ» ընկերությունում՝ որպես սցենարիստ, ռեժիսոր, դերասան։
2018 թվականի մայիսից սկսած` բուռն մասնակցություն է ունեցել Հայաստանի «Քայլ արա» շարժմանը:
2018 թվականի սեպտեմբերի 23-ին կայացած ընտրությունների արդյունքներով ընտրվեց Երևանի քաղաքապետ։
Ամուսնացած է ազգությամբ չեխ կնոջ՝ Իվայի հետ, ում հետ ծանոթացել է 2004 թվականին, երբ վերջինս որպես կամավոր աշխատում էր Սպիտակում՝ «Կարմիր խաչի» առաքելության ներքո։ Ունի չորս երեխա՝ Ալիսան, Արթուրը, Ադելը և Արմանը։
Հայկը նաև Չեխիայի քաղաքացի է։
Ունեցվածքը
Պարզվում է երիտասարդ քաղաքապետը բավականին մեծ կարողություններ ունի։
Ըստ Բարձրաստիճան պաշտոնատար անձանց էթիկայի հանձնաժողով ներկայացրած տվյալներով, որը ներկայացրել է 2018 թվականի նոյեմբերի 18-ին պաշտոնը ստանձնելուց հետո, Երևանի քաղաքապետն ունի 7 բնակարան՝ բազմաբնակարան բնակելի շենքում, 6 ավտոտնակ, 2 հողամաս, 1 առանձնատուն, 5 հատ՝ հողին ամրակայված այլ անշարժ գույք։
Քաղաքապետը թանկարժեք մեքենաների սիրահար է, պարբերաբար մեքենաներ է փոխում, սակայն հիմնականում նա վարում էր NISSAN TIIDA 1.6 I մակնիշի ավտոմեքենան։ Նա ունի նաև PEUGEOT PARTNER TP 2.0
մակնիշի ավտոմեքենա։ Ինչպես հայտնի է քաղաքապետը չունի անվտանգության աշխատակիցներ, անգամ վարորդից չի օգտվում՝ հաճախ ինքն է վարում ծառայողական մեքենան։ Երբեմն վարում է նախորդից մնացած Mercedes-ը, բայց ավելի հաճախ՝ Nissan Qashqai մակնիշի կոմպակտ մի քրոսովեր։ Քաղաքապետ Մարությանն առանձնահատուկ սեր է տածում համարների հանդեպ, նրա մոտ նույնական են հեռախոսի և բոլոր մեքենաների համարները։
Մարությանը նաև բաժնեմասեր ունի՝ 25000.00դրամ, 5000.00 և 7500.00 արժողությամբ։
Նրա դրամական միջոցներն այդ օրվա դրությամբ կազմել են՝ 9,500,000.00դրամ, 190,000.00դոլար, 10,000.00եվրո։ Եթե մյուս պաշտոնատար անձանց դրամական միջոցները 3 արժութային տիրույթում, Մարուքյանի դեպքում այն 4 է. նրա ունի նաև 643,000.00 չեխական կրոնա։
Դերասան, սղենարիստ, հետագայում նաև քաղաքապետ Մարությանի եկամուտները կազմել են 10,779,854.00 դրամ, որը գոյացել է աշխատանքի վարձատրությունից և վարձակալության դիմաց ստացած վճարից։
Նշենք, որ մամուլում խոսվում էր, որ նա բնակարաններ ունի նաև Չեխիայում։ Հայտարարագրից երևում է, որ վարձակալության դիմաց ստացած եկամուտներից մի քանիսը չեխական կրոնայով են և ամենայն հավանականությամբ հենց այդ բնակարանների վարձակալությունից ստացած եկամուտներն են։
2019 թվականին ներկայացրած հայտարարագրում Մարությանի դրամական միջոցները գրեթե նույնն են մնացել, միայն ավելացել է չեխական կրոնան՝ 643,000-ից հասնելով 934,000-ի։
Շատ չնչին ավելացել են նաև եկամուտները՝ հասնելով 11,003,854.00դրամի։
Հիշեցնենք, որ Երևանի ավագանու արտահերթ ընտրությունների ժամանակ ArmDaily.am-ը Հայկ Մարությանից հետաքրքրվել էր, թե տեղեկություններ կան, որ Մարությանը նաեւ բազմաթիվ մեքենաներ ունի՝ մեկը մեկից թանկարժեք, թեեւ ընդամենը մեկ մեքենա է ներկայացրել։ ․«Դա իմ հայտարարագիրն է, բայց այնուհետև լինելու է կնոջս հայտարարագիրը։ Բնականաբար մենք մարդ ու կին ենք, և բաներ կա իմ վրա է գրանցված, բաներ կա՝ կնոջս։ Էնպես որ ամեն ինչ դեռ կտեսնեք»։
Սակայն Մարությանի կնոջ՝ Իվա Վլաստիմիլի Մարությանի անվամբ մեքենա հայտարարգրված չէ։
Նա հայտարարագրել է մեկ առանձնատուն։ Կնոջ դրամական միջոցները կազմել են
6,300,000.00 չեխական կրոնա, 235,000.00եվրո, 73,000.00դոլար։
Նրա եկամուտները կազմել են 70,000.00դրամ։