USArmenianews.com
Լրատվական կայք՝ Լոս Անջելեսից
Երեքշաբթի, 19 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am
Facebook twitter Youtube
Search
am en
Արխիվ
Օրվա Լուսանկար
Մերկելից բացի Փաշինյանին չի շնորհավորել որևէ առաջնորդ Hraparak
2018-12-13 09:19:00
Տպել Տպել

Դեկտեմբերի 9-ի ՀՀ ԱԺ արտահերթ ընտրություններից հետո օրերն անցնում են, իսկ Փաշինյանին ուղղված շնորհավորանքներ այլ երկրների ղեկավարներից չեն ստացվում` ո՛չ արեւելքից, ո՛չ արեւմուտքից, ո՛չ հյուսիսից, ո՛չ հարավից: Դա օրինաչափ է եւ այդպես էլ պետք է լիներ, քանի որ դիվանագիտության մեջ պատահականություններ չեն լինում:

Մինչ այժմ Փաշինյանին պատշաճ շնորհավորել են միայն Գերմանիայի կանցլերը եւ Վրաստանի նախագահը, ինչի մասին նրանց պաշտոնական կայքերում կա հաղորդում: Նաեւ Մեծ Բրիտանիայի անունից դեկտեմբերի 9-ի ընտրություններին անդրադարձել է եւ Փաշինյանին շնորհավորել է ՄԹ Եվրոպայի հարցերով նախարար սըր Ալան Դունկանը (ՄԹ Foreign & Commonwealth Office-ի ղեկավարի տեղակալն է Եվրոպայի հարցերով, մտերիմ է ՀՀ նախագահ Արմեն Սարգսյանի հետ, առաջին անձն է ՄԹ Համայնքների պալատի հարյուրամյակների պատմության մեջ, որ հայտարարել է իր միասեռական կողմնորոշման մասին, պաշտոնական այցերով քանիցս եղել է Հայաստանում):
Վերոթվարկյալ եռյակից բացի, որեւէ այլ երկրի, միջազգային կառույցի ղեկավարի կողմից Փաշինյանին շնորհավորանք չի հղվել եւ այդ խորքին զարմանալի է, թե ինչու են հայաստանյան լրատվամիջոցները աղմկում հատկապես ՌԴ նախագահ Վլ. Պուտինից շնորհավորանք չստացվելու շուրջ: Ախր, այդ ո՞վ է շնորհավորել Փաշինյանին, որ Պուտինն էլ ետ մնալով ուշադրություն է գրավել: Թե՞ ուրիշ մայրաքաղաքներից շնորհավորանքների հույս չկա…
Ըստ իս եթե Ռուսաստանից որոշեն ՀՀ դեկտեմբերի 9-ի ընտրություններին անդրադառնալ, դա կարվի Ռուսաստանի ԱԳ նախարարության մամուլի խոսնակ Մարիա Զախարովայի մակարդակով: Ինչո՞ւ… Շատ պարզ, որովհետեւ եւ Բրյուսելից, եւ Վաշինգտոնից ՀՀ դեկտեմբերի 9-ի ընտրություներին անդրադարձը եղել է արտաքին քաղաքական գերատեսչությունների մամուլի ծառայությունների մակարդակով:
Ընդ որում Բրյուսելից EEAS-ի մամուլի քարտուղար Մայա Կոցիյանչիչի, Վաշինգտոնից էլ Պետդեպի մամուլի քարտուղարի տեղակալ Ռոբերտ Պալադինոյի տարածած գրավոր հայտարարություններում Փաշինյանի անունը առհասարակ չի հիշատակված եւ նրան որեւէ շնորհավորանք չի ուղղված: Պետդեպից արձանագրել են, որ կայացել են ընտրություններ, ողջունել են ԵԱՀԿ/ԺՀՄԻԳ-ի գնահատականները, եւ շնորհավորել են հայ ժողովրդին: Բրյուսելից տարածված տեքստում “շնորհավորել” բառը բացակայում է, արձանագրված են ընտրությունների փաստը եւ ՀՀ-ԵՄ համաձայնագրի` CEPA-ի շրջանակում համագործակցությունը զարգացնելու պատրաստակամությունը:
Բրյուսելից եւ Վաշինգտոնից օրինակ վերցնելով Իրանից էլ իրենց երկրի ԱԳ նախարարության մամուլի խոսնակի մակարդակով էին անդրադարձել Հայաստանի ընտրություններին: Իսկ որեւէ այլ երկրում կամ կառույցում` լինի դա Ֆրանսիա, թե Կանադա, Լիբանան, թե Ճապոնիա, անգամ ՄԱԿ (միտումնավոր նշում եմ այն հատուկենտ երկրների, կառույցների անունները, որոնց ղեկավարների հետ անցյալ 7-8ամիսների ընթացքում Փաշինյանը շփվել է ձեռք սեղմելուց ավելի երկար), դեկտեմբերի 9-ի ՀՀ ընտրությունների կամ Փաշինյանի բլոկի հաղթանակի թեմային անդրադարձ չի եղել: Գալով ՀԱՊԿ-ին եւ ԵԱՏՄ-ին, որոնց հանդեպ Փաշինյանի շողոքորթություններն ու ստորաքարշությունը սահման չի ճանաչում (անգամ ՀԱՊԿ Գլխավոր քարտուղարի պաշտոնն է առհավետ Բելառուսին նվիրում), այդ երկրներում վստահաբար տեղյակ են, որ Հայաստանում ընտրություններ են կայացել, բայց ցուցադրաբար չեն շնորհավորում Փաշինյանին` թերեւս եզրակացությունների հնարավորությունը թողնելով ամենքին:
Արդյունքում` «համաշխարհային նշանակության» Փաշինյանի հեղափոխությունը, փաստորեն, աշխարհում կարեւորված չէ եւ նրա առաջնորդներն գնահատված չեն։
Հ. Գ. Նյութը գրվել էր ավելի վաղ եւ մինչ այն կհրապարակեինք ՌԴ-ից պաշտոնական անդրադարձ եղավ ՀՀ ընտրություններին, ինչպես եւ սպասելի էր ՌԴ ԱԳՆ խոսնակի մակարդակով: Զախարովայի անդրադարձում, ճիշտ ինչպես ԱՄՆ-ի եւ ԵՄ-ի իր պաշտոնակիցների անդրադարձերում ոչ Փաշինյանի մասին էր հիշատակվում, ոչ էլ նրան շնորհավորանք էր ուղղված: Սա ԵՄ-ի, ԱՄՆ-ի եւ ՌԴ-ի նույնական վերաբերմունքն է Փաշինյանի անձին եւ գործին:
Hraparak.am

Այս նյութը դիտել են - 3554 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook