USArmenianews.com
Լրատվական կայք՝ Լոս Անջելեսից
Երեքշաբթի, 19 2024թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն|am|am
Facebook twitter Youtube
Search
am en
Արխիվ
Օրվա Լուսանկար
Դատարանում Մանվել Գրիգորյանը պնդել է, որ մեղավոր չէ
2018-12-11 21:12:00
Տպել Տպել

Երևանի ընդհանուր իրավասության դատարանը (Շենգավիթի նստավայր) հեռացել է խորհրդակցական սենյակ՝ ԱԺ պատգամավոր, գեներալ Մանվել Գրիգորյանի կալանքը երկարաձգելու մասին նախաքննական մարմնի ներկայացրած միջնորդության վերաբերյալ որոշում կայացնելու։

Նիստերի դահլիճից դուրս գալուց հետո Գրիգորյանի փաստաբան Արսեն Մկրտչյանը լրագրողների հետ ճեպազրույցում հայտարարեց, որ Գրիգորյանը առողջական  խնդիր է ունեցել, կանչել են շտապօգնություն և համապատասխան բուժօգնություն ցուցաբերելուց հետո նա կարողացել է մասնակցել նիստին և նույնիսկ հանդես եկել խոսքով։
Փաստաբանի փոխանցմամբ, Գրիգորյանն ասել է, որ թեպետ ինքն իրեն մեղավոր չի ճանաչում, բայց պատրաստ է իր վրա վերցնել նաև հարազատներին, մերձավորներին մեղսագրվող արարքների համար նախատեսվող պատասխանատվությունը։

Մկրտչյանն ասաց նաև, որ Գրիգորյանին գրավով ազատ արձակելու մասին դատարանին միջնորդություն է ներկայացվել՝ 20 մլն դրամի չափով։
«Սա իրատեսական չափ է և հնարավոր է այլ խողովակներով այդ գումարը գտնել ու մուծել», - ասաց փաստաբանը։

Խափանման միջոցի հարցի քննությունն իրականացվում է դատավոր Մարինե Մելքոնյանի նախագահությամբ։ Դատավորը, ըստ փաստաբանի, կանխակալ վերաբերմունք ունի այս գործով և շատ հեշտ հնարավոր կլինի նախաքննական մարմնի կողմից նրա նկատմամբ ճնշում գործադրելը։

Այս նյութը դիտել են - 2527 անգամ
Թողնել մեկնաբանություն
Բոլորը ›››
Ամենաընթերցվածները
Օրվա Շաբաթվա Ամսվա
Facebook