USArmenianews.com
Լրատվական կայք՝ Լոս Անջելեսից
Հինգշաբթի, 15 Նոյեմբերի 2018թ.
Լոս Անջելես
: :
Երևան
: :
Գլխավոր|Քաղաքականություն|Պաշտոնական լրահոս|Հասարակություն|Սփյուռք|Մամուլի տեսություն|Մանկավարժի անկյուն|ՀՀ Ոստիկանական Համակարգի Իրական Դեմքը |Սոցցանց|Հարցազրույց|Տեսանյութ|Շոուբիզնես|Մշակույթ|Ուտելիք-Մուտելիք|Սպորտ|Առողջապահություն|Ժամանց|Հաճելի Երաժշտություն
Facebook twitter Youtube
Search
am en
Արխիվ
Օրվա Լուսանկար
ԱԴՐԲԵՋԱՆՑԻՆԵՐԸ ԵԿԵԼ, ՆՍՏԵԼ ԵՆ ՄԵՐ ՊՈՍՏԵՐՈՒՄ, Ո՞Վ Է ԴՐԱ ՀԱՄԱՐ ՊԱՏԱՍԽԱՆ ՏԱԼՈՒ. Hraparak
2018-11-07 11:47:00
Տպել Տպել

Արարատի մարզի Զանգակատուն գյուղը հայտնվել է շատ բարդ իրավիճակում։ Այս մասին այսօր հրավիրած մամուլի ասուլիսում ահազանգեցին Զանգակատան ինքնապաշտպանական ջոկատի հրամանատար Ժորա Մկրտչյանն ու ծնունդով Զանգակատուն գյուղից պատմական գիտությունների թեկնածու Արմեն Կարապետյանը։ Արմեն Կարապետյանը նշեց, որ սահմանամերձ գյուղը 25 տարուց ավելի գտնվում էր խաղաղ վիճակում, լարվածություն չկար սահմանին։ Պատկերը, սակայն, կտրուկ փոխվել է այս տարվա հունվարին։

«Գրեթե հանելուկային պայմաններում, անհասկանալի իրավիճակում, այն տարածքները, որոնք ազատամարտիկները ազատագրել էին 1991-92թթ․, հայտնվել են մեր հակառակորդի տիրապետության ներքո։ Գյուղացիները շատ անհանգստացած են, թե այդ ամենն ինչպես տեղի ունեցավ, ինչպես հակառակորդը նորից, խաղաղ ձեւով տեր դարձավ ազատագրված տարածքներին։ Գյուղը խաղաղ ապրում էր, ոչ մի լարվածություն չկար։ Բայց մեր դիրքերը հանձնելուց հետո, որի մասին ոչ մեկը բացատրություն չի տալիս, գյուղը եւ հարակից համայնքները հայտնվել են լարվածության մեջ։ Տալիս են անորոշ, հեղհեղուկ պատասխաններ, եւ անհայտ է մնում, թե ինչպես եղավ, որ մեր դիրքերը անցան հակառակորդի ձեռքը»,- ասաց Արմեն Կարապետյանը։ Ժորա Մկրտչյանը հիշեց, թե ինչպես են ազատագրել այդ տարածքը, ինչպես այս տարվա սկզբին դիտակետերը հանել տվեցին։ Նա պահանջում է, որ իշխանությունները պարզաբանեն, թե ինչու, ում համաձայնությամբ են հանել դիտակետերը, ինչու մեր կողմից չի եղել դիմադրություն։

«Մի 6-7 պոստերում նստած են իրենք (նկատի ունի ադրբեջանցիներին)։ Երկու հոգի այս մեկ շաբաթվա ընթացքում վիրավորվեցին, լինում են հրդեհներ։ Ինձ համար պարզ չէ, թե սա ինչ ծրագիր էր, ինչպես մարդիկ եկան, նստեցին, ով է դրա համար պատասխան տալու։ Դա եղել է Հայաստանի նախկին ղեկավարության օրոք, լռելյայն, իրենց համաձայնությամբ։ Որեւէ մի գեներալ դա ինքնակամ չէր անի։ Այն ժամանակ, երբ մենք այդ տարածքն ազատագրել էինք, սպարապետ Վազգեն Սարգսյանն ասել էր, որ դա շատ վտանգավոր տարածք է։ Եվ հիմա, որտեղ նստած են ադրբեջանցիները, կարող են իրենց սնայպերները նշանառության տակ պահել Երեւան-Եղեգնաձոր մայրուղին»,- ասաց Ժորա Մկրտչյանը։ Նա հիշեց, թե ինչպես 1992թ․ կարողացան Արարատի ջոկատի տղաներով ազատագրել գյուղը։ Եվ հիմա իրենց մտատանջում է այն հարցը, որ ազատագրված տարածքը նվիրաբերել են հակառակորդին, նրանք էլ եկել են, խաղաղ ձեւով հաստատվել այն տարածքում, որի համար ժամանակին արյուն է թափվել։

«Եվ Հայաստանի ոչ մի ղեկավար բացատրություն չի տալիս, թե դա ինչպես է եղել։ Եվ Զանգակատան հատվածը դարձել է թեժ կետ, կրակում են, հրդեհներ են լինում, լարվածությունը պահպանվում է»,- ասացին մամուլի ասուլիս հրավիրողները։ Արմեն Կարապետյանը հիշեցնում է, որ Զանգակատունը ունի հոգեւոր նշանակություն, այնտեղ է գտնվում Պարույր Սեւակի շիրմաքարը, թանգարանը, տվել է աչքի ընկնող գործիչներ, զինվորականներ։ Արմեն Կարապետյանն ու Ժորա Մկրտչյանը նշեցին, որ տարածքներն այրվել են հրդեհի պատճառով, ադրբեջանցիներն իրենց պահում են շատ ագրեսիվ։ Հարցին, թե դիմե՞լ են նոր իշխանություններին, նրանք արձագանքեցին․ «Վարչապետը տեղյակ է, պաշտպանության նախարարն էլ եկավ, տեսավ, գնաց, ասաց, որ լավ կլինի, չվախենանք։ Բայց այնտեղ ոչ մի կոմբայնավար ռիսկ չի անի մտնել, կխփեն։ Դիմել ենք, ասել ենք, չգիտենք, թե էլ ո՞նց ասենք։ Եթե ռազմաճակատային հատված է, ապա պետք է հոգ տանեն այդ գյուղի ինքնապաշտպանության մասին»։

Հ․Գ․ Ուշագրավ է, որ մամուլի ասուլիսին ներկայացել էր ընդամենը երեք լրագրող։

Hraparak.am

Այս նյութը դիտել են - 1191 անգամ
Թողնել մեկնաբանություն
Բոլորը ›››
Հարցում

Ինչպե՞ս եք գնահատում ՀՀ Ոստիկանական համակարգի աշխատանքը

Նշեք 1 պատասխան:

  • Լավ (180-ձայն)
  • Վատ (129-ձայն)
  • Շատ Վատ (1072-ձայն)
Ajax Loader
Facebook